Erreskatatu dituzte leize batean harrapatutako zazpi espeleologoak
Frantziako Pirinioetako Mile izeneko leizean (Herran mendigunea, Garona Garaia departamentua) harrapatuta zeuden zazpi espeleologo katalanak erreskatatu dituzte eguerdian, Departamentu horretako Prefekturak jakinarazi duenez.
Sei gizonek eta emakume batek osatutako taldea 180 metroko sakoneran zegoen, "oso nekatuta eta hotzez", baina zauririk gabe. Eguerdi aldera atera dituzte.
Goi-mendiko Jendarmeriaren talde batek, suhiltzaileek eta Frantziako espeleologia-taldeak parte hartu dute erreskate lanetan.
Uraren mailaren igoera
Azken egunotan izandako euriteen ondorioz, uraren mailak gora egin du kobazuloan, eta horregatik nonbait, ez atzera ez aurrera geratu da taldea.
Espedizioan 15 lagun ziren guztira, baina horietako zortzik bere kabuz ateratzea lortu zuten atzo arratsaldean. Beste zazpiak 20:00etarako irten behar ziren, baina haien berririk ez zutela, goizaldean Luchongo Jendarmeria ohartaraztea erabaki zuten beste kideek.
Mile leizea Herran mendiguneko kobazuloetako bat da. Espeleologoentzat ezaguna da eremua, mendigune honetan kilometro askoko galeriak baitaude. Berez, ez du aparteko zailtasunik, baina eremuan pilatutako elurrak eta leizean dagoen ur kopuruak erreskatea luzatu dezakete.
"Azken egunotako euriteek dezente kaskartu dute egoera, baina ondo ezagutzen dute gunea espeleologoek eta erreskate taldeek", azaldu dio Frederic Rozes Garona Garaiko Prefekturako zuzendariak France Bleu irrati kateari.
Zure interesekoa izan daiteke
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du poliziako buru ohia emakumearekin ez komunikatzeko salatzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrei gehien kezkatzen dien beste beldur batzuk dira gertuko senide bat galtzea, osasuna galtzea, itsu geratzea edo minbizia hartzea.
Gorpu bat aurkitu dute itsasoan, Ondarroa eta Lekeitio artean
Gorpua ezin izan dute identifikatu, baina baliteke asteartean Mendexan desagertutako 82 urteko arrantzalea izatea.
Tasa turistikoa 2027ko urtarrilaren 1etik aurrera ezarriko da Euskadin
Gipuzkoako Foru Aldundiak turismoari lotutako zerga berria arautzen duen Foru Arauaren proiektua onartu du. Zergaren oinarria gau kopuruaren arabera kalkulatuko da.
76 urteko gizon bat eta 38 urteko emakume bat atxilotu dituzte, Bilbon, emakume bati sexu-erasoa egiteagatik
Biktima atxilotuekin batera Santutxuko Karmelo kaleko etxebizitza batera igo omen zen.
Dozenaka lagunek justizia eskatu dute Parisen hildako gazte tolosarrarentzat
"Justizia Dalianentzat" lelopean, Parisen hil zuten Tolosako bizilagunaren senide eta lagunek elkarretaratzea egin dute gaur arratsaldean. Martxoaren hasieran aurkitu zuten haren gorpua, Frantziako hiriburuko etxebizitza batean.
Bi gizon inputatu dituzte Artxandako hilketagatik, eta beste hiru krimen hura ezkutatzeagatik
2023ko abuztuan, gizonezko baten gorpua aurkitu zuten, zatituta eta erreta, maleta baten barruan, Artxandan dagoen abandonatutako eraikin batean.
Goiz korapilatsua Txorierriko errepideetan, Asua parean bederatzi autoren artean izandako talka baten ondorioz
Istripuaren ondorioz, bideko lau erreietatik hiru itxi behar izan dituzte puntako orduan, eta auto-ilara luzeak sortu dira inguruan: Artatzan, Arrontegin, Barakaldon eta Gurutzetan. Behin ibilgailuak bidetik kenduta, egoera bere onera itzultzen joan da. Arazoak izan dira, halaber, A8an, Kantabriarako noranzkoan, San Mames parean istripu bat izan baita. Gipuzkoarako noranzkoan, gainera, trafikoa astuna izan da.
Osakidetzako proba diagnostikoen irudiak ikusgai, Osasun Karpetaren bidez
Iaz, 592.888 herritarrek erabili zuten Osasun Karpeta eta 8,2 milioi sarbide izan zituen. Interesa dutenek irudietara sartzeko eskaera online egiteko aukera izango dute.
Eusko Jaurlaritzak 271 milioiko inbertsioa egingo du hezkuntza sistemaren eraldaketa digitala bultzatzeko
ADIMEN DIGITALA estrategiak software librean oinarritutako hezkuntza-plataforma propioa ahalbidetuko du, irakasleen prestakuntza digitala indartuko du eta euskarazko hezkuntza-edukiak sustatuko ditu.