Hozte-sistema jartzera behartu dute Garoña
Garoñako zentral nuklearrean hozte-sistema jarri behar dela ebatzi du Gaztela eta Leongo Justizia Auzitegi Nagusiak. Hala, epaileak arrazoia eman dio Ebroko Ur Konfederazioari. Erakunde horrek Garoñaren aurkako salaketa jarri zuen, zentral nuklearrak hozte-prozesuan erabiltzen duen ura (30 gradutik gorako tenperatura du) Ebrora ez itzultzeko eskatuz, beroegi dagoelako. Epaileak arrazoia eman dio, eta, gaur kaleratutako ebazpenaren arabera, Garoñak hozte-dorrea eraiki beharko du. Auzitegiak, beraz, atzera bota du Nuclenorrek jarritako helegitea.
Ebroko Ur Konfederazioak (Espainiako Gobernuko Ingurugiro Ministerioaren menpeko erakundea) 2013an erabaki zuen 30 gradutik gorako ura ezingo dela Sobrongo urtegira itzuli. Greenpeace talde ekologistak salaketa jarri ostean hartu zuen erabakia Konfederazioak. Sobrongo urtegiko ura beroegi dagoela eta espezie suntsitzaileen sorburu bihurtu dela salatu zuen orduan Greenpeacek.
Francisco Castejon Ekologistak Martxan taldeko eleduna gaurko ebazpenaren berri jaso ondoren adierazi duenez, Garoñako zentral nuklearrak bi aukera ditu: hozte-dorre bat eraikitzea (10 milioi eurotik gorako kostua izango luke) edota zentrala gelditzea ura gehienezko tenperaturara heltzen den bakoitzean. Azken aukera hori oso garestia eta konplexua izango litzakeela azaldu du Castejonek.
Albiste gehiago gizartea
Mozkortzearen ondorioak simulatzen dituen alkoholik gabeko lehen garagardoa sortu dute
Erresuma Batuko laborategi batek mozkorturik egotearen efektua lortzen duen alkoholik gabeko lehen garagardoa egin du: Sentia Spirits. Ondoezak ez du luze irauten, edan eta hogei minutu edo ordu erdira desagertzen baita horren eragina, eta ez du biharamunik uzten.
Irailarekin batera, neguko ordutegiak itzuliko dira garraio publikora eta TAO zerbitzura
TAO zerbitzua ohiko ordutegietara itzuliko da udan ezarritako aldaketen ondoren. Itzulera hiriko trafikoaren gorakadarekin eta lan-jardueraren gorakadarekin bat dator.
Emakume bat hil eta hiru pertsona zauritu dira Lemoan izandako auto-istripu batean
Ezbeharra 01:40 aldera gertatu da. Ertzaintzak ikerketa abiatu du gertatutakoa argitzeko.
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.
Babes Zibilak oraindik aktibo dauden fokuen "bilakaera ona" nabarmendu du, eta sute-bolada amaitzear dela uste du
Gaztela eta Leonen sei sute aktibo daude oraindik, larritasun gorenekorik ez, eta 1. mailako bat dago Almerian, Lubrin udalerrian.
Urbiako ostatuak 100 urte bete ditu gaur, mendeurren gazi-gozoa, itxita baitago duela bi astetik
1925eko abuztuaren 30ean zabaldu zen Urbiako fonda, 100 urte hauetan hamaika mendizale hartu ditu, goxo eta beso-zabalik. Mendeurrena, ordea, ateak itxita igaroko da, orain arte ostatua zeramatenek utzi egin baitute, eta kontsezioa dutenek hura martxan jarriko duten lagun berrien bila dabiltza.
Vueltak gorabeherak eragingo ditu irailaren 3an Bizkaiko errepideetan
2025eko Vueltaren 11. etapa irailaren 3an, asteazkena, hasi eta amaituko da Bilbon. Mozketak 12:40an hasi eta 17:20 aldera arte izango dira, antolatzaileek egindako aurreikuspenen arabera.
Mazonen aurkako hamargarren protestak GOIDIaren 228 biktimak omendu ditu
Gaur 10 hilabete bete dira GOIDIak Valentzia kolpatu zuenetik, eta haserrea nabaria da oraindik erkidego horretako kaleetan. "Mazon, dimisioa" lelopean, milaka pertsona mobilizatu dira hamargarren aldiz Valentzian. 228 pertsona hil ziren eta milaka familiak etxeak galdu zituzten. 304 egun geroago, horietako asko Gobernuaren laguntzen zain daude oraindik.
9 urteko haur bat zauritu da martxan zihoan villavesa batetik erorita, akats mekaniko baten ondorioz
Istripua 14:04an gertatu da, Sadar kalean. Ibilgailuko atea ustekabean ireki da, eta adingabea, atearen kontra zegoena, kanpora erori da. Haurra ateari katigatuta geratu da, eta hainbat metroz arrastan joan da, harik eta gidariak autobusa gelditzea lortu duen arte.