Sotapatroi, itsasoan segurtasuna hobetzeko gailua, asmatu dute Bermeon
Itsasoratu aurretik segurtasunari erreparatu behar dio patroiak, istripuz uretara jausi eta hilotz gelditzen diren lagunen kopurua handia baita oso. Itsasontzitik behera erorita, uretan denbora asko emateagatik hipotermiak jota edo laguntza deia ez bidaltzeagatik izaten dira heriotza gehienak.
Arriskuak ez dio erreparatzen itsasontziaren tamainari, eta, horrenbestez, ontzia handia edo txikia izan, uretara jausiz gero, segurtasun gailuak prest egon behar du. Aisialdirako ontziei dagokienez, gainera, sarri tripulatzaile bakarra duten ontziak izanik, arriskua areagotu egiten da. Patroia uretara jausiz gero, erreskate lanetan emandako denbora ahalik eta laburrena izatea komeni da.
Itsasoaren arrisku horiek ondo baino hobeto ezagutzen dituzte 'Sotapatroi' gailuaren asmatzaileek: Markel Fernandezek, Igor Etxaburuk, Eneko Ruizek, Mikel Basterretxeak eta Iban Bilbaok. Bost gazte bermeotar horiek aisialdirako itsasontzietan segurtasuna hobetzeko sistema bat asmatu dute eta egunotan aurkeztuko dute. "Haririk gabeko eskumuturreko bat da, patroiak jantzi behar duena, eta ontzian jarri behar den beste gailu batera konektatuta dagoena. Patroia uretara eroriz gero, itsasontziko gailuak ez du eskumuturrekoaren seinalerik jasoko eta itsasontzia berehala geldituko da", azaldu du Iban Bilbaok.
"Gaur egungo gailuak oso astunak dira, ez dira batere praktikoak, garestiak dira eta iraupen laburra dute gainera. Guk garatutako gailuak ez du pisurik, apenas kontsumitzen du, energia baxuko Bluetooth sistemari esker urtebete egon daiteke lanean, gelditu barik, eta pila bakar bat erabilita", zehaztu du Bilbaok.
Hainbat proba egin dituzte, eta pozik daude emaitzarekin: "Itsasontzia 25 bat metrora gelditzen da, eta minutu gutxian berriro ontzira iritsi daiteke igerian, patroiaren gaitasunen eta itsasoaren egoeraren arabera denbora gehiago edo gutxiago izan badaiteke ere", esan du Bilbaok.
(Asteburuan aurkeztuko dute egitasmoa Bermeon, Arrain Azokan)
Arduino eta iBeacon teknologi askeetan oinarrituta, ontziko VHF irratira konektatuta dago gailua. Horregatik, ontzia geldiaraztearekin batera, uretara eroritako patroia ontzira denbora jakin batean bueltatu ezean, sistemak larrialdi abisua bidaltzen du Itsas Salbamendura eta inguruko ontzi guztietara.
Urtebete eman dute bost lagunek proiektua garatzen eta asteburu honetan bertan aurkeztuko dute Bermeoko Arrain Azokan, itsasoarekin lotutako tailerrei eta ekimenei begira aurten propio jarri duten 'Lehena, Oraina, Geroa' izeneko gunean.
(Iban Bilbao, segurtasun sistemaren probak egiten)
Zure interesekoa izan daiteke
Sei kilometrorainoko auto-ilarak N-1 errepidean, Villabona parean bi kamioik izandako istripuaren ondorioz
Eusko Jaurlaritzako Segurtasun Sailak jakinarazi duenez, istripua Gasteizerako noranzkoan gertatu da. Errei bat itxita dago, eta auto-ilarak A-15 autobidean ere ari dira arazoak sortzen.
Hantabirusak kaltetutako 'MV Hondius' gurutzaontzia larunbatean porturatuko da Kanarietan
Ontzian doazen 14 espainiarrak Madrilgo ospitale batera eramango dituzte, osasun-azterketa egitera. Oraingoz, inork ez du hantabirus gaitzaren sintomarik.
Loteria txartelak kontratuak al dira? Abokatu batek argituko digu
Arratiko Zekorrak errugbi taldeak aitortu duenez, Gabonetako Loterian behar baino 225 txartel gehiago saldu zituen, eta, beraz, 80 bat lagunek ezin izan dute saria jaso. Txartel bakoitzari 10.000 euro dagozkio, 2,2 milioi euro inguru dira guztira. Dagoeneko 21 salaketa daude. Abokatu batek argitu duenez, klubak erantzukizun zibila izan dezake, eta baita penala ere.
Hantabirusa duten hiru bidaiari ebakuatu dituztela eta Herbehereetara bidean direla baieztatu du MOEk
Ontziko medikua ez dute azkenean Kanarietara eramango, bere osasunak hobera egin baitu. Munduko Osasun Erakundearen zuzendari nagusiak azpimarratu duenez, osasun publikorako arrisku orokorrak "txikia izaten jarraitzen du".
Gizakien artean kutsa daitekeen andui batekoa da gurutzaontziko hantabirus agerraldia
MV Hondius ontzian izandako agerraldiak hiru heriotza eragin ditu, eta MOErekin lankidetzan ari den laborategi baten arabera, Andes anduiari dagokio.
Maialen Mazon hiltzeaz akusatutako gizona, lagun bati: "Ederra egin dut"
Prozesu judizialak aurrera egin du, eta akusatuak krimenaren ondorengo orduetan zer egin zuen agerian geratu da: Valentziara ihes egin nahi izan zuela zehaztu dute.
Clavijok ez du nahi hantabirusak kutsatutako gurutzaontziak Kanarietan geldialdia egitea, eta Sanchezekin premiazko bilera bat egitea eskatu du
Kanarietako presidenteak zalantzan jarri du Espainiako Gobernuak ontzia Kanarietan amarratzeko hartutako erabakia, eta eskatu du kasuaren osasun-kudeaketako protokolo-aldaketari buruz azalpenak eman ditzala berehala.
19 urteko kartzela zigorra ezarri diote Jerome Verin boxeolari ohiari, Eric Courdy hiltzeagatik
2024ko uztailaren 11n, eztabaida baten ostean, Jerome Verinek eraso egin zion Eric Courdyri autobus geltoki batean, eta sei egun koma egon eta gero hil zen.
Gutxienez 21 lagunek salaketa jarri dute Arratiko Zekorrak errugbi taldeak saldutako loteria txartelen auzian
Behar baino 225 partaidetza gehiago saldu zituela aitortu du Arratiko Zekorrak errugbi taldeak eta, horren ondorioz, 80 bat lagunek ezin izan dute saria kobratu: 10.000 euro partizipazioko; 2,2 milioi euro inguru, guztira.
Bi ibilgailuk istripua izan dute Erandion, eta auto-ilarak daude BI-30 errepidean, Txorierriko igarobidean,
Ezbeharra 12. kilometroaren parean gertatu da, eta zirkulazioa murriztu behar izan dute Galdakaorako noranzkoan.