Droga sintetikoen sare bat desegin eta 12 pertsona atxilotu dituzte
Ertzaintzak eta Guardia Zibilak droga sintetikoen eskala handiko banaketa-sare bat desegin dute Bizkaian eta Valladoliden hainbat miaketa egin ostean. Sareak estatu-mailan banatzen zuen droga, eta operazioan 78 kilo 'speed' eta beste hainbat droga atzeman dituzte. Operazioaren ondorioz, Guardia Zibilak eta Ertzaintzak hamabi pertsona atxilotu dituzte osasun publikoaren aurkako delituak eta droga-trafikoa egotzita.
"Speed eta droga sintetikoen trafikoari kolpe garrantzitsua eman zaio Espainia mailan, eta droga horretan espezializatutako gaizkile-talde handienetako bat desegin da", Ertzaintza eta Guardia Zibilaren arabera.
Sarearen buruzagi nagusia Bilbon bizi zen. Ez zuen lanik egiten, bizi-maila altua zuen eta aurrekari ugari zituen droga-trafikoagatik. Ederki antolatu eta egituratutako gaizkile-talde bat zuzentzen zuen, eta 'speed' eta droga sintetikoak eskala handian banatzen espezializatuta zegoen.
Gaizkile-sareko kide guztiak identifikatu eta gero, operazioaren esplotazio-faseari ekin zitzaion: 16 etxebizitza miatu zituzten Valladolideko probintzian (Nava del Rey) eta Bizkaian (Plentzia, Getxo, Bilbo, Ortuella eta Zierbena) eta 12 atxiloketa egin ziren (horietako 11 espetxeratu dituzte).
Konfiskatutako drogak 3.500.000 euroko balioa du merkatuan, txikizkako salmentan.
Operazioa zabalik dago oraindik ere, eta baliteke atxiloketa gehiago egitea gertakariak guztiz argitzeko.
Zure interesekoa izan daiteke
Luzaiden dantzan, Korrikaren lekukoa eskuan!
Arnegitik Luzaiderako bidean, Luzaideko bolantak taldeak dantzan hartu du Korrikaren lekukoa. 126. kilometroa egin duenean izan da, hain zuzen ere, gaueko 04:00ak aldera. Azken urteotako tradizioari eutsi diote, dantzan jarri baitira lekukoa hartu dutenean.
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.