Legionellagatik Tuteran hildako gizona Tuterako ospitalean kutsatu zen
Nafarroako Osasun Publikoaren eta Lan Osasunaren Institutuak gaur ziurtatu duenez, pasa den otsailaren 7an Tuterako ospitalean legionellagatik hil zen gizona ospitalean bertan kutsatu zen. Egindako azterketan legionella bakteria antzeman dute Tuterako ospitaleko ur sarean.
Otsailaren 9an legionella bakteria hauteman zuten Tuterako ospitalean eta bi egun lehenago hil zen gaixoa.
Maria Jose Perez Nafarroako Osasun Publikoaren eta Lan Osasunaren Institutuak gaur prentsaren aurrean jakinarazi duenez, hildakoaren etxean egindako analitikaren helburua legionellaren jatorria etxebizitzan bertan edo ospitalean zegoen jakitea zen.
Azaldu duenez, legionella bakteria antzeman zuten ospitaleko ur sarean eta, ondorioz, bakteriak erasandako tartea garbitu eta desinfektatzeari ekin zioten asteburuan. Horrez gain, hil aurretik gaixoa egon zen gela guztiak "kontrolatu" zituzten.
Bestalde, Luis Gabilondo Nafarroako Osasun saileko zuzendari nagusiaren hitzetan, ez zen inolako arduragabekeriarik izan. "Larria litzateke neurri egokiak ez hartzea edo mantentze lanak behar bezala ez egitea. Orduan zuzeneko edo zeharkako arduragabekeria egotzi ahal izango zitzaion", nabarmendu du. Are gehiago, noizean behin legionella bakteria ospitale publiko zein pribatuetan agertzen dela gaineratu du.
Zure interesekoa izan daiteke
?fmt=webp-alpha&qlt=80)
Aske gelditu dira Vito Quilesen ekitaldi baten harira izandako istiluengatik atxilotutako 28 pertsonak
Horietako hamaseiri desordena publikoaren delitua leporatu diete. Gainerako hamabiei, horrez gainera, agintaritzaren agenteen aurkako atentatua ere egotzi diete.
Eutanasia-eskaerak % 61 igo dira Euskadin, eta prozesuaren batez besteko iraupena 39,4 egunera jaitsi da
Ostegun honetan argitaratutako urteko txostenaren arabera, 2025ean 107 eskaera onartu ziren, 78 prestazio gauzatu ziren eta 31 pertsona hil ziren prozesua bukatu baino lehen.
Hiru pertsona ikertu dituzte Bizkaian, genero-indarkeriaren biktima baten datuak lortzeko guardia zibilena egiteagatik
Ikertuetako batek harreman sentimentala zuen emakumearekin, eta harekin bizi zen Barakaldon.
Gizon bat atxilotu dute Donostian, Egia auzoan izandako sexu-erasoaren egilea delakoan
Donostiako Udaleko Bozeramaileen Batzordeak elkarretaratzea deitu du biharko, 11:45ean, Alderdi Ederreko lorategietan.
Foruzaingoko lankideek minean bat egin eta babesa eman diete hildako bost agenteen familiei
Foruzainen hil-kapera izango da gaur Iruñeko San Alberto beilatokian. Etengabea da bertan goizean goizetik, senide, lagun eta lankideen joan-etorria. Istripuan zauritutako kamioiko gidariari sendagiria eman diote, baina shock egoeran dago.
Gasteizko Fournier lantegi zaharrean bizi ziren hiru lagun aterarazi dituzte, inguru horretan astebetean egin den bigarren kaleratzean
Ertzaintzak eta Gasteizko Udaltzaingoak, epailearen aginduz, Heraclio Fournier kaleko industria-nabean zeuden hiru pertsona aterarazi dituzte, baldintza eskasak eta segurtasun falta argudiatuta.
"Bizi Natura" saioaren unerik onenak: 2026ko ekainaren 3a, asteazkena
Oraingo honetan, Bizi Naturaren kamerek katagorrien, flamenkoen, txorien janlekuen, orkatzen eta abarren irudiak eskaini dizkigute.
Ibar auziko epaileak beste hilabete bat eman dio fiskalari lekuko berri bati buruzko erabakia har dezan
Pablo Ibarren defentsaren arabera, lekukoak erailketak egin zituzten bi pertsonak identifikatu zituen, eta horrek errugabetu egingo luke Ibar.
Minutu bateko isilune hunkigarria Nafarroako Parlamentuan, hildako bost foruzainen omenez
Gaurko saioaren hasieran, Unai Hualde Ganberako presidenteak Bozeramaileen Batzordean goizeko lehen orduan onartutako adierazpen instituzionala irakurri du, gertaerak eragindako "mina eta atsekabea" erakusten duen testua. Hildako bost foruzainak omentzeko Nafarroako Gobernuak zein Foruzaingoak antolatutako ekitaldi instituzionalekin bat egin du Ganberak.
Euskal Herriko mediku eta pediatrek pantailek arrisku larriak dakartzatela ohartarazi dute, eta ikasgeletan mugikorrik ez izatea eskatu
Altxa Burua mugimenduarekin batera, sendagileek eta pediatrek txosten bateratua plazaratu dute, lehenengoz. Lan horretan, pantailen aurrean denbora luzez egoteak adingabeengan dakarren eragin negatiboa aztertu dute; alde batetik, buru osasuna aipatu dute: loaren nahasmenduak, antsietatea... Bestetik, erabilera gehiegizkoak obesitatea, ikusmen-arazoak eta hizkuntzaren atzerapenak eragin ditzakeela ohartarazi dute.