Hiru pertsona hil dira Azkoitian izandako zirkulazio istripu batean
Hiru pertsona hil dira eta beste bosti zauritu, horietako bat, larri, Azkoitian (Gipuzkoa) astelehen arratsaldean jazotako zirkulazio istripu batean.
Biktimak identifikatuta dituzte jada, baina oraindik ez dute baieztatu nortzuk diren, familiak ohartarazi arte. Argi dagoen datu bakarra da hildakoetako bat 41 urteko Eibarko gizon bat dela.
Eusko Jaurlaritzako Segurtasun Sailak jakinarazi duenez, ezbeharra 17:45ean gertatu da, GI-2634 errepidean, Azkarateko mendatetik gertu. Istripuan guraizearena egin duen kamioi bat eta lau auto nahasi dira.
Hain zuzen ere, Scania kamioi bat eta lau auto (Mercedes Benz 300 bat, Kia Ceed bat, Peugeot 307 bat eta Citroen Xsara Picasso).
Hildakoetako bi (tartean 51 urteko gizon bat) Citroen Xsara Picassoan zihoazen. Ibilgailu horretan 20 urteko mutil bat ere zihoan; larri zauritutako pertsona da, eta Donostia Ospitalera eraman dute.
Hirugarren biktima aipatutako Eibarko bizilaguna da; Peugeot 307an zihoan.
Gainera, zauritutako beste bi 70 eta 68 urteko bi senar-emazte dira (Mercedes Benzen zihoazen).
Azkenean, Kia Ceedean 58 urteko gizon bat eta 22 urteko neska bat zihoazen.
Errepidea guztiz itxita egon da bi noranzkoetan astearteko 03:00ak arte inguruan, orain zabalik dago eta zirkulazioa normaltasunez ari da.
Zure interesekoa izan daiteke
Beste bi gizon atxilotu dituzte Gasteizen, adingabe bat sastatzea leporatuta
Aurretik atxilotutako bost gazteek bezala, 19 eta 20 urte bitartean dituzte. Ertzaintzak labanak eta mailuak zituen poltsa bat topatu zuen autoan, eta konfiskatu egin zituen.
Behin-behinean aske utzi du epaileak Basaurin bikotekidearen heriotzarekin zerikusia zuelakoan atxilotutako gizona
45 urteko gizona 15:00ak aldera eraman dute epaitegira, eta epaileak behin-behinean aske utzi du baina egunero auzitegira joateko aginduarekin. Pasaportea ere kendu diote.
Basauriarrek bigarrenez gaitzetsi dute Amaiaren hilketa matxista
Udalak deituta, elkarreratze isila egin dute eguerdian Azaroak 25 plazan, sortzez Berangokoa zen 44 urteko emakumearen hilketa salatzeko. Hain justu, Berangoko Udalak beste bilkura bat deitu du astearterako.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. Ikerketaren iturriek EITBri baieztatu diotenez, urruntze agindu bat zegoen indarrean, baina atxilotuak askotan urratzen zuen.
17 urteko mutil batek polizia-kontrol batetik ihes egin du asegururik eta IATrik ez zuen auto batekin, Beriainen
Adingabeak giltzak ostu zizkion amari, eta jazarpen arriskutsu baten ostean, egindakoa "Instan argitaratuko ote zen" galdetu zien agenteei.
Adingabe bat sastatzeagatik Murgian atxilotutako bost gazteek polizia-etxean jarraitzen dute
Erasoa ostegun arratsaldean gertatu zen, Gasteizko Oto etorbidean.
Gizon bat atxilotu dute Barakaldon, indarkeriaz egindako lapurreta bat artatzera joandako udaltzainei labanaz mehatxu egitea egotzita
Agenteak taser pistola bat erabiliz saiatu ziren hura geldiarazten, eta ez zutela lortzen ikusita, tiro egin zioten hanka batean. Atxilotua Gurutzetako Ospitalera eraman zuten gero, baina arriskutik kanpo dago.
Basauriko hilketa matxista salatzeko elkarretaratzea egin dute ostiral arratsaldean, talde feministek deituta
2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.
Itzurun hondartza, mikroplastikoz beteta
Azken egunotako denboraleen ondorioz, mikroplastikoz beteta agertu zen atzo Zumaiako Itzurun hondartza. Naiara Malave Euskal Kostaldeko Geoparkean ekoturismoa egiten duen Begi Bistan enpresako kideak esan du arazoa mundu mailakoa eta azken hamarkadetako plastikoaren gehiegizko erabileraren ondorioetako bat dela.
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian izandako hilketa matxista, eta deitoratu duenez, oraindik ere entzuten dira herritarren artean indarkeria matxista ez dela existitzen dioten diskurtsoak edo arazoari garrantzia kentzen diotenak. Horregatik, horren ustez, arlo guztietatik lan egin behar da horri aurre egiteko.