Gotzaintzak ukatu egin dio Martxoak 3 elkarteari eliza bat erabiltzea
Martxoak 3ko Biktimen Elkarteak gaur salatu duenez, Gasteizeko gotzaintzak ez die baimena eman San Frantzisko eliza erabiltzeko, "sarraskiaren" 40. urtemugaren harira antolatzen ari diren ekintzen barnean.
Elkarte horrek prentsaurrekoa eman du gaur, eta bertan lankidetza eskatu dio gotzaintzari, tenplu hori oso esanguratsua delako Gasteizko historian, eta "funtsezko" gune bat martxoaren 3ko gertakarien oroimenerako, hantxe egin baitzen 1976an Poliziak gaseztatu eta tiroka desegin zuen langileen biltzarra.
Poliziaren esku-hartzean zehar, bost langile hil ziren tiroz eta dozenaka pertsonak zauriak izan zituzten. Datorren martxoaren 3an 40 urte beteko dira gertakari horiek jazo zirenetik, eta biktimentzat “egia, justizia eta ordaina“ eskatzen duen elkartea zenbait memorial bat ari da prestatzen. Memorial horrek hainbat ekintza barne hartzen ditu, eta horien guztien xedea da gertaera haiek ez ahanztea eta ukitutako pertsonen aldarrikapenak plazaratzea.
Antolatzaileek ohar baten bidez azaldu dutenez, aipatu memorialak artea eta oroitzapena uztartuko ditu, 1976an kokatuta egongo den ibilbide batean barrena. Zenbait ekintza artistiko egingo dira gertaerak izan ziren auzoan bertan.
Gauzak horrela, jakitera eman dutenaren arabera, Zaramaga auzoa memorial interaktibo bihurtuko da, garaia hartako kaleko giroa, azoka, lantegia edota taberna bat irudikatuko dituena. Horren guztiaren amaiera gisa San Frantzisko elizan ikus-entzunezko emanaldi bat egin behar zuten; bertan babestu baitziren biltzarrean baturik zeuden langileak.
Adierazi dute euren asmoa dela tenpluan egin beharreko ekintzak unean unekoak izatea, gune jakin batera eta bisita gidatuak egiten diren egun eta orduetara mugatutakoak. Haien iritziz, nola eliza duela ia urte batetik itxi dagoen gurtza egiteko, "adostasunera iristea borondate kontua besterik ez da".
Esan dutenez, duela hil batzuetatik zuten "parrokiako apaizen oniritzia", baina elizako agintariekin zenbait alderdi tekniko zehazten joan direnean, hura erabiltzeko ezezkoa jaso dute.
Zure interesekoa izan daiteke
Adinekoen aurkako tratu txar ekonomikoari eta finantza-abusuari buruzko gida bat landu dute
Dokumentuak hainbat alerta-seinale jasotzen ditu, besteak beste, banku-mugimenduak ugaritzea, ordaindu gabeko fakturak pilatzea edota beste pertsona batek diruaren gehiegizko kontrola egitea.
Sanferminetarako osasun-dispositiboa, prest
Nobedade gisa, uztailaren 6ko Txupinazorako dispositibo bera martxan jarriko dute hilaren 10ean, Txupinazo Txikian.
Donostiako gozoki-denda bateko jabea espetxera bidali dute, bere dendan neskato bati sexu-erasoa egiteagatik
Segurtasun Sailak ostegun honetan jakitera eman duenez, atxilotuak bi aldiz egin zion eraso adingabeari, ekainaren 25ean eta 26an; gainera, aurrekariak ditu antzeko delituengatik. Ostegun honetan epailearen esku utzi dute, eta hark espetxeratzea agindu du.
EAEko kanpinak erabat beteta egongo dira udan
Geroz eta jende gehiagok kanpinak aukeratzen ditu euren oporrak igarotzeko, besteak beste, zerbitzu ugari eskaintzen dutelako. Horren adierazle da okupazio maila: euskal kanpinak beteta daude abuzturako, eta uztailerako ere.
Bad Gyal, Juanes, Yandel eta Anuel AA musikariek jarriko diote musika Ibai Llanosen 'VI. Urteko Gauari'
80.000 lagun inguru izango dira uztailaren 25ean Cartuja estadioan burutuko den jaialdian. Bertan, afizionatuen arteko hamar boxeo-borrokaldi egingo dira.
Osakidetzan artatutako Gazako haurra egonkor dago, lehen balorazioak egin ondoren
Pazienteak sortzetiko begi-patologia du, eta ikusmen-gaitasunari eragiten dio. Lehen probak egin ondoren, adituak pronostikoa hobetzeko esku hartzeko aukeraren alde egitekotan daude. Euskal osasun-sistemak 28 gazatar artatu ditu dagoeneko.
Euskadin 1970az geroztik izandako ekainik beroena izan da, ezohiko bero-bolada baten ondorioz
Muturreko beroa batez ere ekainaren 21etik 27ra bitartean izan zen. Bero-bolada horrek 44 °C-tik gorako tenperatura maximoak utzi zituen Euskal Herriko hainbat txokotan, baita hainbat gau tropikal ere. Egoera hain izan zen larria, EAEn 39 alerta meteorologiko baino gehiago aktibatu baitziren; horien artean, 3 alarma gorri.
Angeriñe Elorriaga, USaPeko Euskara azterketako zuzentzailea: "Zeroa atera daiteke"
Angeriñe Elorriaga EHUko irakasle eta USaPeko Euskara azterketako zuzentzaileak azaldu duenez, zeroak Euskaran ez ezik beste ikasgai batzuetan ere egon badaude. Radio Euskadin egin dioten elkarrizketan azaldu duenez, EHU eta gainerako erakundeen babes falta sentitu du. Datorren urtean ez da zuzentzaile ariko.
64.000 migratzailek baino gehiagok eskatu dute Hego Euskal Herrian ezohiko erregularizazioa
49.451 pertsonak eman dute izena EAEn eta 14.886k egin dute Nafarroan. Eskaera nagusiak Bizkaian egin dira (28.834), eta Espainiako Estatuan ia 1,2 milioi eskaerara iritsi dira.
90 urteko gizon bat zauritu da Zestoan, adinekoen egoitza batean piztutako sutean
Sua egoitzako gela batean piztu da, eta dagoeneko itzali dute. Zauritutako gizona erredurekin eraman dute Donostia ospitalera eta gainerako egoiliarrak terrazara atera dituzte suhiltzaileek sua itzali bitartean.