Langabe gazteen % 71k urtebetean lana aurkitzea espero dute
Urtebetean lana aurkitzea espero dute langabe gazteen % 71k Euskadin, ?Aurrera Begira 2015? inkestaren arabera.
Iazko txostenean, portzentajea 11 puntu txikiagoa zen (% 60), eta 2013an, ikerketa egin zuten aurreneko urtean, are txikiagoa (% 54).
Euskadin lan egiten duten gazteen % 52k, aldiz, lana galtzeko edo lan baldintzak okertzeko arrisku ?handia edo dezente? dagoela uste dute.
Portzentajeak bost puntu gora egin du; izan ere, % 47koa izan zen 2014an. Hala ere, 2013ko baino txikiagoa da (% 75).
Jon Redondo Eusko Jaurlaritzako Gazteria eta Kirol zuzendariak Aurrera Begira inkestaren emaitzak aurkeztu ditu gaur prentsaurrekoan. Azterketa Gazteriaren Euskal Behatokiak egin zuen 2015eko azaroan. 15 eta 29 urte bitarteko 1.512 gazteri inkesta egin zieten.
Bestalde, bakoitzaren hezkuntzaren araberako lanpostu bat aurkitzeko itxaropenak ere gora egin zuen iaz (% 65). 2014an, % 56ko portzentajea izan zen, eta % 46koa 2013an.
Behartutako emigrazioa eta emantzipazioa
Lanpostu bat aurkitzeko, behartuta atzerrira alde egiteko datuari dagokionez, portzentajea egonkor dago (% 14), 2014koa bezalakoa. 2013an portzentajea % 16koa izan zen.
Gazteriaren ia erdiak (% 49) urtebetean emantzipazioa lortzeko aukerarik izango ez duela uste du, gurasoen etxea uzteko aukerarik ez duela uste duelako. Are gehiago, gurasoen etxera itzuli beharko direla uste dute askok.
Familia, osasuna eta lagunak baloratzen dituzte
Bestalde, EAEko gazteria familiarekin (90 puntu), osasunarekin (88 puntu), lagunekin eta etxearekin (86 puntu) gustura azaltzen da.
Gabezia handienek, ostera, diruarekin, independentziarekin eta lanarekin zerikusia dute.
Zure interesekoa izan daiteke
Bi pertsona zauritu dira Azkoitian, etxe batean izandako sutean
Trino Uria kalean piztu da sua eraikineko azken solairuan, asteleheneko ordu bata aldera. Bi lagun artatu dituzte lekuan bertan; zaurituetako batek erredurak ditu eta ospitalera eraman behar izan dute. Eraikin osoa hustu dute, eta sua kontrolpean duten arren, Azpeitia eta Eibarko suhiltzaileak lanean ari dira kalteak ahalik eta txikienak izan daitezen.
EAEko farmazialariek uda baino lehen utziko diote sendagaien kupoia ebakitzeari
Osasun Saila farmazien kudeaketa-sistemak egokitzen ari da, fakturazioa sendagaien ontzietako datamatrix kodea irakurriz "egunean eta online" egin ahal izateko.
Gizon bat hil da eta lagun bat zauritu, Irungo soto batean izandako sutean
Zauritua helikopteroz eraman dute Gurutzetako Ospitalera. 13:45ean piztu da sua, Uranzu kalean, eta garrak itzaltzea lortu badute ere, suhiltzaileek hozte-lanetan jarraitzen dute.
Milaka bizipen ahaztezin, bost eguneko ibilbidean
Martxoaren 19an abiatu zen euskararen aldeko lasterketa Atharratzetik, eta, harrezkero, urratsez urrats, lurraldez lurralde, euskarari hauspoa ematen aritu dira milaka euskaltzale. Oraindik bidearen erdia ere ez du egin, baina dagoeneko irudi eta une zirraragariak utzi ditu Korrikaren 24. edizioak.
Euskadiko Erlijioen Kontseilua sortuko du Eusko Jaurlaritzak
Udaberrian jarriko du martxan Eusko Jaurlaritzak Euskadiko Erlijioen Kontseilua EAEko erlijio-aniztasuna kudeatzeko helburuz. Bizikidetza eta laikotasun kooperatiboa oinarri izango dituen ekintza plan batekin jaioko da.
Nafarroatik Gipuzkoara egingo du jauzi Korrikak bere bosgarren gauean
Araban ikusi ditu lekukoak eguneko lehen eguzki printzak, eta bertan ibiliko da Korrika eguerdia iritsi bitartean. Egino eta Ziordia arteko bidea eginda, Nafarroa iparraldean barneratuko da 13:00a aldera, Gipuzkoa helburu hartuta.
Nafarroako Gobernuak suizidioa prebenitzeko behatokia sortuko du, diziplina anitzeko profesionalen laguntzarekin
Jokabide suizidak prebenitzeko eta horiek pairatzen dituzten pertsonak artatzeko estrategia aurkeztu du Nafarroako Osasun Departamentuak. Iaz, 39 pertsona hil ziren Nafarroan beren buruaz beste eginda.
Alerta, gas-isuri handi batengatik, Barakaldon
Ezbeharra 10:00ak aldera gertatu da, Lutxana auzoko Elorriaga etorbidean dagoen obra batean, eta horrek kezka sortu du auzokoen artean.
Hamaika pertsona atxilotu dituzte Castro Urdialesen, droga-trafikotik ateratako dirua zuritzeagatik
Operazioan 3.000 gramo kokaina baino gehiago, 7 arma labur eta 4 luze, munizioa eta dirua atzeman dituzte.
2015-2025 tartea, erregistroak daudenetik izandako beroena, Munduko Meteorologia Erakundearen azken txostenaren arabera
176 urte dira Lurraren batez besteko tenperatura neurtzen denetik, eta azken 11 urteotan erdietsi dira balio altuenak. "Historia 11 aldiz errepikatzen denean, jada ez da kointzidentzia, jarduteko deia zuzena da", azpimarratu du Antonio Guterres NBEren idazkari nagusiak.