Bederatzi pertsona atxilotu dituzte Nafarroan, genero indarkeria leporatuta
Nafarroako Foruzaingoak bederatzi lagun atxilotu ditu azken egunetan genero indarkeria delitua leporatuta, Nafarroako Gobernuak gaur ohar bidez jakinarazi duenez. Zortzi gizon eta emakume bat atxilotu dituzte: Tuteran (3), Atarrabian (2), eta Zizurren, Lizarran, Lodosan eta Mutiloan (bana).
Hiru atxiloketa Tuteran egin dituzte. Udaltzaingoak Foruzaingoaren esku utzi du berriki Tuterako bizilagun bat, emakumearen kontrako indarkeria delitua egotzita. Atxilotuak aurrekariak ditu, eta Tuterako Lehen Auzialdiko eta Instrukzioko 1. Epaitegian (emakumeen aurkako indarkeria kasuak epaitzen ditu) agertu beharko du.
Foruzaingoak beste gizonezko bat atxilotu du Tuteran, bikotekide ohiari eraso egitea egotzita.
Bestalde, Tuterako Reina Sofia ospitaleko langileek bikote baten arteko eztabaidan esku hartu behar izan zuten, gizonak emakumeari hainbat kolpe eman zizkiola ikusita. Poliziari deitu zioten ondoren, eta Foruzaingoaren Tuterako agenteek ustezko erasotzailea atxilotu zuten.
Zizur Nagusian, ostera, gizonezko bat atxilotu dute, tratu txarrak leporatuta. Antza denez, gizonezkoak hainbat senitarteko jo eta mehatxatu zituen, eta kalteak egin zituen etxebizitzan. Horren aurrean, agenteak bertaratu ziren eta atxilotu egin zuten.
Lizarrako Udaltzaingoak gizonezko bat atxilotu du, bikotekideari kalean eraso egitea leporatuta.
Lodosara Lizarratik joandako foruzainek gizonezko bat atxilotu dute, emaztea jotzea leporatuta. Antza denez, bikotearen seme-alabak aurrean zirela gertatu zen erasoa, eta emakumea zein adingabeak osasun zentro batera eraman zituzten.
Foruzaingoaren patruila batek beste gizonezko bat atxilotu du Mutiloan. Etxebizitza batean eztabaida bat gertatzen ari zela jakinarazi zioten Poliziari, eta emakume batek kolpeak eta zauriak zituela egiaztatu zuten bertaratu ziren agenteek. Ondorioz, gizonezko bat atxilotu zuten, genero indarkeria delitua leporatuta.
Azkenik, Atarrabian bi pertsona atxilotu dituzte: emakume bat eta gizonezko bat. Kristalezko botila batekin bikotekide ohiari eta beste gizonezko bati buruan kolpea ematea leporatu diote emakumeari. Gizona, berriz, tratu txarrak ematea leporatuta atxilotu dute.
_________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
Zure interesekoa izan daiteke
Bideo bat zabaldu dute Iker Aranari foam bala batekin tiro egiteagatik ikertutako ertzainaren bertsioa gezurtatzeko
Justizia Aranarentzat plataformak bideo bat argitaratu du, ertzaintzaren abokatuak auzia artxibatzea eskatu ondoren. Iker Arana gazteak salaketa jarri zuen barrabil bat galtzeagatik Bilboko Etxarri Gaztetxea utzarazteko operazioan ertzainek tiro egin ostean.
Osasunbideako langile bati zortzi urteko espetxe zigorra ezarri diote, alabaren eta biloben datu klinikoak baimenik gabe ikusteagatik
Ama-alaben arteko harremanak hautsita zeuden aspalditik, eta emakumea bere lanbideaz baliatzen zen konfidentzialak diren datuak ikusteko, delitu dena. Altsasuko osasun zentroan administrari laguntzaile zela 1.300 aldiz baino gehiagotan sartu zen senitartekoen datu klinikoak ikustera.
Amaia, bularreko minbizia duen pazientea: "Orain hemen nago, baina oso gogorra izan da eta indarra erakusten saiatu naiz"
Urtero 16.000 minbizi-kasu berri diagnostikatzen dira Euskadin, baina biziraupena % 57tik gorakoa da. Bularreko minbizia edo prostatakoa dira gehien gainditzen direnak. Amaia kasu horietako bat da. 31 urterekin diagnostikatu zioten bularreko minbizia.
Nafarroako Gobernuak esan du "protokoloaren arabera" jokatu duela tutoretzapeko zentro batean adingabe bati ustez egindako sexu-erasoaren inguruan
Javier Remirez bozeramaileak "agente, komunikabide eta alderdi politiko guztiei erantzukizuna" eskatu die, "adingabeen babesgabetasun-egoerak sortzen dituzten informazio zehazgabeei bide ez emateko". Ildo horretan, "eskuin muturrak" egoera aprobetxatu nahi duela gaitzetsi du, "adingabe jakin batzuk jatorriaren edo nazionalitatearen arabera estigmatizatzen dituen diskurtso faltsu bat markatzeko".
Adina egiaztatzea, adingabeak sare sozialetan sartzea eragozteko oztopo nagusia
Aurpegiaren azterketa biometrikoak, kreditu-txartelaren zenbakiak edo NANak ez dute konbentzitzen, datu sentikorrak babesteko arriskuagatik. Gakoa da adina egiaztatzeko sistemak aurkitzea, baina behar bezalako anonimotasunarekin.
Eskolak bertan behera, 3000 lagun ebakuatuta eta errepide anitz itxita Andaluzian, Leonardo ekaitzaren ondorioz
Cadiz alerta gorrian dago euriteengatik. Mendilerroek eta urpean gera daitezkeen guneek bereziki piztu dute kezka. Hori dela eta, UME Larrialdietarako Unitate Militarrak meatzaritzako baltsei eusteko eta hainbat tokitan uretako eta lurreko erreskateak egiteko lan egingo du.
Artxandako tunela itxi dute sei hilabeterako Ugasko eta Txorierri artean, azpiegitura berritzeko lanak egiteko
Denbora horretan, Bilbo eta Txorierri arteko lotura bermatuta egongo da lehen tunelaren bitartez, baita Enekuriko eta Egirletako ohiko sarbideen bitartez ere. lanen helburua azpiegituraren segurtasuna, efizientzia eta jasangarritasuna indartzea izango da, eta guztira ia 13 miloi euroko inbertsioa aurreikusi da.
Urtero 16.000 minbizi-kasu berri diagnostikatzen dira Euskadin, baina biziraupena % 57tik gorakoa da
Bularreko minbizia edo prostatakoa dira gehien gainditzen direnak, bost urtera % 75 eta % 85 bitarteko biziraupenarekin. Halaber, haurren minbiziaren biziraupenak ere hobera egin du: 15 urtetik beherakoek % 80 inguruko biziraupen-tasak dituzte, Osakidetzaren datuen arabera.
Hiru ibilgailuk talka egin dute eta auto-ilara luzeak sortu dira Avanzadan, Erandiorako noranzkoan
Istripuaren ondorioz, BI-637 errepideko errei bat itxi behar izan dute, Leioa parean, egunero trafiko handia duen tarte batean.
Makilak hartuta kopla kantari aterako dira gaur Euskal Herriko hainbat txokotan, Santa Ageda bezperan
Euskal jantzi tradizionalez jantzita eta makilak eskuan, kalez kale koplak kantatzera aterako dira lurra esnatzeko helburuarekin.