Lokal musulman bati eraso diote Gasteizen

Gasteizko Mariturri auzoan finkatzeke dagoen lokal bati eraso diote gaur. Eraikuntzan, ekintza soziokulturaletarako elkarte musulman bat finkatzeke zegoen. Erasotzaileak indarrez sartzen saiatu dira lokalera, eta txerri hondakinak eta odola barreiatu dituzte aurrealdean zehar.

Erasoa gertatu baino egun batzuk lehenago, eraikinaren atarian liburuxka xenofoboak bota zituzten.

Gorka Urtaran Gasteizko alkateak eraso hau gaitzetsi du, eta bakerako eta elkarrizketarako deia egin du. Ohar baten bidez jakinarazi duenez, gertaera hauek “onartezinak” dira eta “ez dute zentzurik”. Gainera, Urtaranek alde guztiei“ ulermenerako” deia luzatu die, eta nabarmendu du Gasteiz hiri “barneratzailea” eta “anitza” dela.