Nafarroako 30 urtez azpiko gazteen % 24 besterik ez da emantzipatu
Nafarroako 30 urtez azpiko gazteen % 24 bakarrik emantzipatu dira, Emantzipazioaren Behategiak jakitera eman dituen datuen arabera. Halere, Foru Erkidegoa da gazte emantzipatuen kopuru altuena duten erkidegoetan bigarrena. Urteko lehen hilekoari dagozkion datuak eman dituzte ezagutzera gaur.
Gazteen egoera aztertzen du txostenak, bai Espainia mailan bai eta autonomia erkidegoen mailan. Gaurko aurkezpenean Hector Sazek eta Iñaki Etxeberriak hartu dute pare, Espainiako eta Nafarroako gazteria arduradunek. Gazteen emantzipazioaz gain, txirotasunaren, emigrazioaren eta aldi baterako kontratuen hazkundea ere izan dituzte hizpide.
Espainiako Gaztediaren Kontseiluko presidenteak adierazi duenez, “Nafarroako gazteen emantzipazioa goi mailakoa da, eta emakumeak gizonezkoak baino lehen emantzipatzen dira”.
Langabezia tasa baxuena Nafarroako 30 urtez azpiko gazteek dutela ere gogoratu du Sazek, eta, enpleguari dagokionez, Espainia mailan bosgarren erkidegoa dela Nafarroa.
Etxebizitza baterako sarbideari dagokionez, Nafarroako gazte batek “% 64 gehiago irabazi beharko luke” etxebizitza bat erosi ahal izateko, esan du Sazek. “1.706 euroko soldata izan beharko luke, eta soldataren % 50 etxe bat erostera zuzendu”, gaineratu du.
Gazteen txirotasunaren inguruan “sentsibilizaziorik ez” dagoela nabarmendu du Sazek prentsaurrekoan. Nafarroan, % 20koa da gazteen arteko txirotasuna. “2009. urtetik Nafarroan hazi da gehien gazteen arteko txirotasuna, eta bost lagunetik bati eragiten dio”, zehaztu du.
Emigrazioari dagokionez, 2013a urte esanguratsua izan zela ere nabarmendu du. “30 urtez azpiko herritarrak hartzetik herritarrak ematera igaro zen Nafarroa”, esan du.
Nafarroako Gazteriaren presidenteordeak gazteak “aintzat hartzeko” eskatu dio gobernu berriari.
Albiste gehiago gizartea
Auto erakustaldi bateko hainbat zaletu harrapatuak izan dira Galdakaon
Ezbeharra Urreta auzoko San Juan jaietan gertatu da. Zaurituak Galdakaoko ospitalera eraman dituzte baina gehienak arin zaurituta daude, lehen informazioen arabera.
Oraindik ere ikusten da ostiraleko sutearen ke arrastoa Gasteizko LEA-Lascaray enpresan
Gasteizko LEA-Lascaray enpresaren atarian hau da gaurko irudia. Oraindik ke arrastoa ikus daiteke, ostiraleko zoritxarreko sutearen ondorioz. Sugarrak kontrolpean dituzte, baina guztiz amatatu gabe daude oraindik. Enpresa erabat suntsituta geratu da, baina jabeek berreraiki egingo dutela jakinarazi dute.
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.