Zortzi milioi euro, San Inazio-Zorrotzaurre zubia eraikitzeko
Bilboko San Inazio-Zorrotzaurre zubiak 75 metroko luzera izango du, ubidean euskarririk gabe, eta 28 metroko zabalera: ibilgailuentzat bi bide izango dituen 6,70 metroko galtzada, 7,00 metro autobusentzat bakarrik izango diren bi erreirentzat, 2,5 metroko bidegorria eta 8,8 metro oinezkoentzako espaloi birentzat, bakoitzak 4,40 metroko zabalera izango baitu.
Proiektua LKS Ingeniaritza enpresako Enrique Elkoroberezibar eta Sergio Saiz bide ingeniariek egin dute eta zortzi milioi euro inguruko aurrekontua izango du (BEZ kanpo). Eusko Jaurlaritzak finantzatuko du obra, eta, aurreikuspenen arabera, 17 hilabete beharko dituzte lanak bukatzeko.
Ubidetik taulapean irten eta zubiaren zentroan hiru metroko altuera izateraino leunki igotzen diren bi arku zuri simetrikoetan oinarritzen da diseinua.
Altzairua
Barandak beirazkoak izango dira, muntagarik gabe eta altzairu erdolgaitzeko eskudela izurtuaz errematatuak. Eraikuntzan erabiliko den material nagusia altzairua izango da. Espaloiek gris koloreko zur sintetikoko zorua izango dute eta bidegorria mikroagromeratu gorrixkaz egina egongo da.
Argiztapen orokorrerako, 12 metro altuerako zutabe bi diseinatu dira, zubiaren alde bakoitzerako bat. Gainera, arkuetarako, argiztapen berezia aurreikusi dute.
Zubia itsasadarraren uriola handiena pasatzen uzteko proiektatuta dago, eta isurbidea errazteko, gutxienez, 40 metroko zabalerako tartean metro bateko behe babesa izango du, kanalaren ardatzean zentratua.
San Inazio-Zorrotzaurre zubia. Irudia: zorrotzaurre.com
Juan Mari Aburto Bilboko alkatea eta Angel Toña Eusko Jaurlaritzako Enplegu eta Gizarte Politiketako sailburua izan dira San Inazio eta Zorrotzaurre lotuko dituen zubia aurkezteko ekitaldian.
San Inazio-Zorrotzaurre zubia Zorrotzaurreko hirigintza birsortzeko proiektuaren barruan martxan jarri den bigarrena da. Lehenengoa, Deustu eta Zorrotzaurre lotzen duen Frank Gehry zubia, irailaren 14an inauguratu zuten, eta oraingoz oinezkoek bakarrik erabil dezakete.
Zure interesekoa izan daiteke
Dozenaka lagunek justizia eskatu dute Parisen hildako gazte tolosarrarentzat
'Justizia Dalianentzat' lelopean, Parisen hil zutenTolosako bizilagunaren senide eta lagunek elkarretaratzea egin dute gaur arratsaldean. Martxoaren hasieran aurkitu zuten haren gorpua, Frantziako hiriburuko etxebizitza batean.
Bi gizon inputatu dituzte Artxandako hilketagatik, eta beste hiru krimen hura ezkutatzeagatik
Artxandan dagoen abandonatutako eraikin batean aurkitu zuten, 2023ko abuztuan, gizonezko baten gorpua, zatituta eta erreta, maleta baten barruan.
Goiz korapilatsua Txorierriko errepideetan, Asua parean bederatzi autoren artean izandako talka baten ondorioz
Istripuaren ondorioz, bideko lau erreietatik hiru itxi behar izan dituzte puntako orduan, eta auto-ilara luzeak sortu dira inguruan: Artatzan, Arrontegin, Barakaldon eta Gurutzetan. Behin ibilgailuak bidetik kenduta, egoera bere onera itzultzen joan da. Arazoak izan dira, halaber, A8an, Kantabriarako noranzkoan, San Mames parean istripu bat izan baita. Gipuzkoarako noranzkoan, gainera, trafikoa astuna izan da.
Osakidetzako proba diagnostikoen irudiak ikusgai, Osasun Karpetaren bidez
Iaz, 592.888 herritarrek erabili zuten Osasun Karpeta eta 8,2 milioi sarbide izan zituen. Interesa dutenek irudietara sartzeko eskaera online egiteko aukera izango dute.
Eusko Jaurlaritzak 271 milioiko inbertsioa egingo du hezkuntza sistemaren eraldaketa digitala bultzatzeko
ADIMEN DIGITALA estrategiak software librean oinarritutako hezkuntza-plataforma propioa ahalbidetuko du, irakasleen prestakuntza digitala indartuko du eta euskarazko hezkuntza-edukiak sustatuko ditu.
Bilbok TAOa ezarri du Zorrotzaurreko hegoaldean, 150 aparkaleku-plaza araututa
Bizitegi-eremu horretan, egoiliarrek denbora-mugarik gabe aparkatu ahal izango dute, eta datozen urteetan 550 plaza inguru izatea aurreikusten du Udalak.
Luiziek zirkulazioa korapilatu dute N-634 eta NA-1300 errepideetan
Azken orduotako euriteek lur-jausiak eragin dituzte errepide sareko hainbat puntutan. Aipatu bi errepideak irekita daude dagoeneko, zirkulazioa txandaka bideratuta.
Gizon bat atxilotu dute Pedreñan bikotekidea hiltzea egotzita
Atxilotuak ez zuen horren salaketarik jarrita, baina aurrekariak zituen beste emakume batzuek salatutako indarkeria kasuengatik.
'Aita Mari' ontziak 32 pertsona erreskatatu ditu Mediterraneoan, bi egun noraezean zeramatzatela
Mediterraneo erdialdeko uretan topatu dute ontzia, migratzailez gainezka, "oso baldintza eskasetan". Bi egun zeramatzaten itsasoan noraezean. Erreskatatutako pertsonen artean bederatzi adingabe eta haurdun dagoen emakume bat daude.
21 urteko neska batek hankak apurtu ditu Tuteran, igogailu batean harrapatuta geratu baita
Istripua bart gertatu da, Albares kaleko eraikin bateko igogailuan. Dirudienez, emakume batek zeraman aulkitxo baten uhala igogailuaren atean trabatu da, eta hankak harrapatu dizkio. Suhiltzaileek askatu ostean, anbulantziaz eraman behar izan dute ospitalera.