San Tomas abenduaren 21ean, bai; baina zergatik?
San Tomas feria da euskal lurraldean gehien espero eta ezagutzen den jaia, hain gustuko ditugun gauzak egin ditzakegulako bertan: jan, edan eta gauzak erosi. Gainera, batzuek Bilbon eta Donostian bakarrik ospatzen dela uste arren, Lekeitio, Zaldibar, Arrasate (abenduaren 22an ospatzen dituzte bertan santamasak), Hondarribia, Azpeitia, Usurbil eta Errenterian ere egiten da urtero antzinako usadioa.
Jende askok ospatzen badu ere, askoz gutxiago dira horren jatorria ezagutzen dutenak. Hainbat teoria daude, baina ia guztiek gauza bera dute oinarrian. Lursail asko alokairu sistemaren bidez kudeatzen ziren garaian omen du jatorria. Maizterrek, baserritarrek, udazkenean jasotakoaren parte bat eraman behar izaten zioten jabeari, urteko errenta ordaintzeko. Gainera, kontuan hartu behar da Gabonak egun gutxi geroago ospatzen direla.
Jabe gehienak hirietan bizi ohi ziren, eta baserritarrek bidaia aprobetxatzen zuten askotan, bide batez, euren produktuak salgai jartzeko. Hala, ohituraren lekukoa hartu zuen tradizioak, eta bere egin zuten herri zein hirietan.
Noiz jaso ziren; hori da beste gakoetako bat. Egile batzuek XIX. mendean kokatzen dute jatorria, halere, Arrasateko Udalaren agiri baten arabera, Gipuzkoako herri horretan 1351. urtetik egiten dute feria.
Garai horretan, gainera, hiru eguneko jaia egiten zuten, baina erromeria abenduaren 22an baino ez zuten egiten. Santamasak abenduaren 22an ospatzen dira gaur egun bertan, beste herri eta hirietan ez bezala.
Hala, abenduaren 21a noiz iritsiko zain geratu beharko dugu (abenduaren 22aren zain, Arrasatera joateko asmoa baldin badaukagu) fruta, barazki, kapoi, oilasko eta abereen ikuskizunaz gozatzeko.
Aurten, urtero legez, nekazaritzarako makina eta tresnak, ogia, gozokiak, gazta eta eztia erosteko postuak jarriko dituzte, baita horrelako feriatan nagusi diren jakiez (taloa eta txistorra) eta edariaz (sagardoa) gozatzekoak ere.
Albiste gehiago gizartea
150.000 euroko kalte ordaina eskatu diote Bilboko ikastetxe bati, bullying kasu baten aurrean ezer ez egiteagatik
Eskola jazarpena jasan zuen ikaslearen abokatuak adierazi duenez, ikastetxeak ez zuen ezer egin neskari ondorio psikiatriko eta fisiko larriak eragin dizkioten erasoak saihesteko.
Pertsona bat zauritu da Arrasateko etxebizitza eraikin batean izandako sute batean
Sua 23:30 aldera piztu da San Josepe kaleko etxebizitza eraikin baten beheko aldean. Lehen unean, lau atari jendez hustu dituzte, baina hiru ataritako bizilagunak etxera itzuli ahal izan dira gauean zehar.
Pasaporteekin izandako arazoa konponduta, Saharako haurrak datorren astean iritsiko dira Euskal Herrira
Saharatik uda igarotzera etortzen diren haurrak aste honetan ziren iristekoak Euskal Herrira. Baina pasaporteekin izandako arazoen ondorioz, ezin izan dute hegazkinik hartu.
San Ferminetan legez kanpo saltzeko abanikoak, txanoak eta arropa atzeman dituzte aireportuan
Mila artikulu baino gehiago konfiskatu dituzte Noaingo aireportuan, tartean 500 abaniko eta 500 txano, ustez sanferminetan legez kanpo saltzeko.
Heldu da zure paketea: erosketak itsu-itsuan egiteko eroaldia Bilbora iritsi da
Pakete misteriotsuen fenomeno europarra uztailaren 7tik 14ra helduko da Zubiarte merkataritza gunera. Esperientzia paregabea da, benetako ustekabeak lortzeko. Intuizioa eta zortea dira horretarako gakoak.
Motor-gidari bat zauritu da Muxikan, auto batekin talka egin eta ibaira erorita
Istripua 19:50ean gertatu da, motor batek auto baten aurka talka egin du N-635 errepidean, Muxikan, Gernikarako noranzkoan. Kolpearen ondorioz, motor-gidaria Mundaka ibaira erori da, Ariatza auzoaren parean.
Donostiako suhiltzaileen buruak dimisioa eman du, Fermin Muguruzaren kontzertuan semea sarrerarik gabe sartzeagatik
Donostiako suhiltzaileen zerbitzua bururik gabe geratu da oraingoz, Fermin Muguruzaren kontzertuan izandako jokabide txarragatik. Ander Gomezek dimisioa eman behar izan du Anoetako kontzertuan suhiltzailez jantzitako semea sarreratik gabe sartzeagatik.
Joxe Azurmendik euskal pentsamenduari egindako ekarpena azpimarratu dute Agirrebaltzategik eta Zulaikak
Filosofoa, saiogilea eta hainbat belaunaldirentzako erreferente intelektuala, Joxe Azurmendiren lanak Euskadiko pentsamendu kritikoa markatu du mende erdi baino gehiagoan. Azurmendik sekulako ondarea utzi du euskaran, ideietan... eta herria ulertzeko moduan.
Ehunka jarraitzailek omenaldia egin diote Diogo Jotari Liverpoolen, futbolari portugaldarra istripu batean hil ostean
Futbolari portugaldarra gaur goizaldean hil da, bere anaiarekin batera Espainian izandako auto-istripu batean. Hillsborogheko tragediaren biktimen oroimenez eraikitako memorialaren aurrean, Liverpooleko eta Evertoneko jarraitzaileek eta futbolzaleek aldare bat osatu dute, lore, bandera, bufanda eta kamisetekin.
Hernaniko Udalak zortzi gertakari arrazista eta eraso sexista bat antzeman ditu San Joan jaietan
Udalak azaldu du gertakari horiek gizartean gertatzen ari diren jarreren isla direla, eta aurreratu du herritarren kezkei erantzuteko eta bizikidetza sustatzeko neurriak eta espazioak jarriko direla martxan.