Ikerketa blokeatuta dagoela salatu dute frankismoaren biktimek
Frankismoko biktimen abokatuek salatu dute Espainiako Gobernuak ez duela laguntzen Maria Servini epaileak hasitako ikerketan. Argentinak epaileak Francoren diktadura garaiko 19 goi-karguri Espainian deklarazioa hartzeko eskaera egin zuen, baina Justizia Ministerioak ez dion erantzunik eman.
Abokatuen arabera, Justizia Ministerioak ez du Argentinako agintari judizialek martxoaren 9an egindako eskaera tramitatu. “Bi herrialdeek sinatu zuten Asistentzia Judizialerako Hitzarmena urratzen ari da Espainia eta balizko prebarikazio delitu baten aurrean egon gaitezke”, ohartarazi dute.
Horrenbestez, Servini epailearen eskaera Auzitegi Nazionalean “berehala” tramitatzeko galdegin dute, Argentinan hasitako ikerketaren baitan inputatukoak galdekatu ahal izateko.
Amnistia Internazionalak ere gutuna igorri dio Rafael Catala Justizia ministroari, eskaera horri lehenbailehen erantzun diezaiola eskatuz.
“Espainiako agintariek Argentinari ikertzen utzi behar diote, krimenen ustezko egileak Espainian epaituko ez badituzte behintzat, eta oraingoz badirudi ez dela horrela izango; 40 urte eta gero urratsik eman gabe jarraitzen dute”, adierazi du Esteban Beltran Amnistia Internazionalak Espainian duen zuzendariak.
Justizia Ministerioak onartu du oraindik ez duela erantzunik eman, baina Argentinako Auzitegitik iritsitako eskaria aztertzen ari direla esan du, EFE albiste-agentziak zabaldu duenez.
Inputatuak
1936ko gerrako eta frankismoko krimenak ikertzen ari den Maria Servini epaileak inputatutako 19 lagunen artean Rodolfo Martin Villa, Jose Utrera Molina (Alberto Ruiz Gallardonen aitaginarreba), Antonio Carro Martinez, Alfonso Osorio Garcia, Jose Maria Sanchez-Ventura eta Fernando Suarez ministro ohiak daude.
Horrez gain, Puig Antichen kontrako epaia idatzi zuen abokatua, Carlos Rey, fiskal, epail, guardia zibil eta polizia izandakoak ere badaude inputatuen artean.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.