Udala akusazio gisa aurkeztuko da Bilbon eraildako emakumearen kasuan
Euskal erakundeek eta Bilboko auzokideek elkarretaratze isila egin dute gaur joan zen larunbatean izandako emakume baten erailketa gaitzesteko xedearekin. Bertan, Juan Maria Aburto alkateak jakitera eman duenez, Udala akusazio gisa aurkeztuko da kasu horretan.
Kandela zuri baten eta loreontzi baten atzean, gaur goizeko 11:00etan, Aburtok, Udaleko alderdien ordezkariak, Josu Erkoreka Eusko Jaurlaritzako bozeramaileak, Teresa Laespada Bizkaiko Foru Aldundiko Enplegu, Gizarteratze eta Berdintasun diputatuak, eta Izaskun Landaida Emakundeko zuzendariak 5 minutuko isilunea egin dute.
Elkarretaratzean izan dira Unai Sordo CCOO sindikatuko Euskadiko idazkari nagusia eta Bilboko hainbat herritar ere. Ekitaldia txaloekin bukatu da, eta, horren ostean, hedabideei egindako adierazpenetan Bizkaiko hiriburuko alkateak biktimaren senitartekoei doluminak igorri dizkie.
Horrez gain, Udaleko baliabideak familiaren eskura jarri ditu, eta Udala herri-akusazio gisa aurkeztuko dela ere jakinarazi du Aburtok: "Erailketa horrek zuzenean eragiten gaituela, eta kaltetuta sentitzen garela azpimarratzeko, udal gisa zein gizarte gisa".
Gaineratu duenez, jarrera horrekin "Udalak biolentzia matxistaren aurkako herritarren interes orokorra defendatu nahi du".
Beste erakundeekin batera modu bateratuan "lanean jarraitzea" eskatu du, "hezkuntzan, aurrezaintzan, elkarbizitzan eta errespetuan", baita emakumeak ahalduntzen jarraitzea ere, "euren aurkako inolako biolentzia matxistarik onar ez dezaten".
Josu Erkoreka Eusko Jaurlaritzako bozeramaileak "euskal gizartearen esku-hartzea" eskatu du, "emakumeena, baina batez ere gizonezkoena, azken horiek berdintasunezkoagoa eta emakumeenganako errespetuzkoagoa den bizikidetza ulertzeko beste era bat onartu beharra baitaukate, zoritxarrez iraganean ez dena eman eta oraindik ematen ari ez dena".
Izaskun Landaidak ere gaitzetsi egin du Bilbon jazotako emakume baten azken erailketa, eta baieztatu duenaren arabera, Emakundek "egunero egiten du lan emakumeen aurkako indarkeriatik libre egongo den gizarte bat eraikitze aldera".
_________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
Zure interesekoa izan daiteke
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.