Gripeak 86 hildako utzi ditu aurten Euskadin, eta dagoeneko ez da epidemiatzat jotzen
Gripeak 86 hildako utzi ditu denboraldi honetan Euskadin, baina eragina epidemia atalasearen azpitik dago jadanik, eta azken astean, aurrekoetan izandako atzerapenaren ildotik, 100.000 biztanleko 49,91 kasu izan dira, atalase epidemikoa 52,52 kasukoa izanik.
Gripe kasu isolaturen bat egon badaiteke ere, zantzu guztien arabera, gripearen jarduera amaitutzat eman da EAEn, Eusko Jaurlaritzako Osasun Sailak jakinarazi duenez.
Denboraldiaren hasieratik, gripearen ondorioz 2.003 ospitaleratze izan dira izan dira, eta horietatik 409 kasu larriak izan dira (% 20,41). Kasu larrien %83k, hau da, 343 kasuk arrisku faktoreak eduki arren, %44 besterik ez ziren txertatu (151). Hildakoak 86 izan dira, eta horietatik %40 txertatuta gabe zeuden.
Osasun Sailak berriro azpimarratu du txertatzea komeni dela, gripeari aurre egiteko modurik seguru eta eraginkorrena delako, baita gaixotasunak sor ditzakeen arazoak saihesteko ere, batez ere kolektibo kalteberenen kasuan: 65 urtetik gorako pertsonak, gaixotasun kronikoren bat duten pertsonak eta emakume haurdunak.
Era berean, Osasun Sailak eta Osakidetzak berriro azaldu dute esker ona eta aintzatespena euskal osasun zerbitzu publikoa osatzen duten gizon-emakume guztiekiko, urtero gripearen epidemiak eragiten duen laguntza eskaera handiko aldian berriro ere egindako lan bikainagatik.
Zure interesekoa izan daiteke
AEK-k Korrikatik kanpo utzi du CCOO sindikatua, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, "Erroldarik gabe ez naiz existitzen" lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.