Donostiako Udalak neguko bideragarritasun plana jarriko du abian ostiral honetan
Donostiako Udalak ostiral honetan jarriko du abian neguko bideragarritasun plana, eta 2018ko martxoaren 31a arte egongo da indarrean.
Datozen hilabeteetan baldintza klimatologiko txarrek eragin ditzaketen larrialdi egoerei erantzuteko egitasmoa da.
Martin Ibabe Herri Segurtasuneko eta Herri Babeseko zinegotziak zuzenduko du bideragarritasun plana eta udal-zerbitzu ezberdinek osatutako lan-taldea izango du alboan: Udaltzaingoa, Mugikortasuna, Babes Zibila, Suhiltzaileak, Gizarte Zerbitzuak eta mantentze-lanetarako teknikariak.
Balizko larrialdi egoera batean, suhiltzaileen parkean bilduko litzateke aipatu mahaia, handik lan egiteko.
Plana 2017ko abenduaren 1etik 2018ko martxoaren 31a bitartean egongo da indarrean, baina edozein unetan jarriko lukete martxan, egoerak hala eskatuko balu.
Elurrak edo euriak eragin ditzaketen arazoak gutxitzeko neurriak hartuko dituzte, hiriko errepide nagusiak irekita mantentzeko eta premiazko zerbitzuak bermatzeko.
Horretarako, suhiltzaileen parkean dituzten bitarteko guztiak erabili ahalko dituzte, baita Igarako parke mugikorrekoak ere. Udalak, guztira, 70 tona gatz bilduta ditu bi parkeetan.
Gainera, gatz gehiago behar izanez gero, Bidegik Oiartzunen eta Andoainen dituen biltegietara jotzeko aukera izango du Udalak.
Zure interesekoa izan daiteke
Gorpu bat agertu da Zaratamoko Arkotxa auzoan, errepide ondoan
Igande arratsaldean aurkitu dute gorpua, abandonatutako hainbat industria-pabiloiren ondoan. Ertzaintzak ikerketa abiatu du gertatutakoa argitzeko.
Israelek "nazioarteko zuzenbidea urratu" duela salatu dute Iruñean
Elkarretaratzean, atxilotutako bi ekintzaileak askatzeko eta ontziei Gazara iristen eta laguntza humanitarioa ematen uzteko eskatu dute, besteak beste.
Putzu handiak egin dira Jundizko industrialdean euriteen ondorioz eta urak trenbidea zein errepideak hartu ditu
Iluntzean Gasteizen bota duen erauntsiak putzu ikaragarriak sortu ditu Jundizko industrialdean. Irun eta Madril lotzen dituen trenbideko zati bat urak hartu du. Industrialdeko errepideak ere hartu ditu urak, eta ibilgailuak kontu handiz igaro behar izan dute bertatik.
1.500 emakumek erasoak jasan dituzte Euskadin martxora arte, % 69,4k bikotekideek edo bikotekide ohiek eragindakoak
Delitu motaren arabera sailkatuta, ugaritu egin da familia barruko indarkeria —ez ditu bikotekideak edo bikotekide ohiak kontuan hartzen—. Guztira, 298 biktima izan dira martxora arte, hau da, aurreko urtean baino % 11,6 gehiago, Emakumearen Euskal Erakundeak (Emakunde) bildutako datuen arabera.
Astelehenean epaituko dute Baionako bestetan Eric Courdyren hilketagatik auzipetutako Jerome Verin boxeolari ohia
2024ko uztailaren 11n, Baionako bestetan, Eric Courdyri eraso egin zion Jerome Verin boxeolari ohiak, eztabaida baten ostean, autobus geraleku batean. Sei egun koman eman ondoren hil zen Courdy.
Foruzaingoak aisiarako bederatzi lokal erregistratu ditu Iruñerriko bost udalerritan
Operazioan, 20 akta ireki dituzte, drogak konfiskatzeagatik, eta hiru pertsona salatu dituzte, erresistentzia eta desobedientzia egotzita, eta beste bi, debekatutako armak eramateagatik.
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean, eta kiroldegira joan behar dute garbitasunetarako. Oinarrizko zerbitzu horiek lehenbailehen berreskuratzeko, buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.