Pertsona bat atxilotu dute eta hiru zauritu dira, Leioako campusean
Gazte bat atxilotu dute eta beste hiru pertsona (bi ertzain eta kazetari bat) zauritu dira, gaur goizean, Ertzaintzaren eta ikasleen artean izan diren istiluetan, EHUko errektore berria hautatzeko sistemaren kontra Leioako campusean egindako manifestazioan.
Istiluak 13:00etan hasi dira, deitutako manifestazioa behin amaituta. Euskal unibertsitatean errektore berria aukeratzeko dagoen bozkatzeko sistema salatzeko egindako deia izan da, izan ere, irakasleen botoak ikasleenaren bikoitza balio du.
Ertzaintzak gazte bat atxilotu du, manifestazioaren hasieran, istiluak lehertu baino lehen, petardo bat jaurtitzea egotzita.
12:30ean hasi dute martxa, eta 2.000 ikasle inguru izan dira; horietako asko Errektoretzako eraikinera joan dira. Ertzaintzako bederatzi furgoi zeuden bertan.
Une horretan, manifestatzaileek harriak eta petardoak jaurti dizkiete ertzainei, eta hainbat karga izan dira azken hauen aldetik.
Manifestazioaren berri ematen ari zen kazetari bat zauritu egin da, buruan harri batek eman izanaren ondorioz. Bestalde, bi ertzain ere zauritu dira.
Manifestazioa hauteskunde prozesuaren aurka deitu dute. Gaur bertan aukeratuko dute errektore berria, Nekane Balluerza EHUko irakaslea eta ikertzailea hautagai bakarra dela.
Ikasle mugimenduaren "kriminalizazioa" salatu du IAk
Ikasle Abertzaleakek Leioako campusean atxilotutako manifestaria aske uzteko eskatu du eta ikasle mugimendua ?kriminalizatzeko? nahia salatu du.
Arratsalde honetan Bilbon egindako agerraldian, ikasleen sindikatuak azaldu du Nekane Balluerka EHUko errektore izateko hautagai bakarri beren aldarrikapenak emateko errektoretzara bidean joan direnean, Ertzaintzak haien kontra kargatu duela. ?Eraso horren aurrean autodefentsa erabili dugu?, azpimarratu dute.
Hortaz, EHUren jarrera kritikatu du, ?indarkeria poliziala? erabiltzegatik. Horrez gain, ?ikasle mugimendua kriminalizatzeko asmoz botere politikoen menpeko komunikabideek gertatutakoaren irakurketa faltsua? egin dutela salatu dute.
Zure interesekoa izan daiteke
Bideo hunkigarria argitaratu du Lara Tacorontek, Mexikora ikastera joan eta hil duten gaztearen ahizpak
Lara Tacorontek, asteburuan Mexikon labankadaz hil zuten Claudiaren ahizpak, salatu duenez, inork ez zion bere familiari jakinarazi “duela oso gutxi” beste bi emakume hil zituztela unibertsitate berean, Moreloseko Autonomoan. "Zergatik ez du inork ezer egiten?", galdetu eta deitoratu du "gutako bakoitza, pertsona gisa, gizarte gisa, aldatzen ez garen arte, horrelakoek gertatzen jarraituko dute".
Gasteizek gogortu egingo du animalien ordenantza: 200 euro pixa eta gorozkiak ez garbitzeagatik, nahitaezko asegurua eta 100.000 eurorainoko isunak
Ordenantzaren eguneraketak arau-hauste arinak gogortuko ditu: egun 750 eurotik beherakoak eta 3.000 eurora iritsiko dira orain. Berritasunen artean, animalien pixa urez garbitzeko betebeharra dago, eta hori ez betetzeak 200 euroko isuna izango du.
Trafikoa bere onera etorri da N-634an, Galdakao parean, istripu baten ondorioz ia bi orduz itxita egon ondoren
Ezbeharra 14:45ean gertatu da Kortederrako gasolindegitik gertu, 96. kilometroan. Auto batek eta kamioi batek elkarren kontra jo dute, eta pertsona bat zauritu da.
Sua berriro piztu da Derion, goizaldean itzali eta ordu gutxira
Sua asteleheneko 20:30ak aldera piztu zen San Isidro auzoko baso-eremu batean, Loiuko aireportutik gertu. Suhiltzaileek sugarrak erabat itzaltzea lortu zuten arren goizaldeko 05:30ak aldera, sua berriro piztu da eta lanean ari dira une honetan, sugarrak itzaltzen.
Zestoako jaietan pertsona bati egindako eraso "bortitza" salatu dute
Udalak ohar baten bidez jakinarazi duenez, lagun bat "bortizki" kolpatu zuten, eta erasoaren ondorioz, hezur haustura eta buruan zauriak izan zituen. Hori dela eta, ospitalera eraman zuten, eta Neurologia Zerbitzuan dago ingresatuta. Bestalde, Segurtasun Sailak zehaztu du irailaren 9ko gauerdian gertatu zela erasoa, eta biktima 40 bat urteko gizonezko bat dela.
Sexu-askatasunaren aurkako delituak batez beste % 8 hazi dira Euskadin
2025ean 2.200 kasu salatu ziren. Fiskaltzaren memoriak ohartarazi duenez, adingabeei zuzendutako prebentzio eta kontzientziazio lanak "ez dira funtzionatzen ari".
Justizia Anderrentzat plataformak gezurretan aritzea leporatu die Santurtziko Udalari eta poliziari
Ander S. T. poliziaren indarkeriak hil zuela frogatuko omen dute prozesu judizialean, eta frogetako bat aurkeztu dute: atxiloketaren bideoa. Plataformak manifestazioa deitu du urriaren 3an.
Ikasle-egoitza ala partekatutako pisua? Unibertsitateetako egoitzen eskariak gora, alokairuen garestitzeagatik
Etxebizitza partekatua aurkitzea gero eta zailagoa da, eta egoitza eta pisuaren arteko prezio-aldea txikitu egin da. Ikasle-egoitza batzuk %100eko okupaziotik gertu daude: erosotasunak, zerbitzuek eta banakako gelek gero eta ikasle gehiago erakartzen dituzte.
Espetxera eraman dute motozerra batekin hainbat gazte mehatxatu zituen gizona
Leporatzen dizkioten gertakariak irailaren 12ko goizaldean jazo ziren. Aurrekari polizialak zituen gizon hori hainbat pertsonari segika ibili zen Algortan, motozerra bat eskuetan zuela.
Eguraldi aldaketa gaurtik aurrera, eta euria asteazkenerako zein ostegunerako
Goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.