Mila emakume daude Euskadin genitalen mutilazioa pairatzeko arriskuan
Eusko Jaurlaritzako Hezkuntza eta Osasun Saila eta Emakunde emakumearen euskal erakundea aurreko legegintzalditik elkarlanean ari dira emakumeen genitalen mutilazioa saihesteko Euskal Autonomia Erkidegoan (EAE). Izan ere, emakumeen genitalen mutilazioa egiten den herrialdeetako familietakoak diren 0-14 urteko 1.000 neskato inguru daude arriskuan EAEn.
Nazio Batuek hala erabakita, gaur, otsailak 6, Emakumeen Genitalen Mutilazioaren Aurkako Nazioarteko Eguna ospatuko da. Mutilazioa emakumeen giza eskubideen aurkako jarduera gisa onartuta dago nazioartean.
Jaurlaritzak azpimarratu duenez, mutilazioarena EAEko arazoa ere bada; izan ere, emakumeen genitalen mutilazioa egiten den herrialdeetatik etorritako 11.000 pertsona inguru bizi dira EAEn, eta herri horietako familietakoak diren 1.000 neska inguru egon litezke genitalen mutilazioa jasateko arriskuan.
Emakume eta Gizonen Berdintasunerako VI planak jasotzen duenez, esku hartu behar da horrelakoak prebenitzeko.
Lehenik eta behin, EAEko egoeraren diagnostiko bat izan zen, eta, ondoren, Osasun Saila, Osakidetza eta Emakunderen elkarlanaren ondorioz, Emakumeen genitalen mutilazioari aurre egiteko jardunen gidaliburua eta esku hartzeko oinarrizko printzipioen liburuxka argitaratu ziren. Liburuxka horietan, mutilazioa egiten den herrialdeetatik datozen emakume eta neskatoak artatzen dituzten profesionalei gomendio batzuk ematen zaizkie.
Gida horri jarraiki, Osasun Sailak Osakidetzako profesionalei zuzendutako sentsibilizazio eta prestakuntza plan bat abiatu du.
Bestalde, Hezkuntza Sailak hiru helburu estrategiko ditu "hezkidetza eta genero-indarkeriaren prebentzioa lantzeko Gida Plana"ren baitan: genero indarkeria prebenitzea, garaiz antzematea eta erantzuna emateko zenbait mekanismo martxan jartzea, hezkuntza komunitatea modu berezian inplikatuz.
Zure interesekoa izan daiteke
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak Guggenheim Museoa Urdaibain zabaltzeko 'ezetza' islatzen du, baina 'baietza' eskualdeko garapenari
Herritarren artean entzute prozesua gidatu duen Agirre Lehendakaria Centerrek azaldu duenez, "hasierako narratiba" horien zati esanguratsu bat "beste joera batera" mugitu da hilabeteetan zehar. Izan ere, Urdaibaiko Guggenheimaren aurkako iritziak jaso dira, baina baita eskualdearen garapenaren aldeko jarrerak.
Korrika egitea, osasuntsu zahartzeko: Fernando eta Leopoldo, 81 eta 76 urterekin korrika egiten jarraitzen duten beteranoak
Fernandok 31 Behodia daramatza, azken bi urteetan beteranoena izanik, eta Leopoldo erretiroa hartu baino pixka bat lehenago hasi zen kilometroak egiten. Korrika egitea botikarik onena da bientzat, ez bakarrik bere ongizate fisikoagatik, gaixotasunak prebenitzen eta zahartzea atzeratzen ere laguntzen baitie.
Ziberindarkeria matxistak ezagutzen laguntzeko gida argitaratu du Emakundek
"Jarri izena" gira gazteei zuzenduta dago, eta bere helburua da ingurune digitaleko indarkeria matxistak identifikatzea, askotan oharkabean pasatzen dira eta, eta alfabetatze digitala eskaintzea, sareetan gertatzen diren indarkeria matxista mota guztiak hautemateko eta horiei izena jartzeko.
Espainiako Gobernuak iragarritako garraio-abonu bateratua urtarrilaren 19tik aurrera erabili ahal izango da
Oscar Puente Garraioetako eta Mugikortasun Iraunkorreko ministroak adierazi duenez, Gobernuaren asmoa gainerako administrazioekin lan egitea da, hala nola autonomia-erkidegoekin eta udalekin, etorkizunean hiri barruko eta hiriarteko abonuak bateratu zein integratzeko eta garraio-txartel bakarrarekin funtzionatu ahal izateko, Europako beste herrialde batzuetan gertatzen den bezala.
Etxegabe bat hil da Donostiako Easo plazan
Hasierako zantzuen arabera, autopsiaren zain, berez hil da. Plazako kioskoan lurrera erori da, antza denez, gaua bertan igaro ostean.