Anbulatorioetan fisioterapeutak eta hagin garbitzaileak izatea aztertzen ari dira
Jon Darpon Osasun sailburuak iragarri duenez, lehen arretako osasun zentroetan fisioterapeutak eta hagin garbitzaileak izatea aztertzen ari da Osakidetza, errehabilitazioa eta odontologia zerbitzuak eskaintzen dituzten anbulatorioetan bitarteko gehiago izateko.
Darponek agerraldia egin du Eusko Legebiltzarreko Osasun Batzordean, lehen arretako osasun zentroetan perfil berriak ezartzeko aukerari buruz azalpenak emateko.
Egun, lehen arretako zentroetan existitzen diren perfilak hauek dira: familia medikua, pediatra, erizaina, emagina, erizain-laguntzailea, administrazio-laguntzailea eta zaindaria.
Hala ere, Darponek zehaztu du zentro horietan psikologia, fisioterapia, podologia eta haginetako asistentzia ere eskaintzen dela, Osakidetzako beste sail batzuetara edota ospitaletako profesionalengana bideratuta bada ere.
Nolanahi ere, Darponek berretsi egin du anbulatorioetan fisioterapeutak eta hagin garbitzaileak izateko aukera aztertzen ari direla.
Hori bai, Osasun sailburuak argitu du, oraingoz behintzat, baztertu egin dutela psikologoak eta podologoak lehen arretako osasun zentroetara eramatea.
Zure interesekoa izan daiteke
Pazientearen hizkuntza ez hitz egiteak arriskuan jartzen du zehaztasun diagnostikoa, Pompeu Fabraren ikerketa baten arabera
Lanak ohartarazi duenez, egoerak ez die soilik etorri berriei eragiten, baizik eta "baita munduko hainbat herrialdetan hizkuntza gutxitua hitz egiten duten tokian tokiko herriatarrei ere". Gainera, ikusi dutenez, kasu gehienetan adinekoek eta haurrek arrisku handiagoa dute osasun-arretako hizkuntza-desoreka horren ondorioak pairatzeko.
Osasun Ministerioko langileek norobirus-agerraldiak kaltetuta dagoen Getxon amarratutako ontzia ikuskatuko dute gaur
Osasun-agintariek sintomarik ez duten bidaiariak ateratzeko baimena eman dute, eta 18 pertsonak isolatuta jarraitzen dute ontzian, gastroenteritisa dela eta. Osasun-egoera zein den aztertu eta baloratu ondoren, espero da ontzia gaur arratsaldean abiatuko dela Frantzia aldera.
Justiziak arrazoia eman dio Shakirari eta 60 milioi euro itzultzeko eskatu dio Ogasunari
Auzitegiak onartu egin du artistak Zerga Agentziaren ebazpenaren aurka jarritako errekurtsoa, eta bertan behera utzi ditu ezarritako likidazioak eta zehapenak, Administrazioak ez baitu egiaztatu 2011n abeslaria Espainian 183 egun baino gehiago egon zenik, eta legeak Pertsona Fisikoen Errentaren gaineko Zerga (PFEZ) ordaintzeko hori eskatzen du.
Kamioi batek istripua izan du eta karga galdu du A-8an, Galdakaon, eta auto-pilaketa luzeak sortu dira
Kamioilaria, zaurituta, ospitalera eraman dute, eta ibilgailua lekutik kentzeko lanean ari badira ere, zirkulazioa bere onera etorri da.
Getxoko portua, gastroenteritis agerraldiak jotako gurutzaontzia jasotzeko prest
Goizeko bederatziak alderako da iristekoak. Une honetan, gastroenteritis arrunta duten 17 pertsona daude ontzian, isolatuta.
500 urte Bizkaiko Foru Barria onartu zenetik, John Adams eta Humboldt liluratu zituen lege zaharra
1526an onartua, Bizkaiko Foru Barria giltzarri izan zen lurraldearen autogobernua eraikitzeko. Aurrerazalea eta berdinzalea izan zen, hala nola genero-berdintasunean edo berme prozesaletan.
Gizon bat oso larri zauritu da Barasoainen, motokultore batekin izandako istripu batean
Ezbeharra Barasoaingo baratze batean gertatu da, Restaño inguruan, motokultore batekin lanean ari zen gizona makinak harrapatuta geratu denean.
SAPAko akziodun nagusiak Reala "irudi garbiketa" egiteko darabilela salatu dute Anoeta aurrean
“Gerrari ez, bizitza duinak denontzat!” lelopean, armagintzaren aurkako konpromisoak eta erabakiak har ditzatela eskatu diete agintariei. Ildo horretatik, iragarri dute hurrengo asteetarako Bilbon, Gasteizen eta Iruñean hainbat ekintza egingo dituztela.
LGTBI kolektiboaren aldarria Bilbon eta Iruñean, Homofobia, Transfobia eta Bifobiaren aurkako Nazioarteko Egunean
Trans pertsonenganako "indarkeria instituzionala" salatu dute Bilbon. Iruñean, berriz, "espazioak lasaitasunez okupatzeko eta bizitzeko" eskubidea aldarrikatu dute.
Gernikako lokutorio bateko langilea atxilotu dute, bezeroen eta lagunen 82.000 euro bereganatzea leporatuta
Ikerketako iturrien arabera, diru-bidalketak justifikatzeko erreziboak egiten bazizkien ere lokutorioko bezeroei, azken bi hilabeteetan ez zituen bidalketak gauzatu. Era berean, lagunei maileguak eskatu eta desagertu egin zen.