Aliciaren ustezko hiltzailea, bakarturik Zaballako espetxean
Aliciaren ustezko hiltzaileak bere lehen gaua pasa du Zaballako (Araba) kartzelan. 17 hilabeteko neskatila leihotik bota zuten Gasteizen. Ustezko hiltzaileak bakarturik dago ziega batean, eta gainerako presoekin ez du harremanik, Radio Euskadik azaldu duenez.
Bestalde, neskatxaren gorpuari autopsia gaur egin behar diote. Hileta ostiral honetan egingo dute Hontoria del Pinarren (Burgos). Biktimaren aitona herrian bizi da eta amak ere urteak eman zituen bertan.
Autopsiaren aurreneko emaitzak egun batzuk barru argitaratuko dituzte, baina behin betiko ondorioen berri beranduago emango dute. Autopsiak ustezko sexu-abusuen inguruan xehetasun gehiago ezagutzeko aukera emango du.
Autopsia atzeratu behar izan dute, haurraren amak organoak ematea erabaki zuelako.
Suizidioaren aurkako protokoloa
Bien bitartean, Aliciaren ustezko hiltzaileak Zaballako espetxean jarraitzen du. Kasu mota horietan ohikoa den bezala, suizidioen kontrako protokoloa aplikatu diote, baita espetxe araudiko 75. artikulua ere. Hala, segurtasuna bermatzeko murrizketak ezarri dizkiote presoari.
Bakartzearen iraupena presoari egin behar dizkioten aldizkako kontrol psikiatrikoek erabakiko dute. Kartzelako buruzagiek neurrien aplikazioa noiz bukatu erabakiko dute, eta haren berri kartzelazaintzako epaileari eman beharko diote.
Lekualdatzea ez dute baztertu
Bestalde, segurtasun arrazoiengatik presoa beste espetxe batera eramateko aukera aztertzen ari dira, auzia oso mediatikoa delako. Hala ere, irizpide prozesalak kontuan izan behar dituzte, hau da, presoa epailearen esanetara egon behar da, edozein unetan deitu dezakeelako. Premisa horiek kontuan hartuta, erabaki bat hartu beharko dute.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.