Datozen egunotan jakingo da Sestaoko sutea zerk eragin zuen
Sestaoko Udalak (Bizkaia) "zuhurtasuna eskatu du suhiltzaileen txostena jaso arte", atzo Bizkaiko herri horretako kale nagusian piztutako sute ikusgarria zer dela eta piztu zen argitu arte.
Sutea handia izan zen, Segurtasun Sailaren arabera, eta bizilagunik ez zen zauritu, baina bi suhiltzailek erredurak egin zituzten eskuetan, sua itzaltzen ari zirela. Halere, ez omen dute zauri larririk.
Bestalde, Udalak, Gurutze Gorriak eta DYAk prestaketa lanak egin zituzten etxetik atera ziren bizilagunek Las Llanas Udal Frontoian gaua igaro zezaten.
Udalaren arabera, "behin-behineko eta premiazko neurria" izan da, gaur, astelehena, Gizarte Zerbitzuetako langileek bakoitzaren kasua aztertu arte. Gainerakoek senideen eta lagunen etxeetan igaro dute gaua.
Herriko hotelean sartzen saiatu dira hasiera batean, baina bertan lekurik ez zutela baieztatu eta gero, Udalak frontoian sartzea erabaki du, larrialdi kasuetarako protokoloari jarraituz.
Udalaren instalazio horretan, berogailua, dutxak eta kafetegia daude; beraz, horrelako gertaerei aurre egiteko gutxieneko baldintzak baditu. Larrialdietarako zerbitzuak koordinatu dira, eta eskura zuten laguntza bideratzea erabaki dute ondoren.
Kaltedunek laguntza psikologikoa jaso dute, eta afaria, gosaria, dutxarako arropa, jantziak eta umeentzako jostailuak eman dizkiete. Gaurtik aurrera, Gizarte Ekintzako langileekin hitz egin eta gero, aldi baterako etxebizitza bat bilatuko diete kaltedunei.
Bestalde, eraikinean izandako kalteen lehen balorazioa egin zuten atzo teknikariek. Horien hitzetan, baina, txostenak jaso arte itxaron beharko da, eraikinaren egoera zein den jakiteko.
Sutearen irudia. Argazkiak: Ruben Saez @rubentxo
60 lagun etxetik kanpo
Bi ataritako 60 bizilagun atera behar izan zituzten sutearen ondorioz. Jose Antonio Agirre kale nagusiko etxebizitza batean piztu zen sua, 10:00ak inguruan, eta, badaezpada, bi atari hustu zituzten.
Larrialdietarako zerbitzuak bertaratu ziren, suhiltzaileak tartean, eta 13:30erako hartu zuten sutea kontrolpean. Alabaina, 20:00etan suhiltzaile-talde bat oraindik bertan zebilen lanean.
Bizkaiko lau suhiltzaile-parketako (Urioste, Artaza, Derio eta Basauri) langileek jardun zuten itzaltze-lanetan, eta, guztira, 30 suhiltzaile eta 11 ibilgailu bertaratu ziren.
t="utf-8">Zure interesekoa izan daiteke
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.