21 urteko neska bat bortxatzen saiatu dira Gasteizko parke batean
Emakume batek eraso matxista bat pairatu du Gasteizen (Araba), hain zuzen, aurtengo Andra Maria Zuriaren jaietan izan den bederatzigarrena.
Erasoa goizaldean izan da, Andra Maria Zuriaren jaien azken egunean, eta Ertzaintzak ikerketa abiatu du gertatutakoa argitzeko eta erasotzailea atxilotzeko, Segurtasun Sailak eitb.eus-i baieztatu dionez.
Momentura arte, Segurtasun Sailak ez du zehaztasunik eman erasoaren inguruan, baina Izaskun Goienetxea Mugimendu Feministaren bozeramaleak azaldu du biktima 21 urteko neska bat dela. Bi gizon bortxatzen saiatu ziren, San Martin auzoko parke batean.
Hala, Gasteizko Udalak indarkeria matxistaren aurkako udal-protokoloa martxan jarri du eta, horren arabera, gaitzespen elkarretaratzea eta jaietan hainbat ikuskizunetan hainbat minutuko isiluneak egingo dituzte.
Gainera, zenbait tabernak eta txosnak musika geldituko dute 15 minutu, gauerdian. Jaien ekitaldi ofizialetan agiri bat irakurri eta bost minutuko geldialdia ere egingo dute.
Udalak, ohar baten bidez, salatu duenez, indarkeria matxista "Giza Eskubideen urraketa larria eta lehen mailako arazo soziala da, emakumeen segurtasun fisikoaren eta duintasunaren aurka egiten duena, eta LGTBI kolektiboko pertsonek pairatu egiten dutena".
Elkarretaratzea
Bestalde, 2.000 pertsona inguruk elkarretaratzea egin dute Andre Maria Zuriaren plazan, bortxaketa saiakera salatzeko, Udalak, Mugimendu Feministak eta Blusen eta Nesken Batzordeak deituta.
Pankartetan, erasoen aurrean erantzuna emateko mezuak erakutsi dituzte, besteak beste.
Gainera, partaideek "matxismoak hil egiten gaitu", "emakumeen indarkeriaren aurkako indarkeria gehiagorik ez" eta "hitzaldi gutxiago eta baliabide gehiago" aldarriak oihukatu dituzte.
Zezenketaren ostean, blusek eta neskek isilik egin dute ohiko kale-jira zalapartatsua.
_________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.