Arratoien kolon minbizia sendatu eta animaliak inmunizatu dituzte zientzialariek
Kolon minbizi metastasikoa laborategiko arratoietan sendatzea lortu dute Bartzelonako Ikerketa Biomedikoko Institutuaren (IRB) zientzialariek. TGF-beta hormona indargabetu dute. Era berean, organo berdinean minbizi berri bat ez garatzeko animaliak inmunizatu dituzte.
Eduard Batlle ikertzaileak zientzialarien taldea zuzendu du Bartzelonako Ikerketa Biomedikoko Institutuan (IRB). TGF-beta hormonak koloneko tumore zelulak ikusezin egiten dituela egiaztatu dute, Batllek gaur prentsaurrekoan azaldu duenez.
Nature aldizkariak ikerketaren berri eman du gaur. Aldi berean, AEBko botika enpresa baten azterketa ondorio berdinetara heldu dela jakitera eman du aldizkariak. Puxikan minbizia duten pazienteek inmunoterapiari dioten erantzun falta aztertu du AEBko konpainiak.
Lau urteko lana
Batllerekin batera, besteak beste, Danielle Tauriello Italiako zientzialariak lan egin du ikerketan. Gizakien kolon tumoreetan ohikoenak diren lau mutazio genetikoak laborategiko arratoiei aplikatu dizkie Tauriellok.
“Animalientzako eredua sortzeko lau urte behar izan ditugu, baina azkenean asmatu dugu”, ziurtatu du Tauriellok prentsaurrekoan.
Zuhurtzia
Eduard Batllek zuhurtzia eskatu du; izan ere, arratoietan lortutako emaitza positiboak pertsonekin egindako saioetan probatu behar dituzte orain. Gizakiak “heterogeneoagoak” direla ohartarazi du zientzialariak.
Hala ere, “etorkizunean ondesteko minbizia duten paziente askori ikerketa honek mesede” egingo diela ziurtatu du.
Ikerketak kolon minbizi metastasikoa duten gaixoetan aurreneko inmunoterapia tratamendua garatzeko ateak zabaldu ditu, baita pronostiko txarra duten horientzako ere, nahiz eta oraindik metastasia ez garatu.
Ikertzaileen arabera, onkologoek eta botika konpainiek probak egiten hasiko dira laster.
Zure interesekoa izan daiteke
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe eskainiko du ibilbidea, eguneko 24 orduetan.
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.