Zubiak batuz hasi da Kilometroak 2018
Abian da 2018 urteko Kilometroak jaia. Urretxu-Zumarraga Ikastolak antolatuko du Gipuzkoako Ikastolen aldeko festa urriaren 7an. Zubiak batuz da aukeratutako leloa eta ipuin baten inguruan antolatutako ikuskizunean eman dituzte ezagutzera leloa eta lema. Izan ere, zubiak batuz, indarrak batuz, eta Ikastola bera ere zubi izanik, antolatuko da festa handi hau.
Mikel Ibarzabalek egin ditu egurrezko pieza handiak eta ipuina amaitzean, puzzlea osatu da, logoa erakutsiz. Orduan ikusi ahal izan dira oholtzan leloa eta logoa, biak batera. Meccano haur jolas ezaguneko piezak ekartzen ditu gogora logoak. Hauek elkartuz K18 osatzen da. Piezek zirkuitua, bidegorria, erreka eta zubia irudikatzen dituzte, leloari erreferentzia eginez. Mikel Ruiz eta Gorka Ojanguren Ikastolako ikasle ohiak dira logo eta leloaren sortzaileak, hurrenez hurren.
Ekitaldian Urretxu eta Zumarraga Ikastolako ikasle, guraso eta langileek parte hartu dute, baita bi herrietako kultur elkarte eta eragileek ere. Kilometroak jaiaren inguruan prestatutako arropa ere aurkeztu da, eta jarraian, ehundik gora parte-hartzaileek, ‘Euskaraz Bizi nahi dut’ abestiaren erritmora, flashmoba egin dute.
Urretxu-Zumarragako Ikastolak hirugarrenez izango du Gipuzkoako Ikastolen aldeko jaia antolatzeko ardura. 1985ekoan Legazpiko Haztegi Ikastolarekin batera aritu zen elkar lanean, eta 2002koan, bakarrean.
Zure interesekoa izan daiteke
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.
Eusko Jaurlaritzaren "kriminalizazio kanpaina" eta Ertzaintzaren "basakeria" salatu dute milaka pertsonak Bilbon
Milaka lagun eta gizarte eragile, Global Sumud Euskal Herriako kideak tartean, bildu dira arratsaldean Bilbon, "Poliziaren zigorgabetasunaren eta errepresioaren aurka" protesta egiteko. Eusko Jaurlaritzak "herri mugimenduaren aurka egindako kriminalizazio kanpaina" eta "Ertzaintzaren basakeria" salatu nahi izan dute, eta EAJk "protestarako eskubidea bere interesekoa denera mugatzen duela" ohartarazi dute.
Ia 48.000 pertsonak hartu dute parte Osakidetzako EPEaren bigarren egunean, eta beste 43.000ren txanda izango da igandean
Ostiralean hasi eta igandera bitartean, bederatzi kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.
56 urteko emakume baten bila ari dira Gasteizen
Emakumeak % 80ko desgaitasuna du, 1,35 metro luze da, azal argia du eta betaurrekoak daramatza. Andaluzia kalean ikusi dute azkenekoz larunbat honetan.
Hainbat pertsona artatu dituzte Gasteizko lantegi abandonatu batean izandako sutean kea arnasteagatik
Sua 10:30 inguruan piztu da, URSSA fabrikaren eraikin zaharrean, eta suhiltzaileak, Ertzaintzako agenteak eta osasun-langileak bertaratu dira. 44 urteko emakume bat atxilotu dute ustez sutea eragin duelakoan.
Bardeako Ferial urtegiaren ondoan piztutako baso-sutea kontrolpean hartu dute
Dispositibo berezi batek sua geldiarazi du, baina 4-5 hektarea zuhaizti kiskali dira. Bero handieneko denboraldiaren hasieran arreta handiz ibiltzeko eskatu dute agintariek.
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.
Epaileak aske utzi ditu Hezbollahrekin zerikusia dutelakoan Bizkaian atxilotutako bi lagunak
Pasaportea kendu diete eta 15 egunean behin epaitegian agertu beharko dute. Bi gazteak "inperialismo genozida salatzearen aurkako kanpaina bat" salatu duen Iranekin bat plataformako kideak dira.
Emakume bat hil da Tuteran izandako auto istripu batean
Ezbeharra NA-134 errepidean gertatu da, ostiral arratsaldean. Emakumeak zeraman autoak kamioi bat jo du aurrez aurre.
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.