Garoña behin betiko ixteko ekintzak eskatu dituzte Gasteizen
Bi mila pertsona inguru bildu dira gaur Gasteizen Santa Maria Garoñako (Burgos) zentral nuklearraren itxiera eskatzeko. Manifestazioan zehar alderdi politikoei "bideak irekitzeko"eskaera egin diete instalazio hori behin betiko itxi dadin.
Martxa Araba Garoñarik gabe plataformak deituta egon da, eta haren buruan "No reapertura. Itxi betiko" zihoen pankarta bat irakur zitekeen. 19:00etan abiatu da Andre Maria Zuriaren plazatik, jai-giroan.
Gutxi gorabehera bi mila pertsonak egin dute bat deialdiarekin, eta haiekin batera hainbat alderditako ordezkarik ere parte hartu dute, besteak beste, EAJ, Unidos Podemos, EH Bildu eta PSE-EEko kideak.
Ez direnak egon PPko ordezkariak izan dira. Alderdi horrek Garoña berriz zabaltzearen aurkako jarrera azaldu du, baina, adierazi dutenez, "hauteskundeei begira egindako manifestazioa" izan da gaurkoa, helburu bakarra "higadura politikoa" lortzea zuena.
Garoña Gasteizetik 40 kilometrora dago, eta Espainiako zentralik zaharrena da. 2012ko abenduaz geroztik ez dago martxan, Nuclenorrek (Iberdrolak eta Endesak esku hartzen dute bertan) hala erabakita, arrazoi ekonomikoak direla medio.
2014a. urtean iritziz aldatu zuen, eta ustiapen-baimena 17 urtez luzatzea eskatu zuen. Horren gainean, bere iritzia eman behar du Segurtasun Nuklearreko Kontseiluak, eta haren erabakiak lotesleak dira.
Segurtasun Nuklearreko Kontseiluak aurtengo bigarren seihilekoan igorri behar dio Industria Ministerioari bere txostena. Kontrakoa bada, lantegia ixtea ekarriko luke, eta, aldekoa bada, azken erabakia Gobernuaren esku utziko luke.
Alberto Frias Araba Garoñarik gabe plataformaren bozeramaileak gaur baieztatu duenez, Segurtasun Nuklearreko Kontseilua nork osatzen duen ikusita, ez du "inolako zalantzarik" txostena zentrala berriz irekitzearen aldekoa izango denik.
a izango denik.Zure interesekoa izan daiteke
Lau adingabe ikertzen ari dira, Lasarte-Orian, bi gazte jipoitzea egotzita
Biktimak, 20 eta 17 urtekoak, Lasarte-Oriako ikastetxe bateko patioan zeuden eta zazpi gazteko talde bat hurbildu zitzaien zigarro bat eskatuz. Ezetz erantzun ondoren, horietako lau ukabilkadak ematen hasi zitzaizkien eta ospitalean artatu behar izan zituzten.
Gizon baten gorpua aurkitu dute Eskoriatzan, ibaian flotatzen
Herritar batek eman du abisua, 09:15 aldera. Deba ibaian hilotz bat ikusi du, udalerriko Aingeru Guarda auzoaren parean.
Iragarki faltsuen bidez iruzur egiten zuen talde kriminal bat desegin dute Bizkaian
Bost pertsona ikertzen ari dira, eta 'Negare' polizia operazioak zabalik jarraitzen du. Oraingoz, 28 kaltetu identifikatu dituzte, batzuk Araban (1), Gipuzkoan (1) eta Nafarroan.
Duela 4.000 urteko bisonte baten hezurdura topatu dute, ia osorik, Urbasan, eta Iberiar penintsulan dokumentatutako lehen bisonte europarra izan daiteke
Maria Chivite presidenteak eta Rebeca Esnaola Kultura eta Kirol kontseilariak "garrantzi zientifiko handiko" aurkikuntza aurkeztu dute astelehen honetan. Aurkikuntza “bakarra” da Iberiar penintsulan, eta Arrafela leizean egin zen, Kultura Departamentuak sustatutako esku-hartze arkeologiko batean, Euskal Herriko Unibertsitatearen eta Madrilgo Historia Naturalaren Museoaren parte-hartzearekin, besteak beste.
Donostiako Udalak atxilotuen jatorriaren berri emango du aurrerantzean
Bilbok eta Gasteizek ez bezala, Donostiak bat egin du Eusko Jaurlaritzako Segurtasun Sailak ezarritako irizpidearekin. Aurrerantzean, Donostiako Udaltzaingoak atxilotuen jatorria jakinaraziko du, hedabideek zein herritarrek eskatuta edo "egoerak hala eskatzen duenean".
Goiz korapilatsua Bilbo inguruko errepide nagusietan
Istripu bat izan da Barakaldon, Ansioko bihurguneetan, Donostiarako noranzkoan, eta pertsona bat ospitalera eraman dute, zauriturik. Bestalde, lau ibilgailuk talka egin dute Zamudion, Txorierrin, eta auto-ilarak izan dira goizean goiz.
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.