Nor da nor Noos auzian: 17 auzipetuak
Hamazazpi pertsona eseri dira Noos auziako epaiketaren akusatuen aulkian. Hauek dira, hain zuzen ere:
CRISTINA BORBOIKOA.- Felipe VI.a Espainiako erregearen arrebari 2007-2008 urteetan Ogasun Publikoari iruzur egitea eta bi delitu fiskaletan ezinbesteko laguntzaile izatea egotzi dio epaileak. Herri akusazioak, Manos Limpiasek, bakarrik eskatu du zigorra infantarentzat: zortzi urteko kartzela-zigorra eta bi milioi euroko isuna.
IÑAKI URDANGARIN.- Cristina infantaren senar eta Palmako duke ezkontideari zortzi delitu egotzi dizkiote: influentzia-trafikoa, bidegabeko eralgitzea, prebarikazioa, iruzurra, maula, faltsutzea, Ogasunaren kontra aritzea eta kapitalak zuritzea. Ustez Noos institutua eta haren inguruan sortutako enpresak erabili zituen Balear Uharteetako, Valentziako eta Madrilgo erakunde publikoen funtsak arpilatzeko. Fiskaltzak 19,5 urteko kartzela-zigorra eskatu du berarentzat; Manos Limpiasek, 26,5 urtekoa.
DIEGO TORRES.- Noos Institutuan Urdangarinen bazkidea izandakoa. Prebarikazioa, iruzurra, influentzia-trafikoa, bidegabeko eralgitzea, Ogasunaren kontrako aritzea, faltsutzea, maula eta zuritzea egotzi diote. 16,5 (Fiskaltza) eta 22,5 (Manos Limpias) urte arteko kartzela-zigorra eskatu dute Torresentzat.
JAUME MATAS.- Balear Uharteetako presidente eta PPko burua eta Ingurumen ministro ohiari lau delitu leporatu dizkiote: prebarikazioa, bidegabe eralgitzea, influentzia-trafikoa eta iruzurra. Noos institutua Legearen aurka kontratatu izana egotzi diote. Matas preso dago gaur egun Palma Arena auziarengatik. 11 urteko espetxe-zigorra eskatu dute berarentzat.
ANA MARIA TEJEIRO.- Diego Torresen emazte eta Noos Institutuko pertsonal burua. Senarrari egotzitako delitu berak leporatu dizkio Manos Limpiasek eta 19 urte eta erdiko kartzela-zigorra eskatu du. Fiskaltzak dezente murriztu du eskaera, kapital zuritzea baino ez baitio egotzi (bi urteko zigorra).
MARCO ANTONIO TEJEIRO.- Torresen koinatua eta Noos Institutuko kontularia. Bidegabeko eralgitzeagatik, faltsutzeagatik, maulagatik, influentzia-trafikoagatik, kapital zuritzeagatik eta prebarikazioagatik epaituko dute. Fiskaltzak bi urteko espetxe-zigorra galdegin du berarentzat, gertakariak aitortu zituela argudiatuta. Manos Limpiasek 11 urteko eskaera egin du.
SALVADOR TRINXET.- Noos eta haren inguruan sortutako enpresak sortzeko Urdangarinek eta Torresek izan zuten aholkulari fiskala. Ogasunari enpreson irabaziak zelan ezkutatu esan omen zien biei. Manos Limpiasek bakarrik eskatu du haren kontrako zigorra: 3 urte, kapitalak zuritzeagatik.
JOSE LUIS "PEPOTE" BALLESTER.- Balear Uharteetako Kirol zuzendari nagusi ohia eta Palmako dukeen laguna. Ikerketan lagundu duenez, zigor-eskaera murriztu diote, eta bi urteko zigorra galdegin dute, bidegabeko eralgitzea, prebarikazioa, faltsutzea eta iruzurra egotzita.
GONZALO BERNAL.- Illesport Fundazioko zuzendaria. Noos Institutua modu irregularrean kontratatu zuela uste dute akusazioek, eta prebarikazioa, faltsutzea, iruzurra eta influentzia-trafikoa egotzi dizkiote. Zortzi eta 11 urte arteko kartzela-zigorra ezar diezaiokete.
JUAN CARLOS ALIA.- Ibatur Balear Uharteetako Turismo Institutuaren zuzendari izandakoa. Prebarikazioa, bidegabe eralgitzea, iruzurra, maula eta influentzia-trafikoa delituak egotzi dizkiote Noos institutuari turismoaren eta kirolaren inguruko bi jardunaldi antolatzeko eskatzeagatik. Lau eta 11 urte bitarteko zigor-eskaera dago haren kontra.
MIGUEL ANGEL BONET.- Ibaturreko idazkari ohia. Aliari egotzitako delitu berak leporatu dizkiote. Fiskaltzak 5,5 urte eskatu du berarentzat, eta Manos Limpiasek, 13.
LUIS LOBON.- Valentziako Turismo idazkaria. Honako delituak egotzi dizkiote: prebarikazioa, faltsutzea, bidegabeko eralgitzea eta influentzia-trafikoa. Noos Institutua kontratatu zuen Valencia Summit jardunaldiak antolatzeko eta Europako Joku Olinpikoak Valentziaren hautagaitza sustatzeko. Zortzi-hamaika urte arteko kartzela-zigorra eskatu dute Lobonentzat.
JOSE MANUEL AGUILAR.- Valentziako Arteen eta Zientziaren Hiriaren zuzendari ohia. Luis Loboni egotzitako delitu berak egotzi dizkiote. Manos Limpiasek 11 urteko eskaera egin du eta Fiskaltzak, 6koa.
JORGE VELA.- Valentziako Finantza Institutuaren zuzenari ohia. Lau delitu egotzi dizkiote eta Aguilarrentzat eskatutako zigor bera eskatu dute harentzat.
ELISA MALDONADO.- Valentziako Arteen eta Zientziaren Hiriaren arduradun juridikoa. Honi ere lau delitu leporatu dizkiote eta 8-11 urte arteko kartzela-zigorra ezar diezaiokete.
MERCEDES COGHEN.- Madril 2016 hautagaitzaren kontseilari delegatua izandakoa. Noos Institutuaren ondorengoa izan zen Gizarte Integraziorako, Kulturarako eta Kiroletarako Fundazioari 114.000 euro emategatik bidegabeko eralgitzea, faltsutzea, prebarikazioa, iruzurra eta influentzia-trafikoa egotzi dizkiote. Fiskaltzak 6,5 urteko kartzela-zigorra eskatu du, Manos Limpiasek, 9.
ALFONSO GRAU. Valentziako alkateorde ohia. Besteak beste, dirua bidegabe erabiltzea egotzi diote. 11 urteko espetxe zigorra eskatu dute horrentzat.
Zure interesekoa izan daiteke
Medikuen sindikatuek ez dute grebarik egingo udan, baina protestak iragarri dituzte udazkenerako
Medikuen sindikatuen konfederazioak espero du Osasun Ministerioak greba batzordea deituko duela berehala, "negoziatzeko benetako borondatearekin". Deialdirik ez badago, udazkenean "gatazka areagotzeko prest" agertu da.
Eusko Jaurlaritzak elikadura-alerta bat zabaldu du EAEn banatutako gazta freskoetan listeria aurkitu baitute
Cerrato, Nativo, Goya eta El Sabor de Casa markek merkaturatutako hainbat produktu daude kaltetuta. Horietako bat etxean dutenei ez kontsumitzeko gomendatu diete agintariek.
Martxan da Bilbon errugbizaleentzako gunea
Gaur eta bihar jokatuko diren Europa mailako bi final handiek 75.000 zale bilduko dituzte guztira. Lehen finala gaur iluntzean jokatuko dute Ipar Irlandako Ulster eta Frantziako Monpellier taldeek. Casilda Iturrizar parkean jarritako gunean hasi dira giroa berotzen.
Nelson David Moreno errudun jo dute, 73 urteko gizon baten hilketagatik
Laugarrenez kondenatu dute auziperatua; guztira, 2021eko udazkenean zazpi gizonezko homosexualen hilketekin lotzen dute.
79 urteko emakume bat larri zauritu da Tafallan, auto batek harrapatuta
SOS Nafarroak jakitera eman duenez, ezbeharra 10:43an izan da, NA-8607 errepideko 4,2 kilometroan, Foruzaingoaren polizia etxearen aurrean, herrigunean bertan. Oinarrizko bizi euskarriko anbulantzia bat eta anbulantzia medikalizatu bat bertaratu dira, eta azken horretan eraman dute Nafarroako Unibertsitate Ospitalera, larri.
Udalekuetan adingabeen babesa indartzeko erreformaren behin betiko testua onartu du Legebiltzarrak
Gazteria Legearen aldaketa Bernedo auziak bultzatu du, eta batzordean eta osoko bilkuran onartu behar da oraindik. 600.000 eurorainoko isunak aurreikusten ditu.
Okupatutako pabiloi bat hustu dute Donostiako Herrera auzoan
Ertzaintzak Donostiako Udaltzaingoarekin lankidetzan burututako operatiboa epailearen aginduz egin da, pabiloiaren jabeak eskatuta. Kale egoeran zeuden sei pertsona kaleratu dituzte, eta horietako bi Polizia Nazionalaren esku geratu dira.
Erromes bat hil da Garesen, ibaira erorita
Gorpua Robo ibaian agertu da, eta Foruzaingoak ikerketa abiatu du gertatutakoa argitzeko.
Trafiko murrizketak Bilbon: hauek dira kaltetutako kaleak eta ordutegiak
Itxierak hasi dira jada San Mames eta Abandoibarra inguruan, eta igande goizaldera arte iraungo dute. Udalak ibilgailuaren erabilera saihesteko eta metroa edo trena erabiltzeko gomendatu du.
Euskal Herriko erraldoiak ezagutu nahi? Hauek dira tradizionalenak
Herriko jaietan festarik ez da erraldoiak kalean ez badira. Batzuek pertsonaia historikoak irudikatzen dituzte; beste batzuk euskal mitologiatik datoz. Herri bakoitzak bereak ditu, bere historia eta nortasunarekin. Ezagunen eta kuttunenen errepasoa egingo dugu gaur.