Bilboko kaleetatik igaro da Korrika
Korrikaren hogeigarren edizioa Bilbora heldu da ostegun honetan.
Korrikalariak 17:00ak aldera sartu dira Zorrotza auzotik Bizkaiko hiriburuan. Bost ordu eta erdiz Bilboko auzo eta kaleetan barrena ibili dira euskaltzaleak, eta, beste modu batera ezin izan zitekeenez, Korrikak Bilbo zeharkatu ahala hiritarrak kalera irteten joan dira.
Sabino Arana etorbidearen eta Poza Lizentziatuaren kalearen arteko bidegurutzean hartu du lekukoa EiTBk. Hala, Maite Iturbe EiTBko zuzendari nagusiak, Joselu Blanco ETBko Programazio zuzendariak eta Andoni Aizpuru eta Africa Baeta aurkezleek elkarrekin egin dute korrika tarte horretan. Halaber, eitb.eus-eko langileok ere Korrikarekin bat egin dugu, eta lekukoa eraman dugu Boluetan.
Hainbat auzotatik ibili ostean, lasterketa Udalera heldu da 19:30ak aldera. Bertan Juan Mari Aburto alkateak lekukoa hartu du, Koldo Narbaiza Euskera eta Hezkuntza zinegotziarekin batera, eta Areatzako San Nicolas Elizaraino eraman du.
Bilboko ibilbidea amaitutakoan, Larrabetzurantz abiatu da eta han amaitu da zortzigarren eguna. Bilbora heldu baino lehen, Barakaldo, Portugalete, Santurtzi, Trapagaran eta beste hainbat herritatik ibili da lekukoa.
Korrikaren hogeigarren edizioa martxoaren 30ean hasi zen Otxandion (Bizkaia), "BatZuk" lelopean, hizkuntza, kultura eta mundu aniztasuna erakusteko. Ibilbidea Iruñean amaituko da igandean, hilaren 9an, 11 egun eta 10 gau ondoren eta 2.535 kilometro egin ondoren. Nafarroako hiriburuan Joseba Asiron alkateak jasoko du lekukoa.
Bideoa: Bilboko alkateak Korrikaren lekukoa hartu du
Bideoa: Eitb.eus-eko langileek Korrikaren lekukoa hartu dute Boluetan
Bideoa: Korrika Bilbon, airetik ikusita
Zure interesekoa izan daiteke
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.