Auzia artxibatzeko 'nahikoa arrazoi' daudela ziurtatu du SOS Iruña-Veleia plataformak
Eliseo Gil Iruña-Veleia arkeologia-aztarnategiko zuzendari ohiaren aurka zabaldutako auzia artxibatzea eskatu du SOS Iruña-Veleia plataformak, horretarako “nahikoa arrazoi” daudelako. Grafito historiko batzuk faltsutzea leporatzen diote Gili.
Arabako Lurralde-auzitegiak aztarnategiko zuzendari ohia, Lurmen enpresako langile bat eta kolaboratzaile bat iruzurragatik eta kalteagatik epaitzeko zantzuak daudela baieztatu eta astebete geroago, plataformako kideek agerraldia egin dute gaur.
Aurkikuntzak Lurmenek egin zituen 2005 eta 2006 artean, Iruña Veleian, Langraiz Okatik (Araba) gertu dagoen aztarnategi erromatarrean.
Gilek eta bere lantaldeak aurkikuntza historikotzat jo zituen orduan, besteak beste, euskararen agerraldia eta Kristautasunaren sarrera III. mendera aurreratzen zituelako.
2008ko bukaeran Arabako Aldundiak, aztarnategiaren jabeak, Lurmenen aurkako salaketa aurkeztu zuen, aurkikuntzak faltsuak zirela iritzita. Iragan maiatzean Gasteizko Argibideetako 1. Epaitegiak hiru auzipetuen aurkako epaiketa abiatzeko zantzu nahikoak ikusi zituen.
Fiskaltzak eta Arabako Aldundiak auzi judizialarekin jarraitzea edo artxibatzea eskatu dezakete orain. Erabaki horren zain, SOS Iruña-Veleia plataformak auzia artxibatzea eskatu du gaur, Lurralde-auzitegiak “iruzur delitu eta ondarea aberasteko ordezkatzearen behin-behineko artxibatzea erabaki zuen, zantzurik ikusten ez duelako”.
Idoia Filloy aztarnategiko zuzendarikide ohiak, Koenraad Van den Driessche geokimikariak eta Martin Elexpuru filologoak prentsaurrekoa eman dute Gasteizko hiritar-zentro batean. Eliseo Gil publiko artean egon da, baina ez du hitzik hartu.
Txostenak
Grafitoak benetakoak direla berretsi eta faltsutzearen frogarik ez dagoela ziurtatu dute plataformako hiru kideek. Hala ere, Aldundiak eskatutako sei txostenek faltsutzea baieztatu zutela onartu du plataformak, baina “Lurmenek kontrakoa esaten duten beste 20 txosten aurkeztu” zituela gogorarazi du.
Gainera, gai penaletarako epaitegi bat grafito batzuen faltsukeri edo benetakotasunaren inguruan erabakitzeko organorik egokiena ez dela adierazi dute plataformako hiru kideek, gai “zientifikoa besterik ez delako”.
“Zeintzuk dira akusazioaren frogak? Faltsutzeak ustez egin zituen tailerra aurkitu al dute? Ezer ere ez”, kritikatu dute.
Zure interesekoa izan daiteke
Rigloseko suteak hobera egin du eta dena prest dago ebakuatutako bizilagunak euren etxeetara bueltatzeko
Sutearen zatirik handiena, 17.500 hektarea baino gehiago erre dituena, egonkortuta dago, sektore batzuen faltan.
49 urteko motor-gidari bat larri zauritu da Arrietan izandako istripu batean
Ezbeharra 17:00 inguruan gertatu da, NA-1720 errepidean Arrietan parean (Artzibar). Nafarroako Gobernuak ohar batean azaldu duenez, aurrez aurre talka egin dute autoak eta zauritutako gizona zihoan motorrak.
Sabino Ormazabal ekintzaile eta bakezale nekaezina zendu da, 72 urte zituela
Kazetaritza, antimilitarismoa, ekologismoa, giza-eskubideak eta desobedientzia zibila izan ditu ardatz donostiarrak bere bizitza osoan zehar. Gizarte-mugimenduetan murgilduta beti, Eusko Legebiltzarrak izendatutako polizia-gehiegikeriaren eta giza eskubideen urraketen biktimen aldeko batzordean parte hartu zuen 2013tik.
Pertsona bat hil eta beste bat larri zauritu da Zallan, auto batek eta kamioi batek talka eginda
Hildakoa turismoaren gidaria da, 51 urteko gizona; haren bidaiaria, berriz, 48 urteko emakumea, ospitalera eraman dute.
Espainiako Gobernuak aldi baterako 1.500 harrera-plaza gaitu ditu Ceutan, migrazio-presioaren aurrean
Elma Saizek iragarri du harrera-sistema arintzeko lau gune berehala zabalduko direla, eta erakundeen arteko lankidetza nabarmendu du.
Bilboko konpartsek kuotak ezarri dituzte euskarazko musikarentzat txosnetan, % 27 baino ez dela egiaztatu ondoren
Konpartsek kanpaina bat aurkeztu dute jaietan euskararen erabilera indartzeko, eta txosnetan euskarazko musikaren proportzioa handitzeaz gain, beste aldaketa batzuk ere egin dituzte erabilera areagotzeko.
Zuia egoera larrian dago ur faltagatik, eta zisterna-kamioiak eskatu dizkio Aldundiari
Udalak igerilekuak betetzea, baratzeak eta lorategiak ureztatzea eta ibilgailuak garbitzea debekatu du, Baias ibaiaren ur-emaria jaisten ari delako.
Tessy Ebosele euskal atleta biral egin da sareetan "iruzkin krudelak" salatu ostean
Tessy Ebosele atleta arabarra, birala egin da Europako Atletismo Txapelketan parte hartu ondoren egindako adierazpenengatik. Gasteizen bizi den luzera-jauzilariak gogor kritikatu du atletek sare sozialetan jasotzen dituzten iruzkin negatiboak, eta esan du halako mezuek sekulako eragina dutela lehiatzerako orduan. Malkoak begietan, argi baino argiago hitz egin du.
Llantenoko sutea itzaltzeko lanean jarraitzen dute, garrak kontrolpean hartu ondoren
Laudioko, Langraizko eta Espejoko parkeetako suhiltzaileak, Nekazaritza Brigadako kideak, basozainek gidatutako bulldozerrak eta Larrialdietako helikopteroa lanean ari dira.
Laia eta Oihan, jaioberrien izen ohikoenak Euskadin
2025ean jaiotakoen artean izen arruntenak Laia, Ane eta June, eta Oihan, Markel eta Martin izan dira.