'Cabacas auzia' epaitzeko 'argudioak' badaude, 'Iñigo Gogoan'en ustez
'Iñigo Gogoan' plataformak uste du badaudela Iñigo Cabacasen heriotzaren inguruan epaiketa egiteko "argudioak, zantzuak eta datuak", eta ekainean instrukzioa amaitzen denean epaiketa irekitzen ez bada "interes faltagatik" izango dela salatu du.
David Gonzalez eta Oier Amorrortu plataformaren bozeramaileek prentsaurrekoa eman dute Bilbon, Ertzaintzaren pilotakada batek jota hil zen athletikzalearen laugarren urteurreneko ekitaldien berri emateko.
Instrukzioa ekainean amaitzen denez eta Juan Calparsoro EAEko fiskalak "instrukzioa luzatzeko asmorik ez" duela eta, auzia "artxibatzea edo epaiketa egitea" erabaki dezaketela gogorarazi dute. "Instrukzioaren une erabakigarrian gaude, eta ahozko epaiketa izateko nahikoa argudio dagoela uste dugu", azaldu dute.
Horien esanetan, "epaiketarik ez badago interes faltagatik izango da, zantzuak eta datuak badaudelako epaiketa egiteko", bai "bertan zeuden ehunka lagunen kontra tiro egin zuten ertzainen aldetik, tiroak ez direla zehatzak eta edonori eman ziezaioketela onartu zutelako", bai "agindua eman zutenen aldetik".
"Ertzain batek esan zuen bertan ez zela ezer gertatzen ari, egoera kontrolpean zutela, baina 'ugarteko'k ezetz esan zuen, sar zitezela. Horregatik, ardurak daudela uste dugu", adierazi dute.
Laugarren urteurrena
'Iñigo Gogoan' plataformaren bozeramaileek azaldu dute taldearen helburuetako bat "poliziaren ekintza baten ondorioz inor gehiago ez hiltzea dela", Iñigoren heriotza zigorrik gabe ez geratzearen alde egin beharreko lanarekin eta horren memoria zaintzearekin batera.
Athletikzale gaztearen heriotzaren laugarren urteurrenaren harira, plataformak ekitaldiak antolatu ditu senide eta lagunei elkartasuna adierazteko eta gaztearen memoria indartzeko. Larunbatean, hilaren 9an, Iñigo Cabacasek pilotakada jaso zuen lekuan egingo dute elkarretaratzea, Maria Diaz de Haroko kale kantoian; eta 10ean, manifestazioa egingo dute Justizia Jauregitik abiatu eta Maria Diaz de Harora.
Gainera, kultura eta kirol mundutik jaso dituzten atxikimenduen berri emango dute larunbatean.
Bestalde, bihar, asteazkena, Cabacas zenaren lankideek giza-katea egingo dute Bilboko Plaza Biribiletik PSE-EEren egoitzara, "alderdi politiko hori zelako Ertzaintzaren arduraduna Iñigo hil zutenean".
hil zutenean". hil zutenean".Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.