1.350 pertsona erreskatatu dituzte Mediterraneo itsasoan
Azken orduotan 1.350 pertsona baino gehiago erreskatatu dituzte Mediterraneo itsasoan, Italiako kostazainek ostegun honetan zabaldutako datuen arabera. Halaber, gorpu bat berreskuratu dute.
Italiako agintariek ohar baten bidez azaldu dutenez, uretan erreskatatu dituzten etorkinak Europara iritsi nahian zeuden, eta noraezean ibili dira Mediterraneo itsasoan.
Kostazainen arabera, migratzaileak gabarra handi batean, sei ontzi txikiagotan eta gomazko bost txalupatan zihoazen. Zehazki, Erromatik zuzendutako hamabi erreskate operaziotan erreskatatu dituzte Europara bidean zihoazen 1.350 lagunak.
Aipaturiko erreskate operazioetan, kostazainen ontziez gain, merkataritzako ontzi batek, atoiontzi batek, Sea Watch gobernuz kanpoko erakundearen hainbat ontzik eta Espainiako Proactiva Open Arms gobernuz kanpoko erakundearen ontzi batek hartu dute parte.
Migraziorako Nazioarteko Erakundeak emandako datuen arabera, urtea hasi zenetik 27.850 migratzaile eta etorkin iritsi dira Europara Mediterraneo itsasotik, eta, epe horretan, 655 lagun inguru hil dira Mediterraneo eta Egeo itsasoak zeharkatu nahian.
Zure interesekoa izan daiteke
Bi gizonezko atxilotu dituzte Getxon kalez jantzitako bi ertzaini erasotzeagatik, borroka baten abisura joan direnean
Udaltzaingoaren agenteek erasotzaileetako bat atxilotzen lagundu dute, ukabilekin jo eta kristalezko botila batekin mehatxu egin baitiete ertzainei.
Pazienteek Euskal Osasun Sisteman Parte Hartzeko Legeari buruzko aurreproiektuaren kontsulta publikoa abiatu du Osasun Sailak
Osasun Sailak herritarren iritziak bilduko ditu, pazienteek eta pazienteen elkarteek osasun-politikak diseinatzeko eta erabakiak hartzeko modu egituratuan eta eragiteko gaitasunarekin parte hartzeko helburuz.
Aste Nagusiko zezenketen kartel batean Marijaiaren irudia erabili izana salatu dute Bilboko Konpartsek
"Bilboko jai herrikoien ikur nagusiaren irudia animalien sufrimenduari eta heriotzari lotutako jarduera pribatu baten publizitatea egiteko erabiltzea" kritikatu dute Bilboko Konpartsek.
A63 autobidea ireki dute berriro, Girondako sutea egonkortzea lortu ondoren
Girondako sutea egonkortu izanak ahalbidetuko du Euskal Herria eta Bordele lotzen dituen A63 autobidea zabaltzea. Hala ere, SNCF tren konpainiaren abiadura handiko trenen trafikoak etenda jarraitzen du Hendaia eta Bordele artean.
Beroa eta haizea suak itzaltzea zailtzen ari dira Zamora, Madril, Avila eta Castellon
Gauean zehar bilakaera positiboa izan den arren, suak itzaltzeko lanak oztopatzen ari da beroaldia, batez ere Zamoran. Madrilgo, Avilako eta Castelloko suteek aktibo jarraitzen dute, baina dagoeneko perimetratuta daude. Suteengatik ezarritako larrialdi nazionala bertan behera gelditu dela iragarri du Espainiako gobernuburuak.
Espainiako sute handien bilakaera ona da, baina beste foku batzuk ari dira pizten Zamoran eta Leonen
Madrilgo sutea egonkortzea lortu dute, eta Avilako ebakuazioak eta konfinamenduak altxatu dituzte. Zamoran, 12 udalerri ebakuatu dituzte, eta bi konfinatu.
Afari solidarioak kriminalizatu izana deitoratu dute ekimenaren antolatzaileek
Kaleko Afari Solidarioak (KAS) plataformak, Donostian kaleko egoeran dauden pertsonentzako afari solidarioak antolatzen dituenak, Udalaren "jarrera kriminalizatzailea" salatu du asteazken honetan. Izan ere, Jon Insausti alkateak (EAJ) jarduera hori debekatu egin du, "bizikidetza arazoak" sortzen dituela eta "delinkuentzia areagotzen" duela argudiatuta.
5 urteko zigorra ezarri diote gizon bati, emazteari modu jarraituan tratu txarrak eman eta sexu-erasoak egiteagatik
Epaiaren arabera, biktimak 2017an erasotzailearengandik banantzea erabaki zuenetik, hark etengabe egin zizkion mehatxuak eta sexu-erasoak.
HIES kasu berrien kopurua 125etik 95era jaitsi da aurten; hala ere, adituek zuhur jokatzeko eskatu dute
HIES kasu berrien kopuruak behera egin du aurten, 125etik 95era. Harribeltza elkartearen esanetan, zuhur hartu behar da datua, lehen aldia delako eta beheranzko joera finkatzeko urteak pasa behar direlako. Bereziki kezkagarritzat jo dute gainontzeko sexu-bidezko infekzioek izan duten "izugarrizko" gorakada.
Busturialdeko eta Lea-Artibaiko 21 udalerritako ur-kontsumoa mugatzea gomendatu dute
Ajangiz, Arratzu, Bermeo, Busturia, Ea, Elantxobe, Gernika-Lumo, Forua, Gautegiz-Arteaga, Ibarrangelu, Kortezubi, Mendata, Mundaka, Murueta, Muxika, Sukarrieta, Ispaster, Berriatua, Etxebarria, Markina-Xemein eta Ondarroa dira ur-eskasiak kaltetutako herriak.