Minbiziaren biziraupen-tasa % 59koa da emakumeen artean, eta % 52koa gizonen kasuan
Jon Darpon Eusko Jaurlaritzako Osasun sailburuak adierazi duenez, Euskal Autonomia Erkidegoan minbiziaren biziraupen-tasa % 59koa da emakumezkoen kasuan, eta % 52koa, aldiz, gizonezkoen kasuan. Gainera, Darponek iragarri duenez, hemendik gutxira abian jarriko dute Gipuzkoan zerbix-minbiziaren behaketa-programa (Osakidetzak jada eskaintzen duen bular- eta kolon-minbizia antzemateko programekin batera).
Minbiziaren Aurkako Euskadiko Elkarteek antolatuta, Minbiziaren I. Kongresua egin dute igande honetan Donostian, eta han parte hartu du Darponek. Hitzordu hartan ere Bakartxo Tejeria Eusko Legebiltzarreko presidentea eta Donostiako alkatea, besteak beste, izan dira.
Minbizia izan duten hainbat pertsona ezagunen testigantza zabaldu dute kongresuan, bideo bitartez, tartean Juan Maria Aburto Bilboko alkatearena.
Darponen iritzian, horrelako topaketak "gaixoak, senideak, elkarteak, boluntarioak, medikuak, ikerlariak eta erakundeak biltzeko aukera paregabea da eta, gure artean lagunduta, minbiziaren aurka hobeto egingo dugu borroka".
Jon Darpon Osasun sailburua, Donostian izandako Kongresuan. Argazkia: EFE
"Gure helburua da heriotza-tasa murriztea eta biziraupen-tasa handitzea, minbizia duen gaixoari arretarik onena eskainita", azaldu du.
Osasun sailburuak azpimarratu duenez, 2000az geroztik minbiziaren biziraupen-tasa igotzen joan da Euskadin. Egun, minbiziaren biziraupen-tasa % 59koa da emakumezkoen artean, eta % 52koa, aldiz, gizonezkoen artean. Urtero 13.500 kasu berri antzematen dira Euskadin.
Eusko Jaurlaritzarentzat, esan du Darponek, osasuna "herritarren eskubidea da, eta hala izaten jarraitzea nahi dugu, prebentzioa, osasun arreta, eta emaitzak osasunean eta bizi-kalitatean herritar guztientzako errealitate bihurtzeko asmoz".
Bestalde, Osasun sailburuak iragarri du hemendik gutxira abian jarriko dutela Gipuzkoan zerbix-minbiziaren behaketa-programa. "Bular- eta kolon-minbiziaren kasuetan bezala, udalerriz udalerri emakumezko guztiak deituko ditugu", azaldu du, "25 eta 35 urte artekoak hiru urtean behin, eta 35 urtetik aurrera, berriz, bost urtean behin".
Zure interesekoa izan daiteke
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.