Gernikak harrera egin dio Sergio Jaramillo Kolonbiako Bakerako ordezkariari
Jose Maria Gorroño Gernika-Lumoko alkateak harrera egin dio gaur Sergio Jaramillo Kolonbiako Bakerako ordezkariari, Kolonbiako bake prozesuaren sustatzaile nagusietako bati. Habanako elkarrizketei bide eman zien negoziazioetan parte hartu zuen, eta lau urtez aritu zen FARCekin eztabaidatzen Kuban.
Gorroñok azpimarratu du "ausardiaz" jokatu zuela Juan Manuel Santos Kolonbiako presidenteak, "kontzientziarekin, aukera historikoa galdu gabe, ordain politikoa izango zuela jakinda ere". Era berean, "bake akordioa dohaintza bat da Kolonbiako belaunaldi berrientzat eta mundu osoarentzat", Gorroñoren ustez.
Jaramillok, Juan Manuel Santosen izenean, Bake eta Bizikidetzaren Gernika Saria jasoko du bihar. Berez, Rodrigo Londoño 'Timochenko' FARCen buruarentzat eta Gervasio Sanchez fotokazetariarentzat ere bada saria, eta Jaramillok jakinarazi du Enrique Santiago abokatu espainiarra joango dela FARCen izenean, talde armatuaren aholkulari izan zelako eta paper garrantzitsua jokatu zuelako negoziazioen azken urtean.
Keinua 1.600 biktimekin
Horren aurretik, Josu Erkoreka Eusko Jaurlaritzaren bozeramaileak "keinu bat" eskatu dio Espainiako Estatuari duela 80 urteko bonbardaketaren 1.600 biktimekin, Alemaniako Gobernuak "barkamena" eskatu zuenean egindako keinuaren parekoa.
Bonbardaketaren urteurrenaren harira egindako ekitaldi instituzionalean egin ditu Erkorekak adierazpenok, eta gaineratu du "mundu guztiak" dakiela Alemaniako hegazkinak ez zirela Gernikaraino iritsiko "Francoren oniritzirik gabe".
Laguntasun Gutuna Kobanerekin
Ekitaldi horren ondoren, alkateak Laguntasun Gutun bat izenpetu du Siriako Kobane hiriarekin, eta bertako bi ordezkari ere bertaratu dira.
bertaratu dira.Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.