6 atxilotu, Sansohetako ustezko prostituzio sarearekin lotuta
Ertzaintzak 6 pertsona atxilotu ditu Sansohetako ustezko prostituzio sarearekin lotura dutelakoan. Ustez, Arabako Foru Aldundiaren ardurapean dauden hainbat adin txikikori prostituzio lanetan aritzera behartzen zituzten.
Oraingoz kasuari buruzko informazioa urria da, baina adin txikikoekin sexu harremanak izateagatik ordaintzea, hots, bezero izatea leporatzen diete atxilotuei. Sei atxilotuetako bat adin txikikoen psikologoa da eta dagoeneko kartzelan sartu dute.
Auziari buruz galdetuta, Ramiro Gonzalez Arabako ahaldun nagusiak Diputazioko Adingabeen Zerbitzuko teknikarien lana defendatu du, eta Sansoheta zentroko adingabe baten amak apirilean jarritako salaketa Poliziari, Arabako Adingabeen fiskalari eta agintari judizialei jakinarazi zietela azpimarratu du. Adingabe horren amak "sexu harremanak egon zitezkeen susmoagatik" jarri zuen salaketa eta Udaltzaingoak ikerketa egin bazuen ere, ezin izan zuen egiaztatu.
Gonzalezen esanetan, Arabako Foru Aldundiko zerbitzuek kasuari jarraipena egin zioten eta Poliziaren ikerketa jarraitzeaz gain, adingabeari arreta eskaini zioten. Dena den, adingabearekin abian jarritako protokoloa aurrera eramatea oso zaila izan dela azpimarratu du, askotan zentrotik at egoten zela-eta. Gaineratu duenez, ez dago adingabe horren kontrako inolako neurri penalik eta ez dago barnean egotera behartuta, are gehiago, haren zaintza amarena da eta ez Arabako Diputazioarena.
Bestalde, psikologoaren atxiloketaz galdetuta, Gonzalezek zehaztu du espetxeratutako psikologoak ez duela 2015etik Diputazioarentzat lan egiten eta ez zuela Diputazioaren bitartez adingabeekin harremanik izan. Sumarioa sekretupean dago, baina baieztatu du Sansohetako langile bat lanetik aldendu dutela ikerketan zehar haren izena agertu zelako.
Zure interesekoa izan daiteke
Gizon batek emaztea hil eta ama larri zauritu du Sarrigurenen
Gertakariak Eguesibarrean (Nafarroa) jazo dira, arratsaldeko 19:30ak aldera. Udalak Bozeramaileen Batzordea deitu du 10:00etarako hilketa matxista salatzeko.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.