EBk ez du lortu datozen bi urteetan 40.000 errefuxiatu banatzea
Datozen bi urteetan 40.000 asilo-eskatzaile banatzeko eztabaida konpromisorik gabe itxi dute gaur Europar Batasuneko Barne ministroek. Apiriletik hona Italiara eta Greziara heldu diren Siriako, Eritreako, Somaliako eta Irakeko errefuxiatuak hartzeko akordioa bilatu dute, baina ezinezkoa izan da. Hala ere, egoera abenduan berriz aztertzea erabaki dute.
Bilerara EBri egitasmorik aurkeztu gabe joan den estatu bakarra Espainia izan da. Azkenik, 1.300 asilo-eskatzaile onartu behar zituela iragarri du Espainiak, eta beste 200 bat gehiago abenduan onartzeko aukera aztertuko duela agindu du. Datozen bi urteetan, 4.288 errefuxiatu hartzea proposatu zion Europako Batzordeak Espainiari.
Hungaria eta Austria: “zero” ekarpena
Beste herrialde batzuek, aldiz, beraien ekarpena “zero” izango dela aurreratu dute, Hungariak esaterako. EBk Kosovoko etorkinen presioari aurre egiteko neurririk hartzen ez duela salatu du Hungariak jarrera horrekin.
Austriak ere, “zero” ekarpena iragarri du, eskatzaile gehiago onartu behar izatea zentzugabea dela uste duelako, derrigorrezko kuota-sistema bat ezarriko ez dutela ikusita.
Alemaniak kuota handiagoa onartu du
Alemania, aldiz, Europako Batzordeak proposatutako errefuxiatu-kopurua (8.763 pertsona) onartzeko prest agertu zen hilabete hasieran eta, gaur, kopuru hori igo egin du. Horrela, 10.500 etorkin hartzeko borondatea agertu du Berlinek. Bien bitartean, Frantziak eta Herbehereek hasierako proposamenari eutsi diote: 6.752 eta 2.047 errefuxiatu, hurrenez hurren.
Guztira, 28 estatu kideetatik 22k banaketan parte hartu behar dute. Italia eta Grezia at geratzen dira, neurri hau beroriei laguntzeko baita. Erresuma Batuak eta Danimarkak EBren Barne erabakietan parte ez hartzeko aukera dute, eta Austriak eta Hungariak laguntzeari uko egin diote.
Zure interesekoa izan daiteke
Errepideak moztuta, ibaiak gainezka, argi-mozketak... Andaluziak borrasken ondorioak pairatzen jarraitzen du
Bizilagun askok egunak daramatzate etxetik kanpora; oraindik 3.500 lagun daude kiroldegietan edo hoteletan. Etxera itzuli ahal izan direnek lokatza eta ura aurkitu dituzte nonahi.
Lezaman hilik aurkitutako gizonaren ustezko hiltzailea atxilotu dute Bilbon
Biktima 60 urteko Barakaldoko bizilaguna zen. Joan zen ostiralean aurkitu zuten hilik Lezamako Ganguren gainaren inguruan.
Epaiketan, bederatzi gaztek ziurtatu dute euren entrenatzaileak, Osasunako ikuskatzaile ohiak, sexu-mezuak bidaltzen zizkiela
Errioxako Auzitegiak auzipetuaren aurkako lehen saioa egin du astearte honetan, 16 urtetik beherakoei sexu-abusuak egitea egotzita.
Yala Nafarroak otsailaren 21ean kalera irteteko deia egin du Palestina ahaztu ez dadin
Manifestazioa 17:00etan egingo dute, Iruñean, Israelgo Estatuaren zigorgabetasuna salatzeko. Egun horretan Osasunaren eta Real Madrilen partidara joango diren zaleek ere manisfestaziora joateko aukera izango dutela azpimarratu du elkarteak.
Elisa Mouliaak aurrera jarraituko du Errejonen aurkako akusazioarekin, eta laguntza eskatu die beste biktimei
Aktorearen hitzetan "arbuiagarria da" Fiskaltzak diputatu ohiaren absoluzioa eskatu izana, Mouliaak auzitik irtetea erabaki ostean. Azaldu duenez, hamar hilabetez egon da Errejonek "jazarri, umiliatu eta inbaditu" zuela "frogatzen". Errejonen beste biktima batzuei auzian "gutxienez modu anonimoan" agertzeko eskatu die.
Arartekoak kritikatu du zezenketen legeak ez dituela adingabeengan sortzen dituen eraginak kontuan hartzen
Arauak sokamuturra, errekortariak edo entzierroak bezalako ospakizunei buruz dihardu, betiere 16 urtetik beherakoentzat badira eta tutoreen baimena behar badute.
?fmt=png-alpha&qlt=80)
Euskadiko biztanleen % 10,2 atzerritar nazionalitatekoak dira eta % 14 atzerrian jaioak
Zehazki, iazko urtarrilean 226.367 biztanlek zuten atzerritar nazionalitatea Euskadin, hau da, biztanleria osoaren % 10,2; 2024ko urtarrilean baino hiru hamarren gehiago, eta Espainiako Estatuko % 14,1eko batezbestekoaren azpitik.
35 urteko preso bat hil da Arabako espetxean
Espetxeetako egoera salatzeko, elkarretaratzea deitu du Salhaketa elkarteak datorren ostiralerako, 12:30ean, Gasteizko Andre Maria Zuriaren plazan.
Errejonek ez du ahozko epaiketaren hasieraren jakinarazpena jasoko, Mouliaak salaketa erretiratu ote duen argitu arte
Elisa Mouliaak agerraldia egingo du gaur, asteartea, eguerdian, "akusazio partikularrak jarraituko duen ala ez iragartzeko". Alfredo Arrien abokatuarekin batera agertuko da kazetarien aurrean, atzo bertan "zer erabaki hartu aztertzen" ari zela jakinarazi ostean.
Gizon bat ikertzen ari dira, Beran, semearen eskola-autobuseko gidariari eraso egiteagatik
Antza denez, adingabea lo geratu zen autobusean, eta ez zen ohiko geltokian jaitsi. Ondoren, ibilgailua aparkatuta zegoen lekuan aurkitu zuten.