Otxarkoagako hainbat taldek segurtasunik ezaren arazoa konpontzeko eskatu dute
Otxarkoagako Taldeen eta Elkarteen Koordinakundeak Bilboko auzo horretako bizilagunek pairatzen duten segurtasunik ezaren sentsazioaren arazoa konpontzeko eskatu die erakundeei. Halaber, elkarretaratzea deitu dute, ostiral honetako 20:00etarako, Kepa Enbeita Plazan, xede izanik gaitzestea ostegun honetako krimena; izan ere, adineko bi pertsona hilda topatu zituzten, euren etxean, indarkeria-zantzuekin.
Adineko emakumezko baten eta gizonezko baten gorpuak ostegun honetako 15:00ak aldera topatu zituzten Zizeruena kaleko etxebizitza batean, Otxarkoagan. Hilotzek indarkeria-zantzuak zituzten.
Agiri batean, Otxarkoagako Taldeen eta Elkarteen Koordinakundeak gertakaria salatu du, eta familiakoei eta lagunei doluminak agertu dizkie: "Aski da, Otxarkoagako bizilagunok nahi dugu erakundeek amaiera ematea auzoan egun dugun segurtasunik ezaren sentsazioari. Badakigu arazoa ez dela bakarrik Otxarkoagakoa, eta beste auzo batzuetan ere antzeko gertakariak ari direla pairatzen".
"Errepikatzen ari den" egoera
Ohartarazi dute ez dutela nahi "hitz ederrik, ezta promesik ere", eta nabarmendu ere nabarmendu dute irtenbideak nahi dituztela: "Tamalez, egoera hau errepikatzen ari da; Otxarkoaga auzo bizia da, atsegina eta solidarioa, eta ez dugu merezi hau bezalakorik gertatzea".
Azkenik, adierazi dute irtenbidea ez dagoela bizilagunen esku, "baizik eta erakundeen esku; izan ere, beharrezko neurriak hartu behar dituzte, horrelakorik berriro gertatu ez dadin".
Zure interesekoa izan daiteke
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.