Erraustegiek minbizi kasuak eta heriotzak ugaritzen dituzte
Erraustegiek osasunean eragiten dituzten arazo eta gaixotasunez ohartarazi du 25 medikuz eta osasun alorreko langilez osatutako Osasuna eta Errausketari buruzko Ikerketa Taldeak. Horrenbestez, Zubietako erraustegia ez eraikitzeko eta zaborrak tratatzeko alternatibak bilatzeko eskatu dute.
Jose Luis Paulin, Maialen Berridi, Jose Cruz Villandiego, Maria Barandiaran eta Xabier Mitxelena prentsaurrekoan agertu dira Donostian, ikerketa zientifiko batzuek errausketari buruz diotena azaltzeko.
2002an adierazpen bat sinatu zuten, beste 500 bat profesionalekin batera, hondakinak erretzeak dakartzan arriskuez ohartarazteko. “Orain, 2016an, ikerketa asko eta asko daude erraustegiek, azken generaziokoak barne, osasunean eragin zuzena dutela ohartaraziz”, esan dute.
“Zaborrak erretzeak eragiten dituen osasun-arazoak errealitate bat dira, eta, ondorioz, 2002ko adierazpenak indarrean jarraitzen du, azken urteotan izan diren ikerketen emaitzek berretsita”, erantsi dute.
Madrilgo Carlos III.a Osasun Institutuak egindako txostenaren arabera, erraustegien inguruan, bost kilometroko erradioan, minbiziak eragindako heriotza-kasuak ugaritu egiten dira. Pleurako minbizi kasuak, adibidez, % 84 areagotzen dira; besikulako minbizi kasuak, % 24; eta leuzemia kasuak, % 21.
Horrez gain, bestelako osasun-arazoak ere eragiten ditu, hala nola arnas aparatuari lotutakoak.
Bestalde, aditu talde honek gogora ekarri du Parisen egindako Klimarazi buruzko Goi-bileran atmosferara isuritako emisio kutsakorrak murriztea adostu zuela eta Europar Batasunak 2020tik aurrera erraustegi kopurua murrizteko asmoa duela.
Horrenbestez, hau guztia kontuan hartzeko eta eskura dituzten bitartekoak erabiltzeko eskatu diete Gipuzkoako agintariei, erraustegiaren proiektua ekiditeko eta alternatibak bilatzeko.
“Egun, errausketaren alde dagoena gizakiaren osasunaren aurka dago”, azpimarratu dute.
Albiste gehiago gizartea
26.000 ikasle itzuliko dira eskolara astelehen honetan Ipar Euskal Herrian
Ikasleen %13k Seasko murgiltze ereduan ikasiko dute. Aurten, berrikuntza gisa, gaskoia erakutsiko diete Samatzeko ikasleei astean hiru orduz.
Cabrales gazta irabazlearengatik 37.000 euro ordaindu eta, ospatzen ari zela, lurrera erori zaio
Asturiasko Cabrales gazta batengatik 37.000 euro ordaindu dituzte, horrelako batengatik inoiz ordaindu den kopururik handiena. Lehiaketa Encarnacion Bada gaztagileak irabazi du, eta Ivan Suarez El Llagar de Colloto Oviedoko jatetxeko ostalariak erosi du.
Protestarako deia egin dute Yala Nafarroak eta BDZ Nafarroak, Israel taldea Vueltan aritzearen aurka
Vueltako hainbat etapatan antolatutako protesta ekintza baketsuekin bat egingo dute Yala Nafarroa plataformak eta BDZ Nafarroa mugimenduak. Izan ere, Vueltako pelotoia Nafarroan barrena ibiliko da datorren asteartean, Sendavivan hasi eta Larra-Belaguan amaituko den hamargarren etapan.
Bilboko Aireportuko suhiltzaileen kamioi bat Sondikako haur-parke batera erori da
Eusko Jaurlaritzako Segurtasun Sailak jakinarazi duenez, ezbeharra 06:20 aldera gertatu da, eta ez da inor zauritu. AENA enpresa publikoa istripuaren nondik norakoak aztertzen ari da, suhiltzaileak ere kudeatzen baititu.
212 urte, Ingelesek eta Portugaldarrek Donostia erre zutenetik
Urtero legez ekitaldi ugarirekin oroitu dute gertakaria. Goizean, esaterako, Donostiako Udalak lore eskaintza egin du Itxas atean goizeko elizkizunaren ostean, 1813 hartan hil ziren donostiarren omenez.
Suteen okerrena igaro da: Espainia alerta eta jarraipen fasera igaro da
Amaitutzat jotzen da Espainiako historia hurbilean baso-suteen gertakaririk tragiko eta suntsitzaileenaren faserik zailena: 300.000 hektarea baino gehiago erre dira, lau lagun hil dira eta 48 zauritu.
Palestinari elkartasuna adierazi diote Bilbon
Ongi Etorri Errefuxiatuak elkarteak bilkura egin du Bilbon. Palestinako herriari babesa adierazi diote bertan, eta haren aldeko aldarrikapenak egin dituzte.
Etxauriko gainean, Ziritzan, piztu den sutea kontrolpean dago
Haizeak sua bizitu duen arren, ez da arriskutsua izan inguruko etxebizitzentzat, nahiz eta Na-700 errepidea itxi behar izan duten bi noranzkoetan.
Mozkortzearen ondorioak simulatzen dituen alkoholik gabeko lehen garagardoa sortu dute
Erresuma Batuko laborategi batek mozkorturik egotearen efektua lortzen duen alkoholik gabeko lehen garagardoa egin du: Sentia Spirits. Ondoezak ez du luze irauten, edan eta hogei minutu edo ordu erdira desagertzen baita horren eragina, eta ez du biharamunik uzten.
Irailarekin batera, neguko ordutegiak itzuliko dira garraio publikora eta TAO zerbitzura
TAO zerbitzua ohiko ordutegietara itzuliko da udan ezarritako aldaketen ondoren. Itzulera hiriko trafikoaren gorakadarekin eta lan-jardueraren gorakadarekin bat dator.