Atxilotu bat Torbek bidalitako bideo porno bat mugikorrean jaso ostean
Polizia Nazionalak 47 urteko gizonezko bat atxilotu du Sevillan. Atxilotuak adingabeak galbideratzeagatik aurrekariak ditu, eta bere telefono mugikorrean adingabe bat agertzen zen bideo pornografiko bat jaso zuen. Horrez gain, agenteek gizon horrekin lotutako bi etxebizitza miatu dituzte eta mugikor bat atzitu dute, Poliziak ohar baten bidez jakinarazi duenez.
Torberekin erlazionatuta
Atxilotua pelikula pornoak zuzendu eta ekoizten dituen Ignacio Allende 'Torbe'rekin (Portugalete) lotuta dago, berak bidali baitzizkion irudiak, eta beraiekin "diru asko" irabazteko asmoa zeukan".
Ikerketako iturriek jakitera eman dutenaren arabera, atzoko atxiloketa Universal operazioaren barruan egin zen. Operazio horren barruan sei pertsona atxilotu zituzten apirila bukaeran, horien artean Torbe. Une hauetan behin-behineko espetxealdian dago, pornografia, gizakien salerosketa, kapitalak zuritzea eta Herri-ogasunaren aurkako delituak egotzita.
Aspalditik ezagutzen duen lagun bat da, eta lagun horrek Torberi eskaini zion argitara eman gabeko bere bideoak eduki pornografikoaren salmentara bideratutako webguneen bidez hedatzea, porno ekoizle ezagunak ezin baitzituen bere webgunearen bidez plazaratu, baimenik ez izategatik.
Iturrien esanetan, bai Torbek, bai atxilotuak bazekiten (edo sumatzen zuten) bidalitako bideoan agertzen zen neska adingabea zela.
Alabaina, Torbek irudi horiek banatu egin zituen, diru asko irabaz zezakeela uste baitzuen. Iturrien arabera, Torbek hauxe esan omen zuen: "neska hori bezalakoak 10 urtean behin agertzen dira".
Bideoak banatzen hasi eta ezagunak egin zirenean, eta adingabearen gurasoek salatu egin ote zuten beldurrez, Torbe familiaren isiltasuna lortzen saiatu zen 25.000 euro eskainita eta diru asko emango omen zien negozio batean sartzea proposatuta, baina arrakastarik gabe.
Aitzitik, familiarekin harremanetan jarri ezin ostean, martxoaren erdialdera (bideoak grabatu eta hainbat hil pasatu eta gero), zuzendariak beste plan bat asmatu zuen Sevillan atxilotuarekin batera biktimari eta haren familiari xantaia egiteko. Ikerlarien arabera, Torbek sarritan erabiltzen zuen taktika zen hori, hainbat salaketa pilatzen baititu horren harira.
Zuzendariak kontratu antzeko batzuk sinatzen zituen aktoreekin (adingabeekin ez), haien eskubide guztiak bere gain gera zitezen modu mugagabean. Polizia kontratu horiek aztertzen ari da indarrean dagoen legedia urra dezaketelakoan.
Aktoreak horretaz jabetzen zirenean, berriz ekiten zion estortsioari. Bideoa kentzearen truke, 6.000 euroko diru kopurua ordaindu behar zuten, baina biktimek ezin zioten eskari horri aurre egin.
Orain Polizia atzitutako materiala aztertzen ari da, eta ez du baztertzen atxiloketa gehiago egingo dituenik. Iturriek adierazi dutenez, ikerketak irekita darrai eta "oso aktibo".
Albiste gehiago gizartea
24 urteko gizon bat espetxeratu dute, Usurbilen emakume bati lapurreta egin eta ondoren hura hiltzen saiatzeagatik
Ertzaintzak jakinarazi duenez, joan den larunbatean izan ziren lapurreta eta hilketa saiakera. Igandean atxilotu zuten ustezko erasotzailea, Usurbilgo borda batean.
Gutxienez 4 kilometroko auto-ilarak AP-8an, Zarautzen, Donostiarako noranzkoan
Kamioi bat irauli egin da, eta istripua eragin du errepidean. Ertzaintzak errail bat moztu du Donostiara noranzko errepidean.
Eusko Jaurlaritzak "eskola inklusibo, ekitatibo eta kalitatezkoaren" aldeko mahaia jarri du abian, ikasturte hasieran
Imanol Pradales lehendakariak eta Begoña Pedrosa Hezkuntza sailburuak Etxebarri BHI berrian abiatu dute Eskola Segregazioaren aurkako Itun Sozialaren mahaia, ikasturtearen hasiera ofizialarekin bat eginez.
Eskola-segregazioaren aurkako mahaiak markatu du 2025-2026 ikasturtearen hasiera
Imanol Pradales lehendakariak eta Begoña Pedrosaa Hezkuntza sailburuak eman diote hasiera ikasturteari, Etxebarriko (Bizkaia) BHIn. Ondoren, mahaiaren lehen bileraren buru izan dira. Bileran hezkuntza-komunitateko hainbat eragilek, EAJ, PSE-EE, EH Bildu eta PPren ordezkariek eta sindikatuek hartu dute parte, ELA eta Steilas sindikatuek izan ezik.
Itsasoaren berotzeak hainbat espezieren portaera aldatu du
Kantauri itsasoko tenperaturak hamarkadak daramatza igotzen, eta horren ondorioak nabaritzen hasiak gara. Aztik ia 40 urte daramatza gure kostaldeko datuak biltzen.
Jaiotzak % 2,4 gehitu ziren EAEn lehen hiruhilekoan, 1975etik izandako urterik txarrenaren ondoren
2024ko hiruhileko beraren aldean, % 0,6 igo dira atzerriko amak dituzten haurren jaiotzak, bai eta hirugarren eta ondorengoen jaiotzak ere, % 0,8.
Gipuzkoan haurra hiltzen saiatzeagatik akusatutako gurasoek ukatu egin dute alaba astindu izana, eta adierazi dute lesioak gaixotasun genetiko baten ondorio direla
Fiskaltzak zazpi urteko espetxe-zigorra eskatu du bakoitzarentzat, hilketa saiakera egotzita. Gurasoek, aldiz, adierazi dute lesioak gaixotasun "oso arraro" baten ondorio direla.
Jaizkibelek gutun bat eman dio Hondarribiko alkateari, "estrategia aldaketa" eskatuz
Nora Ferreirak, Jaizkibel konpainiako kapitainak, Hondarribiko Udalaren jarrera kritikatu du. "Ezin ditu bi taldeak maila berean jartzen jarraitu, gu emakumeen eskubideen alde borrokan ari baikara", adierazi du Ferreirak. Gainera, hainbat ordezkari politikok, Miren Elgarresta (Emakunde), Ines Ibañez de Maeztu (Arartekoa) eta Maddalen Iriarte (EH Bildu), besteak beste, egindako urratsak nabarmendu nahi izan dituzte, baina erakunde guztiei inplikazio handiagoa eskatu diete.
Jaizkibel Konpainiak txalo artean egin du ibilbidea, eta alarde tradizionalak kantinerak soilik eraman ditu Gernikako Arbola plazara
Iaz gertatu zen bezala, emakumeei berdintasunez parte hartzen uzten ez dietenak ez dira hitzordura agertu, eta kantinerak soilik bidali dituzte. Herritarrek eta agintariek txaloka hartu dute konpainia parekidea Kale Nagusian.
Albiste izango da: EITB Data, ikasturtearen hasiera EAEn eta Diasporaren Eguna
Orainek gaur landuko dituen albiste nagusien laburpena.