2030 Agenda ikuspuntu feministatik erakutsiko dute Donostian

UNESCO Etxeak eta Haurralde Fundazioak jardunaldiak antolatu dituzte Nazio Batuen Garapen Iraunkorrerako Helburuak begirada feministatik ezagutzeko, maiatzaren 15ean eta 16an.

eitb.eus

2018/05/14 - 21:27

Azken eguneratzea

2018/05/15 - 18:23

“Begirada intersekzional feminista tokian tokiko eta mundu mailako garapen iraunkorrerako 2030 agendari” jardunaldiak egingo dituzte Donostian astearte eta asteazken honetan, maiatzaren 15ean eta 16an, Tabakaleran, Haurralde Fundazioak eta UNESCO Etxeak antolatuta.

Jardunaldi hauen helburua da: 2030 agenda begirada feminista batetik ezagutzea eta horren inguruan hausnartzea, horrela, gizarteari berdintasunean eta garapen iraunkorrean aurrera joateko tresnak emateko.

Era berean, egun hauetan ingurumenaren babesa eta klima aldaketak emakumeen eta nesken artean zer-nolako eraginak dituen aztertuko dituzte. Administrazioen eta gizartearen funtsezko garrantzia ere aztertuko dute emakumeen eskubideak babesteko eta salatzeko; batez ere, sexu eta ugalketa eskubideei dagokienez.

Jardunaldiak asteartean hasiko dira, 09:00etan, aurkezpen batekin, eta 10:00etan hitzaldiak hasiko dira. Lehenengoa Emilia Reyes Zuñiga 'Equidad de Genero: Ciudadania, Trabajo y Familia' erakunde feministako kideak emango du.

Ondoren, beste hiru hitzaldi egongo dira, eta, hizlarien artean, Marianne Haslegrave Commonwealth-eko medikuntza elkartearen zuzendari eta ugalketa osasunean aditua eta Carmen Capriles ingurumen aktibista egongo dira.

Maiatzaren 16an, asteazkenean, ingurumenaren eta klima aldaketaren inguruko bi hitzaldi eta mahai-ingurua egongo dira.

Albiste gehiago gizartea

Sanferminak, entzierroak eta zezenak baino askoz gehiago

Zezenak Santo Domingoko aldapan edo Estafetan. Hori izan ohi da sanferminetako irudirik ohikoena. Baina Iruñeko jaiak hori baino askoz gehiago dira. Eguneko 24 orduetan aurkitu daiteke festa-giroa eta musika non nahi. Dantzak, jotak, erraldoiak eta buruhandiak, kontzertuak... ez dago aspertzeko astirik.

Pauseko (Tarragona) suteak balio ekologiko handiko naturgune bat mehatxatzen du

Udako bigarren sute handia da Katalunian, eta egoera benetan zaila da. Sua kontrolik gabe ari da aurrera egiten, haize bortitzek bultzatuta, eta bederatzi herritako 18.000 pertsona daude konfinatuta.

Euskal jatorriko gazte iparramerikarren talde bat Euskal Herrian dabil egunotan bisitan

16 eta 25 urte bitarteko 50 gazteak Euskadin egonaldia egiten ari dira egunotan, Ateak Ireki 2025 programaren baitan. Helburua euskara ezagutzea eta haien sustrai kulturalak hobeto ezagutzea da. Euskadin dauden bitartean, Goierriko familiekin ari dira bizitzen.