Erraustegien 'arriskuak' ikertzeko eskatu dute EH Bilduk eta Podemosek
Erraustegiek "giza osasunean eta ingurumenean" sor ditzaketen "kalteak eta arriskuak" aztertzeko batzordea eratzeko eskatu dute gaur EH Bildu eta Podemos-Ahal Dugu alderdiek Gipuzkoako Batzar Nagusietan dituzten taldeek.
Xabier Olano eta Juantxo Iturria EH Bildu eta Podemos-Ahal Duguren bozeramaileek prentsaurrekoan aurkeztu dute ekimena, bi alderdi horiek Ingurumen Batzordean dituzten kideekin batera (Iban Asenjo eta Ione Cisneros). Horien esanetan, ekainean egingo da Batzar Nagusietan batzorde horren inguruko eztabaida.
"Hondakinen erraustegi plantek gizakien osasunean dituzten arriskuen" inguruko txostena aurkeztu zuten asteartean Osasuna eta Errausketa Ikerketa Taldeak (OEIT) eta Rivas Vaciamadrid herriko 'Rivas Aire Limpio' elkarteak, eta horiek oinarri hartuta aurkeztu dute EH Bilduk eta Podemosek eskaera.
OEITk emandako datuen arabera, erraustegi bat gertu edukitzeak % 230 areagotzen ditu erbi-ezpainen kasuak, % 55 giltzurrun malformazioen kopurua, eta, oro har, minbizia kasuak (% 29, gibelekoa; % 14, biriketakoa; % 84, pleurakoa, eta % 24, behazunekoa).
Xabier Olano EH Bilduko bozeramailearen hitzetan, Gipuzkoako Foru Aldundiak erraustegiaren proiektua "biziberritu" zuenetik asko "ugaritu" dira instalazio honen kontrako mobilizazioak. "Atzo bertan, kezka horren adibide bat ikusi genuen. Gipuzkoako hainbat herritako milaka bizilagunek euren eskuak lotu zituzten Onkologikoa eta Foru Jauregiaren artean giza katea egiteko. Eskaera argia zuten: erraustegia gelditzea", esan du. Olanoren ustez, Foru Aldundiak "ezin du ezikusiarena egin".
Txostenen datu "kezkagarriak" eta mobilizazioak kontuan hartuta, eta ikerketa batzordearen ondorioak esku artean izan arte, "Zubietako erraustegiaren izapide guztiak gelditzeko" eskatu dute. "Proiektu honen inguruan eztabaidatu behar dugu, zalantzak argitu. Hori egin bitartean, badaezpadako printzipioa ezarri behar da. Osasunak kezkatzen gaitu. Oraindik garaiz gabiltza. Orain egiten ez badugu, gero agian beranduegi izango da askorentzat", nabarmendu du EH Bilduko bozeramaileak.
Protesta Gipuzkoa Plazan
Bien bitartean, dozenaka pertsonak Donostiako Gipuzkoa Plazan eman dute gaua, erraustegiaren kontra eta beste eredu jasangarriago baten alde.
Gipuzkoa Zutik plataformak deituta, 200 bat lagun bildu ziren igande arratsaldean Gipuzkoako hiriburuko plaza horretan, eta iluntzean, gaua bertan igarotzea erabaki zuten dozenaka pertsonak.
19:00etan, beste batzar bat egingo dute, protestarekin nola jarraitu behar duten erabakitzeko.
Errausketaren aurkako Mugimenduak antolatuta, eta hainbat alderdik, sindikatuk eta talde ekologistak babestuta, giza kate jendetsua egin zuten atzo eguerdian. Donostiako Onkologikoan hasita, Gipuzkoako Foru Aldundiaren aurrean amaitu zuten bost kilometroko katea.
Gipuzkoako Foru Aldundiak Zubietan erraustegia egiteko erabakia hartu zuenetik, hamaika mobilizazio antolatu dituzte; azkena, bart gauekoa.
Zure interesekoa izan daiteke
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.