Hodei Egiluzena da Anberesko Escalda ibaian aurkitutako gorpua
Hodei Egiluz Galdakaoko (Bizkaia) gaztearena da otsailaren 11n Anbereseko Escalda ibaian aurkitutako gorpua, Anbereseko Fiskaltzak baieztatu dutenez. 2013ko urriaren 19an desagertu zen Egiluz Flandriako herri honetan. Bukatu dira, beraz, gaztearen senitartekoek eta lagunek hura topatzeko bi urte eta lau hilabete hauetan egindako eginahalak.
"Otsailaren 11n topatutako gorpuari egindako DNA probek baieztatu dute Hodei Egiluzena dena", esan dute Ministerio Publikoko iturriek.
2015eko irailean hondoratu zen ontzi bat berreskuratzeko lanak egiten ari zirela aurkitu zuten hilotza, Kattendijkdok kaian, Egiluz azkenezkoz ikusi zuten lekutik 500 metro eskasera. Hilotzak zeuzkan arropa eta zapatak eta galdakaoztarrak desagertzeko unean zeramatzanak antzekoak zirela eta, gorpua berarena izan zitekeela zabaldu zen, baina DNA probek baieztatu behar izan dute.
Pablo Egiluzek eta Koro Diazek, gazte galdakoztarraren gurasoek, prentsaurrekoa eskaini dute, eta gertatutakoa argitzeko eskatu diete Belgikako agintariei.
Gurasoek aitortu dute "gogorra" dela nola sentitzen diren azaltzea, ez baitzuten "Hodei etxean azaltzeko esperantza galdu", ez zutelako "sinesmen hori ukatu".
Bestalde, eskerrak eman nahi izan dizkiete bi urte luze hauetan lagundu dieten guztiei, horien laguntza gabe ezinezkoa izango litzatekeelakoan "hona iristea".
Doluminak
Baieztapenaren berri izan eta gutxira, adierazpenak egin ditu Iñigo Urkullu lehendakariak Legebiltzarreko kontrolerako saioan. Familiari "doluminak eta elkartasuna" adierazi die.
Jorge Fernandez Diaz Espainiako jarduneko Barne ministroak ere atsekabea agertu du baieztapenagatik eta telegrama bidali die Egiluzen gurasoei.
Bestalde, minutu bateko isilunea egin du eguerdian Galdakaoko Udalaren Bozeramaile Batzordeak. Une zail hauetan familiak behar duten guztian laguntzeko prest agertu dira Bizkaiko herri honetako alderdi guztiak, eta doluminak agertu dizkiote.
Anberesetik bertatik ere heldu dira doluminak. Bart De Wever Flandriako herri honetako alkateak nabarmendu duenez, "beti izango dugu Hodei gogoan". Haren hitzetan, une zail hauetan "Hodeiren guraso, familia eta lagunekin akordatzen naiz. Nire dolumin bizienak adierazi nahi dizkiet".
Emaitzarik gabeko ia bi urte eta erdiko bilaketa
Gaztea duela bi urte baino gehiago desagertu zen Anberesen. Hurrengoa esan zuen Pablo Egiluz gazte galdakaoztarraren aitak desagerpenaren bigarren urteurrenean: "ibaira erori zela pentsatzeko arrazoirik ez dago, errekara joan zenik ez dugu uste; lelokeria izango litzateke". Gertakariek eta denborak zoritxarrez arrazoia kendu diote.
"Desagertu aurretik Anbereseko erdiguneko kale batean Hodeiri bi aldiz lapurretan egin ziotela jakina da. Lekuko batzuek ikusi egin zuten, eta berekin hitz egin ostean, ihes egin zuen laguntza eske. Bakarrik utzi zuten eta ez dakigu ezer gehiago", azpimarratu zuen aitak orduan. Adituek gaztea ibaira erori zela pentsatu dute hasieratik.
2013ko apirilean Hodei Anberesera joan zen Createlli enpresan praktikak egiteko ingeniari informatiko gisa. Ekainean enpresak lan-kontratu bat eskaini zion, eta Hodeik Anberesen jarraitzea erabaki zuen. Urriaren 19an, larunbat goizaldean, galdu zen Hodeiren arrastoa lagunekin Anberesen irten ondoren.
Gazteak goizaldeko hirurak aldera agurtu zituen lagunak, baina etxera abiatu beharrean aurkako norabidea hartu zuen, kaleko bideokameretako irudiek berretsi zutenez. Lapurreta jo zuten Hodeiren desagerpenaren hipotesi nagusitzat.
Zure interesekoa izan daiteke
Insaustiren ustez, etxebizitza tasatua da Donostiako "klase ertainarentzako irtenbidea"
Donostiako alkatearen iritziz, etxebizitza tasatua da klase ertainak Donostian etxebizitza bat eskuratu ahal izateko irtenbidea; izan ere, "etxebizitza babestu bat eskuratzeko baremoen gainetik dago, baina merkatu libreko prezioen azpitik".
Normaltasuna berreskuratu dute Bi-30 errepidean, auto-istripu batek Avanzadan eta Txorierrin hainbat kilometrotako auto-ilarak eragin ostean
Hainbat ibilgailuk talka egin dute Bi-30 errepidean, eta horren ondorioz 3 pertsona artatu behar izan dituzte.
Babes ofizialeko etxebizitzen salerosketan egiten den iruzurrarekin amaitu nahi du Eusko Jaurlaritzak
Denis Itxaso sailburuaren hitzetan, oso zabalduta dago iruzurra egitea babes ofizialeko etxebizitzak saltzean, eta ezkutuan erosleari gainbalio bat eskatzea. Babes ofizialeko etxeak espekulazioaren aurka egiteko sortu zirela defendatu du eta praktika horien aurka gogor egingo dutela jakinarazi du.
40 urteko gizon bat atxilotu dute bikotekideari eta Gasteizko taberna bateko arduradunari erasotzeagatik
Gertaera joan den larunbat gauean izan zen, Oto etorbideko ostalaritza-establezimendu batean.
Donejakue Bideak erromesen arretarako bulego bat ireki du Iruñean
Orreaga eta Donibane Garaziren ostean, Donejakue Bideko lehen hiria da Iruñea, eta bertako Kale Nagusiko 6. zenbakian erromesentzako arreta bulego bat zabaldu dute. Bakarra da Estatu osoan (Santiago de Compostelakoaz gain).
AAk emozioak interpretatzen ditu dagoeneko, baina legea ez da egokitu oraindik, EHUren ikerketa batek ohartarazi duenez
Sistema horiek modu jarraituan funtzionatzen dute egiten duguna etengabe aztertzen eta gure portaerari buruzko ondorioak ateratzen, eta horrek zaildu egiten du gaur egungo kategorien arabera sailkatzea. Datuak Babesteko Espainiako Agentziaren saria jaso du ikerketak, eta Leire Escajedo EHUko Konstituzio Zuzenbideko irakasle eta ikertzaileak "teknologiak aurrera egiten duen azkartasunaren eta Zuzenbideak horretara egokitzeko duen gaitasunaren arteko desfasea" daogela azpimarratu du.
Pertsona bat hil da Guardian, trafiko istripuz
Ezbeharra A-124 errepidean gertatu da. Oraindik argitzeke dauden arrazoien ondorioz, Gasteizerako noranzkoan zihoan furgoneta bat errepidetik irten eta irauli egin da.
Eusko Jaurlaritzak informazio-kanpaina bat jarri du abian Euskadiko Etxebizitza Plan Integralaren neurri nagusiak azaltzeko
Kanal anitzeko estrategia da, eta Eusko Jaurlaritzak bizitegi-larrialdiari aurre egiteko abian jarritako neurri nagusiak herritarrei azaltzera bideratuta dago. Aurkezpena bat dator bihar, maiatzak 12, indarrean sartuko den etxebizitzaren arloko Premiazko Neurriei buruzko Dekretua argitaratu izanarekin.
Lukas Aguirre kasuko fiskalak esan du "hiltzeko asmoarekin" labankatu zutela gazte hernaniarra
22na urteko kartzela-zigorra eskatu du labankaden ustezko egile materialarentzat eta labana eman zion gizonarentzat. Gogorarazi du biktimak ez zuela ebakirik eskuetan, ezta "defentsa-zauririk" ere.
Maialen Mazonen senarra espetxean artatu zuen medikuak esan du ez zuela buru nahasmendu zantzurik
Azaldu duenez, atxilotu zuten delituaren ezaugarriengatik sartu zuten Jaime Roca auzipetua suzidioak prebenitzeko programan, ez bere buruaz beste egiteko arriskua zegoenik detektatu zutelako. Epaiketaren seigarren saioa hartu du gaur Arabako Lurralde Auzitegiak.