Ertzaintzak kanpaldiko bi kide atxilotu ditu Gipuzkoa plazan
Erraustegiaren aurka eta mundu jasangarriago baten alde Donostiako Gipuzkoa plazan egiten ari diren protestak laugarren gaua bete du gaur, Euskadi Irratiak azaldu duenez.
Ertzaintzak protesta eten du berriro goizean, eta bi gazte atxilotu ditu. Ondoren, plazatik atera da, zenbait komunikabidek jakitera eman dutenez.
Bi atxilotuek identifikatzeari uko egin diote, Segurtasun Sailak baieztatu duenez. 09:45 aldera Ertzaintzaren dispositibo zabala Gipuzkoa plazara joan da eta protestako arduradunekin hitz egitea eskatu du.
Ertzaintzako bozeramaileak eta kanpaldiko parte-hartzaileek azaldu dutenez, herri mugimendu bat izanik, buruzagirik ez zegoela esan diete manifestariek ertzainei.
Une horretan identifikatzeko eskatu diete bi gazteei, eta horiek uko egin diote. Horregatik, atxilotu eta polizia-etxera eraman dituzte, Segurtasun Sailak zehaztu duenez.
Atzo goizean Ertzaintzak eta Udaltzaingoak kanporatu egin zituzten protestagileak, baina gauean, ehunka lagunek babestuta, berriz itzuli dira bertara.
Ehun bat lagunek pasatu dute gaua Gipuzkoa plazan, erraustegiaren aurka protestan. Atzo arratsaldean itzuli ziren Gipuzkoako Foru Aldundiaren atari aurrera, igandetik bertan zuten kanpalekua goizean hustu ostean.
Udaltzaingoak eta Ertzaintzak goizean iritsi ziren Gipuzkoa plazako kanpalekua hustera, eta tentsio-uneak izan baziren ere, manifestariek kanpalekua kendu zuten, eta Donostiako Boulevard zumardiara joan ziren.
18:30ean, baina, ehunka lagunek batzarra egin zuten, eta Gipuzkoa plazara itzultzea erabaki zuten. Itzulera zihoazenean sortu ziren istiluak Ertzaintza eta manifestarien artean.
Elkano kalean egin zuten azkenik bilera, eta giroa apur bat lasaitu eta gero, kanpalekua jarri zuten berriro Gipuzkoa plazan, eta han eman dute gaua. “Protestak ez du etenik izango”, adierazi digu Mikel Olabide Gipuzkoa Zutik mugimenduko partaideetako bat.
Egunero hiru batzar egingo dituzte, eta ekitaldiak iragarri dituzte astebururako, erraustegiaren aurkako protestak oihartzun handiagoa izan dezan.
>
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.