Generalitateko Komunikazio burua, ikerketapean, U-1 auzia tarteko
Urriaren 1eko (U-1) erreferendumaren prestaketen harira zabaldutako auzian, Jaume Clotet Kataluniako Gobernuko Komunikazio zuzendaria ikertzeari ekin dio Guardia Zibilak. Hala jakinarazi dio hiru orduz lekuko gisa galdekatu ostean.
Clotet ez ezik, Joan Ignasi Elena Erreferendumaren aldeko Itun Nazionaleko batzorde exekutiboaren koordinatzaile ohia ere deitu dute deklaratzera.
Erreferenduma prestatzeko lanen aurrean Bartzelonako 13. Instrukzio Epaitegiak abiatutako auziaren harira deitu dituzte biak.
Auzia ondo ezagutzen duten iturriek EFE albiste agentziari azaldu diotenez, Erreferendumaren aldeko Itun Nazionalaren webgunearen eta kudeaketa ekonomikoaren inguruan galdetuko diote Elenari.
Atzo Joaquim Nin Presidentetza idazkari nagusia izan zen Guardia Zibilaren aurrean. Nin lekuko gisa deklaratzen hasi zen, baina delituen zantzuak atzeman zituztela eta, Guardia Zibilak inputatua izatera pasatu zela jakinarazi zion. Jordi Graells Herritarren Harretarako idazkari nagusia ere galdekatu zuen Guardia Zibilak, lekuko gisa.
Puigdemontek babesa agertu die
Carles Puigdemont Generalitateko presidenteak babesa azaldu die deklaratzera deitu dituzten goi-kargudunei:
"Ideia legitimoak jazartzea gehiegizkoa da, eta akats bat. Demokratak ezin gara isildu. Babes guztia Joaquim Nini, Joan Ignasi Elenari eta Jordi Graellsi", idatzi du Twitterren duen kontuan.
Albiste gehiago gizartea
Baso-suteak sortzeko arrisku "handia" eta "oso handia", Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak .
Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute
Suhiltzaileek lantegira ura botatzen jarraitzen dute, su txiki gehiago izan ez dadin.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.