Elizak aitabitxi izatea ukatu dio transexual bati
Cadizeko eta Ceutako Gotzaingoak aitabitxi izatea ukatu dio 21 urteko transexual bati, "Fedearekin bateragarria ez den bizimodua" duela argudiatuta.
"Elizarentzat, ni emakumea naiz oraindik, nortasun agiria aldatuta badut ere", azaldu du Alex Salinas transexualak, EFE agentzian egindako adierazpenetan. Ilobaren bataioan aitabitxi izan behar zuen, baina Elizak galarazi egin dio, eta orain helegitea aurkeztuko du. "[Gotzaingoaren erabakia] ostikada bat bezalakoa izan da, ni oso fededuna bainaiz", adierazi du gazteak.
Alex emakume jaio zen duela 21 urte, baina otsailetik gizonezko agiria du eta sexua aldatzeko ebakuntza baten zain dago. Katolikoa da eta mezara joan ohi zen, jatetxe batean lan egiten hasi zen arte, denborarik ez zuelako.
Hasieran, San Jose Artesano San Fernandokoa Elizako apaizak ez zion oztoporik jarri ilobaren aitabitxia izan zedin, baina Gotzaintzan agiriak eskatu zuenean, ezezkoa eman zioten.
Gaztea beste hainbat elizatara joan zen, baina guztietan erantzun berbera jaso zuen. Horregatik, Gotzaintzara bertaratu zen, arrazoiak ezagutzeko.
"Haientzat lizuna naiz", deitoratu du gazteak, eta apaizek “barkamena ematea” eskaini diotela gaineratu du, “bekatuak egiten ibili izan banintz bezala”.
"Frantzisko aita santuak transexualak hartu ditu Vatikanoan, baina Espainiako Eliza Erdi Aroan bizi da oraindik”, salatu du Carla Antonellik (PSOE), Espainiako diputatu transexual bakarrak.
Horren esanetan, Elizaren azalpenak “faltsuak” dira. Izan ere, Zuzenbide Kanonikoak ez du debekatzen transexualak aitabitxiak izatea. Horregatik, jarrera hori "gorro delitua" izan daitekeela ohartarazi du.
Zure interesekoa izan daiteke
Sabino Ormazabal ekintzaile eta bakezale nekaezina zendu da, 72 urte zituela
Kazetaritza, antimilitarismoa, ekologismoa, giza-eskubideak eta desobedientzia zibila izan ditu ardatz donostiarrak bere bizitza osoan zehar. Gizarte-mugimenduetan murgilduta beti, Eusko Legebiltzarrak izendatutako polizia-gehiegikeriaren eta giza eskubideen urraketen biktimen aldeko batzordean parte hartu zuen 2013tik.
Pertsona bat hil eta beste bat larri zauritu da Zallan, auto batek eta kamioi batek talka eginda
Hildakoa turismoaren gidaria da, 51 urteko gizona; haren bidaiaria, berriz, 48 urteko emakumea, ospitalera eraman dute.
Espainiako Gobernuak aldi baterako 1.500 harrera-plaza gaitu ditu Ceutan, migrazio-presioaren aurrean
Elma Saizek iragarri du harrera-sistema arintzeko lau gune berehala zabalduko direla, eta erakundeen arteko lankidetza nabarmendu du.
Bilboko konpartsek kuotak ezarri dituzte euskarazko musikarentzat txosnetan, % 27 baino ez dela egiaztatu ondoren
Konpartsek kanpaina bat aurkeztu dute jaietan euskararen erabilera indartzeko, eta txosnetan euskarazko musikaren proportzioa handitzeaz gain, beste aldaketa batzuk ere egin dituzte erabilera areagotzeko.
Zuia egoera larrian dago ur faltagatik, eta zisterna-kamioiak eskatu dizkio Aldundiari
Udalak igerilekuak betetzea, baratzeak eta lorategiak ureztatzea eta ibilgailuak garbitzea debekatu du, Baias ibaiaren ur-emaria jaisten ari delako.
Tessy Ebosele euskal atleta biral egin da sareetan "iruzkin krudelak" salatu ostean
Tessy Ebosele atleta arabarra, birala egin da Europako Atletismo Txapelketan parte hartu ondoren egindako adierazpenengatik. Gasteizen bizi den luzera-jauzilariak gogor kritikatu du atletek sare sozialetan jasotzen dituzten iruzkin negatiboak, eta esan du halako mezuek sekulako eragina dutela lehiatzerako orduan. Malkoak begietan, argi baino argiago hitz egin du.
Llantenoko sutea itzaltzeko lanean jarraitzen dute, garrak kontrolpean hartu ondoren
Laudioko, Langraizko eta Espejoko parkeetako suhiltzaileak, Nekazaritza Brigadako kideak, basozainek gidatutako bulldozerrak eta Larrialdietako helikopteroa lanean ari dira.
Laia eta Oihan, jaioberrien izen ohikoenak Euskadin
2025ean jaiotakoen artean izen arruntenak Laia, Ane eta June, eta Oihan, Markel eta Martin izan dira.
Basurtuko Ospitaleko Psikiatria pabiloian 31,9 gradu arteko tenperaturak daudela salatu dute
Basurtuko Ospitaleko Escuza pabilioiak (psikiatria-eremua hartzen duena) ez du klimatizaziorik hotzean, eta 31,9 gradura arteko tenperaturak izan ditu eraikin barruan. Lan Ikuskaritzaren ustez, eraikinaren egituran arazoak daude, eta baldintza termiko egokiak bermatzeko neurriak eskatu dizkio Osakidetzari.
Arabatik Urbasara lekualdatu dute Rapunzel filmaren filmaketa
Disneyren Enredados filmaren zuzeneko bertsioaren filmaketa Gaubean amaitu dute, eta orain Nafarroako mendilerroan ari dira lanean; hainbat bidezidor eta aparkaleku itxita egongo dira abuztuaren amaierara arte.