'Segurtasun faltaren sentsazioa' amaitzeko eskatu dute Otxarkoagan
Otxarkoagako bizilagunek elkarretaratzea egin dute 20:00etan Kepa Enbeitia plazan, 87 urteko senar-emazte batzuen hilketa gaitzesteko eta erakundeei "segurtasun eza sentsazioa amaitzeko".
Auzoko elkarteen koordinakundeak deituta, ehunka pertsona bildu dira protestan "Otxarkoaga también se mueve. Aski da!. ¡Basta ya!" (Otxarkoaga ere mugimenduan. Aski da) lelopean.
Juan Mari Aburto alkatea ere bertan izan da, eta hainbat pertsonak kritikatu egin dute. Udal talde guztien ordezkariek ere parte hartu dute deialdian.
Elkarretaratzearen ostean, auzokideek manifestazioa egin dute auzotik, eta minutu batzuetako isiluneak egin dituzte Zizeruena kaleko 16. zenbakiaren parean, bertan, etxean, agertu baitziren hilda senar-emazteak.
Argazkia: EFE
Koordinakundearen bozeramaile batek azaldu duenez, garrantzitsua zen auzoa kalera ateratzea, esaten ari baita "segurtasun eza" dagoela. "Baina ez dugu hori esan nahi; auzoa bizirik dago, jendea lasai egon daiteke bertan, baina egia da azken hilabeteetan lapurreta ugari egon direla.
Elkarretaratzea egin baino lehenago publikatutako agiri batean, Otxarkoagako Taldeen eta Elkarteen Koordinakundeak familiakoei eta lagunei doluminak agertu dizkie: "Aski da, Otxarkoagako bizilagunok nahi dugu erakundeek amaiera ematea auzoan egun dugun segurtasunik ezaren sentsazioari. Badakigu arazoa ez dela bakarrik Otxarkoagakoa, eta beste auzo batzuetan ere antzeko gertakariak ari direla pairatzen".
Ohartarazi dute ez dutela nahi "hitz ederrik, ezta promesik ere", eta nabarmendu ere nabarmendu dute irtenbideak nahi dituztela: "Tamalez, egoera hau errepikatzen ari da; Otxarkoaga auzo bizia da, atsegina eta solidarioa, eta ez dugu merezi hau bezalakorik gertatzea".
Azkenik, adierazi dute irtenbidea ez dagoela bizilagunen esku, "baizik eta erakundeen esku; izan ere, beharrezko neurriak hartu behar dituzte, horrelakorik berriro gertatu ez dadin".
Zure interesekoa izan daiteke
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Gizon batek bikotekidea hil du Pontevedran
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Guardia Zibila gizonaren bila ari da atxilotzeko.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.