Eskerrik asko, Boise
Ondo ez, ederto ibili gara. Eta hiriari pixka bat neurria hartzen hasten zarenean uholde hori sumatzeak nagitasun puntu bat ematen badu ere... uf, itzela izan da. Antolatutako ekitaldiak, eta inprobisazioak ekarritakoak. Unibertsitatean eta bestelako eremu formaletan egondakoak eta parrandan izandakoak.
Boiseko Jaialdia izan daiteke Bakioko batek Urduña edo Sodupeko koadrila batekin bat egitea Euskal Etxean, bat-batean, musika egiteko. Edo bertsolariak ikastolara etortzea kanta amerikarrak ere jotzeko. Edo trikitilari banda bat agertzea. Boiseko Jaialdia izan daiteke Argentinak eta Kaliforniak eta New Yorkek bat egitea, bururik argienak eta ganberro handienek (eta askotan, biak batera datoz!). Eta konturatzea atzo baino dozena erdi lagun gehiago dituzula, eta San Frantziskoko batekin, zuberotar batekin, bizkaitar bi, nafar bat eta Boiseko hiruzpalau lagunekin ari zarela solasean.
Boiseko Jaialdia hiri oso bat euskaldunez janztea edo mozorrotzea edo transformatzea da, nor nongoa den, edo arbasoak non zituen askorik ardura gabe. Ospakizun handi bat da, denak lekua izan dezakeena. Egon daiteke ikurrina eta beste ikur bat, eta musikan Enrique Iglesias zein Gure Esku Dagoren kanta. Herri-kirolak ikuskizun estatubatuar bihurtzen dira, bertsoak euskara-ingeles hibrido baten doaz, eta etxean hain ezinbesteko, hain esentzial diren auziak askoz erlatiboak direla zortzi mila kilometrora begira. Eta AEB kontserbadorea eta AEB apurtzailea metro gutxitan biltzea, Euskal Herri kontserbadorea eta apurtzailea nekez bil daitezkeen legez... Boisen ez bada.
Joan dira bertsoak, dantzak, kirolak, hitzaldiak, aurkezpenak, eztabaidak, dena batzeko ordua iritsi da... eta halako batean, gehiago dagoela, tabernak itxi arren, Amuma Says Bai (munduko anfitrioi onenaren saria balego, egunero sekulako giroa jarri duen taldeari).
Tira, bost urte berehala igaroko dira. Eta Boiseko kapitolioan ikurrina Estatu Batuetakoaren pare jarri dutenez gero, bost urte barru Washingtonen euskal enbaxada bat balego, kontsulatua beharko du Boisen. Edo, aurtengo jendetza ikusita, sarrixeago egiteko ideia ere har liteke (ez botatzeagatik ez dela izan). Inork ez daki seguru zenbat pertsona egon diren. Batzuek diote bost mila etorri direla Euskal Herritik, baina ezin ziur jakin. Bidaia antolatuetan asko, udako plan ederra eginda, Boise New Yorkekin, Kaliforniarekin edo mendebaldeko parke nazionalekin batera. Hirian Jaialdiak daukan eragina ere interesgarria litzateke jakiteko. Hotelak beteta, tabernak eta jatetxeak berdin. Eta jaiak gehiegitan dituen arazoen arrastorik ez, apenas. Ordu txikietako gehiegikerietan handiena, agian, tabernak itxitakoan Xalbador edo Matalaz kantatzen zuten koadrilak. Bestelakoetan egoten diren borroken arrastorik ez, nik dakidala.
Akaso "kroketometroa" da neurgailu onena. Larunbaterako berrogeita hamar mila eta bostehun kroketa (edo 51.500, ez nago seguru) erabat agortu ziren berria zabaldu zen, eta ea zer egingo zen, igandea oraindik aurretik egonda. Baina igandean ere, egon ziren kroketak. Esan dut ederto ibili garela ezta? Eta esan ez ditugunak, hemen esan ohi denez, Boisen gertatzen dena, Boisen geratzen da.
Eskerrik asko Boisetar eta ez Boisetarrei!
Albiste gehiago gizartea
Txirrindulari bat hil da Anoetan, auto batek harrapatuta
Istripua 20:00ak aldera gertatu da, GI-3630 errepidean.
Arrazakeriaren eta "morofobiaren" aurkako elkarretaratzeak Euskal Herrian
Arrazakeria ez dela gertakari isolatua salatzen dute, egiturazkoa baizik. Torre Pachecon gertatutakoen harira, azpimarratzen dute talde arrazistak beldurra sortzeko antolatzen ari direla, eta, beraz, batzeko deia egiten dute, elkarri eusteko.
Bilboko Garcia Rivero kaleak baldosa guztiak altxatu beharko ditu berriro, akastunak direlako
Bilboko Garcia Rivero kaleko lanak bukatzear daudela, udalak erabaki du kaleko obrei berriro ekitea, baldosa akastuak direla eta. Inguruko merkatariak oso atsekabetuta daude obraren prozesuarekin, Aste Nagusia gertu dutela
Tecnaliak Kanadara zabaldu du suarekin saiakuntzak eskala handian egiteko gaitasuna
Tecnalia ikerketa-zentroak Kanadako araudiaren arabera suarekin saiakuntzak eskala handian egiteko akreditazioa lortu du. Agiaztapen hau Estatu Batuetarako edo Erresuma Baturako lortutakoei gehitzen zaie. Lorpen honek negozio-aukerak zabaltzen dizkie eraikuntza-industriako enpresei, Europatik haragoko merkatu arautu eta zorrotzetan.
Bilboko Konpartsetako 13 txosnak ez dute Coca-Cola salduko Palestinako herriari elkartasuna adierazteko
Altxaporrue, Bizizaleak, Eguzkizaleak, Hau Pittu Hau, Kaskagorri, Kranba, Txinparta Feminista, Mekauen, Piztiak, Txinbotarrak, Txori Barrote, Uribarri eta Sinkuartelek ez dute produktu hori salduko.
Loiolako kuartelen salerosketaren eskriturak uztailaren 23an sinatuko ditu Donostiako Udalak
Salmenta horri esker 1.700 etxebizitza babestu baino gehiago eraiki ahal izango dira eremu horretan. Eskriturak sinatzen diren unetik aurrera, militarrek lau urteko epea izango dute eremutik joateko.
Bizkaiko farmaziek bat egin dute arazo soziosanitarioetako egoerak detektatzeko programarekin
Farmazien eta EUDEL-en arteko akordioa indarrean dago jada Araban eta Gipuzkoan, eta Bizkaia batutak, farmazien eta udaletako gizarte-zerbitzuen arteko lankidetza-sarea, osatu da, EAEko biztanle guztiei eman ahal izateko zerbitzua.
Karga guneetatik erretiratzen ez diren ibilgailu elektrikoek ordaindu beharko dute Iruñean
Neurria abuztuan sartuko da indarrean; horrela, bada, aparkaleku gisa erabiltzen dutenekin amaitu nahi du Udalak.
Bi pertsona salatu dituzte Dantxarinean, kalean bi arma erreplika erabiltzeagatik
Foruzaingoak bi erreplika atzeman ditu; zehazki, subfusil bat eta pistola bat.
Gorroto delituak %13,8 jaitsi ziren iaz Estatuan, baina Nafarroak eta EAEk izan zuten intzidentzia tasarik handiena
Nafarroaren intzidentzia tasa 14 kasukoa zen 100.000 biztanleko, Euskal Autonomia Erkidegoaren aurretik (10,8). Arrazakeria edo xenofobiagatik egindako gorroto delituak izan ziren ugarienak (804), 2023an baino % 6,07 gutxiago zenbatu arren. Aitzitik, antisemitismoarekin lotutakoak igo ziren gehien (% 60,9).