Euskaldunen ustez, soldata arrakala dago, baina ez dute norbere enpresetan atzematen
10 elkarrizketatutik 7k baino gehiagok uste dute Euskadin emakumeei gutxiago ordaintzen zaiela lanordu bakoitzeko. Alabaina, soilik % 14k atzematen du ezberdintasuna norbere enpresan.
EAEko biztanleriak emakumeen eta gizonen berdintasunari buruz dituzten iritzi eta jarrerak (etxea, politika edota lana) aztertzeko inkestaren datuak eman ditu ezagutzera Eusko Jaurlaritzak ostegun honetan. Honela, herritarren % 98ren ustez, "ez da oso onargarria" edo "ez da batere onargarria".
Euskadin erabaki politikoak hartzeko postuetan emakume gehiago izatearen alde daude herritarren % 71 (emakumeen % 75 eta gizonen % 67, hain zuzen). EBn batez beste herritarren % 54 dira horren aldekoak.
Halaber, gehiengoaren iritzian, hedabideek gizonak baino okerrago tratatzen dituzte politika munduan lanean ari diren emakumeak (emakumeen % 72 eta gizonenen % 60 "guztiz ados" edo "ados" daude horrekin), emakumeengan konfiantza nahikoa ez duten gizonek agintzen dute politikan (galdetutakoen % 70ren ustez), familia-ardurak direla-eta emakumeek askatasun gutxiago dute (emakumeen % 74 eta gizonen % 63ren ustez) eta gutxiago baloratzen diren edo prestigio txikiagoa duten arloetako ardurak ematen zaizkie politika munduan lanean ari diren emakumeei (emakumeen % 67k eta gizonen % 60k uste dute hori).
Elkarrizketatuen aburuz, gizonek emakumeek baino anbizio handiagoa dute (% 28), emakumeek gizonek baino interes gutxiago dute politikako ardura postuetan (% 25) eta, azkenik, oso gutxik uste dute emakumeek politikan ardura postuak betetzeko behar diren dohain eta gaitasunik ez dutela (galdetutakoen % 5).
Bestalde, herritarren gehiengoaren arabera, garrantzitsua da berdintasuna sustatzea beraientzat (galdetutakoen % 99 "guztiz ados" edo "ados" daude horrekin), gizarte justu eta demokratikoa ziurtatzeko (% 98) eta enpresentzat eta ekonomiarentzat (% 97).
Gehiengoak modu positiboan baloratzen ditu gizonek berdintasunaren alde egiten dituztenak: gizonek bikotekidearekin etxeko lanak berdintasunez partekatzea (% 99k "oso ondo" edo "nahikoa ondo" ikusten dute), gizonek seme-alabak zaintzeko baimena hartzea (% 96), gizonek lagunei aurka egitea broma sexistak eginez gero (% 78) eta gizonek beren burua feministatzat jotzea (% 68).
Euskadi EBko herrialdeen buru dago, Suediarekin batera; izan ere, herritarren % 76k babesten dituzte horrelako portaerak (EBko batez bestekoa % 36koa da).
Berdintasunaren alde egiten duten portaera femeninoen onarpena ere oso altua da, eta sexuaren arabera iritzian ez dago alderik: emakume batek jokaera matxistak salatzea (% 92k "oso ondo" edo "nahikoa ondo" dagoela uste dute), emakume batek bere bizitzan karrera profesionalari lehentasuna ematea (% 86), emakume batek seme-alabarik ez izatea erabakitzea (% 72) eta bere burua feministatzat jotzea (% 74).
Hala ere, generoari lotutako estereotipoak agertu dira biztanleen artean. Emakumeek gizonek baino gehiago hartzen dituzte erabakiak emozioetan oinarrituta (galdetutakoen % 51 "guztiz ados" edo "ados" daude aurreiritzi horrekin) eta gizonen ardura nagusia dirua irabaztea eta emakumeena etxea eta familia zaintzea dela uste dute batzuek (galdetutakoen % 11).
Zure interesekoa izan daiteke
Lau adingabe ikertzen ari dira, Lasarte-Orian bi gazte jipoitzea egotzita
Biktimak, 20 eta 17 urtekoak, Lasarte-Oriako ikastetxe bateko patioan zeuden eta zazpi gazteko talde bat hurbildu zitzaien zigarro bat eskatuz. Ezetz erantzun ondoren, horietako lau ukabilkadak ematen hasi zitzaizkien eta ospitalean artatu behar izan zituzten.
Gizon baten gorpua aurkitu dute Eskoriatzan, ibaian flotatzen
Herritar batek eman du abisua, 09:15 aldera. Deba ibaian hilotz bat ikusi du, udalerriko Aingeru Guarda auzoaren parean.
Iragarki faltsuen bidez iruzur egiten zuen talde kriminal bat desegin dute Bizkaian
Bost pertsona ikertzen ari dira, eta 'Negare' polizia operazioak zabalik jarraitzen du. Oraingoz, 28 kaltetu identifikatu dituzte, batzuk Araban (1), Gipuzkoan (1) eta Nafarroan.
Duela 4.000 urteko bisonte baten hezurdura topatu dute, ia osorik, Urbasan, eta Iberiar penintsulan dokumentatutako lehen bisonte europarra izan daiteke
Maria Chivite presidenteak eta Rebeca Esnaola Kultura eta Kirol kontseilariak "garrantzi zientifiko handiko" aurkikuntza aurkeztu dute astelehen honetan. Aurkikuntza “bakarra” da Iberiar penintsulan, eta Arrafela leizean egin zen, Kultura Departamentuak sustatutako esku-hartze arkeologiko batean, Euskal Herriko Unibertsitatearen eta Madrilgo Historia Naturalaren Museoaren parte-hartzearekin, besteak beste.
Donostiako Udalak atxilotuen jatorriaren berri emango du aurrerantzean
Bilbok eta Gasteizek ez bezala, Donostiak bat egin du Eusko Jaurlaritzako Segurtasun Sailak ezarritako irizpidearekin. Aurrerantzean, Donostiako Udaltzaingoak atxilotuen jatorria jakinaraziko du, hedabideek zein herritarrek eskatuta edo "egoerak hala eskatzen duenean".
Goiz korapilatsua Bilbo inguruko errepide nagusietan
Istripu bat izan da Barakaldon, Ansioko bihurguneetan, Donostiarako noranzkoan, eta pertsona bat ospitalera eraman dute, zauriturik. Bestalde, lau ibilgailuk talka egin dute Zamudion, Txorierrin, eta auto-ilarak izan dira goizean goiz.
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.