EAEk minbiziaren biziraupen tasa handiena du Europan
Minbiziaren biziraupen indizea asko hazi da azken urteetan Euskadin. 2000 eta 2012 urteetan jasotako datuen arabera, minbizia diagnostikatu eta bost urtera, gizonen kasuan, biziraupen tasa 49,2tik % 52ra hazi da eta emakumeen kasuan 57,1etik % 60ra.
Eusko Jaurlaritzako Osasun Saileko, Osakidetzako, Onkologikoako, Euskal Herriko Unibertsitateko (UPV/EHU) eta Epidemiologia eta Osasun Publikoko CIBEReko profesionalen talde batek parte hartu dute asteazken honetan, Bilbon, Jon Darpon Osasun sailburuak aurkeztutako ikerketan.
EAEn 2000 eta 2012 urteen artean diagnostikatutako tumore inbaditzaile guztiak aztertu zituzten, 14 urtetik gorako herritarretan, Minbiziaren Herritarren Euskal Erregistroaren datuekin.
Datuak, Europa eta Espainiakoak baino hobeak dira. Europak 5 urteko biziraupen erlatiboa izan zuen tumore guztietarako, eta antzeko epean, % 50,3 gizonetan eta % 58 emakumeetan. Estatuari dagokionez, Espainiako biziraupen-tasa ere % 48,9tik beherakoa da gizonetan eta % 58tik beherakoa emakumeetan.
Minbizi kasuak aztertuz gero, prostatako minbizia duten 10tik bederatzik bizirautea lortzen dute. Bularreko minbizian, biziraupen tasa ere altua da, %86koa.
Aipatzekoa da baita ere, bai gizonezko zein emakumezkoen kasuan koloneko eta ondesteko minbizien biziraupen tasak gorakada nabarmen izan duela.
Zure interesekoa izan daiteke
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean, eta kiroldegira joan behar dute garbitasunetarako. Oinarrizko zerbitzu horiek lehenbailehen berreskuratzeko, buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.