5 gizon eta 4 emakume, Carrascoren hilketaren gaineko epaimahaikide
Bost gizonezkok eta lau emakumezkok osatu dute epaimahaia, Isabel Carrasco Leongo Diputazioaren presidente izan zenaren hilketaren gaineko epaiketan. Carrasco 2014ko maiatzaren 12an hil zuten tiroz, ustez, mendeku pertsonala burututa.
Leongo Auzitegiak epaimahaiaren hautaketa hartu du, arratsaldeko lehen orduan, bederatzi titularrekin eta bi ordezkorekin (emakumezko bat eta gizonezko bat), denak 24-65 urtekoak, eta Leongo bizilagunak.
Behin epaimahaia osatuta, epaiketa bihar hasiko da Isabel Carrasco ustez hil zuten hiru emakumeen deklarazioarekin. Horietako bakoitzarentzat 23 urteko kartzela-zigorra eskatu du fiskalak. Edonola ere, deklarazio fase horrek asteazkenera arte iraungo du.
Hiru pertsona eseriko dira akusatuen aulkian: Montserrat Gonzalez eta Triana Martinez haren alaba eta Raquel Gago udaltzaina. Hirurei Isabel Carrasco Leongo Diputazioko eta Leongo PPko presidente ohia hiltzea leporatu diete.
Epaiketako lehendabiziko saioetan hiru akusatuak itaunduko dituzte: urtarrilaren 19an, asteartea, Montserrat Gonzalez eta urtarrilaren 20an, ostera, Triana Martinez eta Raquel Gago.
Kasu honetako epaimahaiko presidentearen autoan irakur daitekeenez, kausa honetan epaitu beharreko gertaerak 2014ko maiatzaren 12an jazo ziren. 17:15ak aldera, Isabel Carrasco Leongo kaleetatik barrena oinez zihoan, zehazki, Bernesga ibaiaren gainetik igarotzen den oinezkoentzako pasabidetik, eta haren atzetik, metro gutxira, segika, Montserrat Gonzalez. Une batean, Montserrat Gonzalez Isabel Carrascorengana gerturatu zen "atzetik eta hura hiltzeko asmoarekin, Carrasco haren presentziaz ohartu gabe eta defendatzeko aukerarik gabe. Pasabidearen amaierara iritsi aurretik, metro gutxira eta atzetik, lau tiro egin zizkion".
Autoaren arabera, tiro egin ondotik, Montserrat Gonzalezek gainean zeramatzan parka, txanoa, eskularruak, betaurrekoak kendu zituen, errebolberra poltsa batean sartu zuen eta zapiarekin batera Triana Martinez alabari eman zion, "aurrez adostua zuten bezala".
Era berean, amak emandako poltsa lonazko beste poltsa batean sartu zuen Triana Martinezek. Aipaturiko lonazko poltsa Raquel Gago lagunak eta Leongo udaltzainak utzi zion. Gerora, 17:25ak aldera, Trianak Raquel Gagorekin egin zuen topo, "zain zegoen, aurrez adostu bezala". Triana Martinezek autoa irekitzeko eskatu zion Raquel Gagori eta lonazko poltsa zuen bertan, errebolberra eta zapia barruan zituela.
Zure interesekoa izan daiteke
Kobre lapurretek 176 hilobi kaltetu dituzte Errenteriako hilerrian
Gurutzeak, argazkietako markoak eta bestelako apaingarriak… errotik atera dituzte Errenteriako hilerrian. Azken hilabetean bitan gertatu dira lapurretak eta gaurkoan 4 salaketa daude oraingoz. Udalaren arabera, nahiko bideratuta dago kasua eta datozen egunetan guztia argitzea espero dute.
Osasun Publikoak esku hartu du Eibarko taberna batean tortillen kontsumoarekin lotutako salmonelosi-agerraldi baten aurrean
Detektatutako 29 kasuetatik 25ek osasun-arreta behar izan zuten, eta bederatzi ospitaleratu egin zituzten. Guztiek alta jaso dute jada. Kutsatutako arrautzak Aragoiko ustiategi batekoak dira.
Euskal Herriko urtegien % 48,8 dago beteta, abuztuan ohi baino ia 6 puntu gutxiago
Uztailaren hasieratik, urtegietan bildutako ura azken 20 urteetako batezbestekoaren azpitik dago, eta alde hori astez aste handitzen joan da.
Hondarribiko Alarde tradizionalak "jarrerak polarizatzea eta herritarrak haserretzea" leporatu dio Udalari
HAOSE elkarteak dio otsailean utzi zuela konponbidea bilatzea helburu zuen prozesua, "gardentasun faltagatik eta prozesuarekiko leialtasun faltagatik", eta uste du Udalak orain argitaratutako komunikatuaren helburua dela alarde ez parekidearen defendatzaileak "deslegitimizatzea".
Espainiako Gobernuak bere gain hartu du Ceutako krisiaren kudeaketan aginte bakarra
Espainiako Gobernuak "historian aurrenekoz" deklaratu du Segurtasun Nazionalaren interes egoera eta migrazio krisiari eman beharreko erantzuna koordinatzeko aginte bakarra hartu du. Angel Victor Torres Lurralde Politikako eta Memoria Demokratikoko ministroak zuzenduko du egitura.
Patata-tortilla usaina eta festa giroa Bilbon, Aste Nagusiaren laugarren egunean
Gaur goizean, Areatzako patata-tortilla lehiaketak 400 parte-hartzaile baino gehiago bildu ditu; herritar eta konpartsakideak zartagina eskuan aritu dira euren trebezia erakusten. Gainera, eguerdian, ohikoa den moduan, bilbainadak entzun dira Pergolan, Los Chimberos taldearen eskutik.
Nafarroak frankismoaren biktimen memoria berreskuratu du "Objektuen memoria" erakusketan
Erakusketak Nafarroako hobi komunetan egindako prospekzio eta hobitik ateratze lanetan berreskuratutako objektuak biltzen ditu, frankismoaren errepresioaren biktimen historia eta memoria herritarren esku jartzeko. Iruñeko Alde Zaharreko Rozalejo Markesaren Jauregi berrituan dago ikusgai.
Gizon bat atxilotu dute Gasteizen, genero indarkeria egotzita, bikotekidearekin eztabaida bat izan ostean
Udaltzainak etxebizitza batera joan ziren, eta borroka batekin bateragarriak ziren zantzuak ikusi zituzten.
Ane Lindane komikoa epaituko dute, eskarnioa egotzita, Abogados Cristianos fundazioak salatu egin baitu
Salatutako gertakariak 2025eko ekainaren 29an gertatu ziren, Arberatze-Zilhekoan (Nafarroa Beherea), eliza batean, gurutzefika batekin masturbatzen ari zen itxura egin zuen eta. Bilboko Instantzia Auzitegiak epaituko du euskal komikoa.
Gizon bat atxilotu dute Irungo prostituzio-etxe batean ustez sexu-erasoa egiteagatik
Erasotzaileak, 12.000 euro eskudirutan zeramatzanak, biktima atxiki eta laguntza ematera joan zitzaion beste emakume bat jo zuen.