Genero arloko estereotipoak gazteen artean diraute, Emakundek dioenez
Emakunde Emakumearen Euskal Erakundeak asteazken honetan, uztailak 6, argitaratu duen azterlanean jasotzen den bezala, euskal gazteen bizitzaren esparru askotan generoaren arloko estereotipoak eta modelo klasikoak indarrean daude.
Azterlanaren izenburua honakoa da: “Desberdintasunaren aurreko jarraitutasunak, gatazkak eta hausturak: gazteak eta genero-harremanak Euskadin”. Testuan zehar irakur daitekeenez, kontraesan “argia” dago berdintasunari buruzko teoriaren eta praktikaren artean, baina aldaketak eta hausturak ere antzeman dituzte genero-nortasuna finkatutako jarraibideetatik kanpo eraikitzen ari diren gazteengan.
Ikerketa gauzatu ahal izateko, Euskadi bizi diren 102 gazte elkarrizketatu dituzte, 15 eta 30 urte bitartean dituztenak. Lanaren ondorio nagusia ondorengoa da: “euskal gazteen artean generoaren arloko estereotipoak eta modelo klasikoak indarrean diraute”, batez ere, lan esparruan, kirolean, jai giroan, bikote harremanetan, irudi estetikoan eta denbora librean (lonjetan eta lokaletan).
Era berean, euskal gazteek emakumearen nortasunaren funtsezko zatitzat hartzen dute amatasuna. Halaber, bereizi egiten dira oraindik “emakumearen lantzat” eta “gizonen lantzat” hartzen direnak. Horrek zuzeneko harremana du, beste faktore batzuen artean, ikasketak eta lanbideak ezberdin hautatzearekin.
Gainera, ikerketak jasotzen duenez, kirola eta festa gizonen hegemonia indartzen duten bi esparru dira.
Alde horretatik, Izaskun Landaidak Emakunderen zuzendariak dio futbolak eragin handia duela gizartean eta horren bidez irudikatzen diren erreferenteak zeintzuk diren kontuan izan behar direla.
Alabaina, genero-nortasun propioa eraikitzen ari diren gazteen lekukotasunak ere daudela dio txostenak, euren bizi-proiektua aurretiaz ezarritako jarraibide tradizionaletatik kanpo diseinatzen ari direnak. Baina maskulinitate hegemonikoaren zirkuluetatik kanpo esparruan bizi nahi duten gazteak ‘frikiak’ deituak izateko arriskua hartzen dute.
Albiste gehiago gizartea
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
28 urteko gazte baten hilketarekin lotura dutelakoan, hiru gazte atxilotu ditu Ertzaintzak. Josu Bujanda ertzainburuak azaldu duenez, gertatutakoa "ustekabekoa" izan zen. "Etxerako bidean, elkar ezagutzen ez ziren bi gazte talde ziren", esan du.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.
Arantza Beitia, Kermanen ama: "Porteroek sekulako inpunitatea sentitzen zuten erasoak egiten zituztenean"
Kerman, Gasteizko Mitika diskotekan hil zuten gaztearen ama da Arantza Beitia. Euskadi Irratian elkarrizketa egin diote, gertatutakoaz jardun da eta erreparazioaz ere mintzatu da: "Utzikeriak, negligentziak eta praxis txarrak publikoki onartzea, aitortzea eta hiritarrei azaltzea zer egingo duten hori konpontzeko. Kermanen eskubideak errespetatzea, hiritar moduan", azpimarratu du. Entzun hemen elkarrizketa osoa.
Hiru pertsona atxilotu dituzte, Bilboko Fika kaleko homizidioan inplikatuta daudelakoan
Ertzaintzak hiru pertsona atxilotu ditu, igandean Bilbon izandako krimenarekin lotura dutelakoan. Azken atxilotuak 28 urte ditu, eta borondatez entregatu zuen bere burua Ertzaintzaren komisarian.
Gizon bat atxilotu dute Bilbon, atzo izandako hilketarekin zerikusia duelakoan
31 urteko gizon bat da. Ertzaintzak ikerketa zabalik du oraindik, gertakaria argitzeko. Beste bi gizonezko daude identifikatuta.
Haurtxo bat hil da Gasteizen, bigarren solairuko leiho batetik erorita
Adingabea Txagorritxuko ospitalera eraman zuten urgentziaz, eta han heriotza egiaztatu besterik ezin izan zuten egin.
Israelek Gazan hil dituen 1.580 osasun-langileak omendu dituzte Gasteizen
Txagorritxuko Ospitalearen atarian egindako irakurketaren helburua "genozidio sionistak hildako osasun-langileen memoria eta bizitzak gogoan izatea" izan da. Mugarik Gabeko Medikuen arabera, bi urte hauetan 1580 osasun-profesional hil ditu Netanyahuren Armadak ospitaleen, kliniken eta larrialdi eta erreskate taldeen aurka egindako erasoetan.